ماكينة فاكيوم تشكيل علب الزبادي من شركة المهندس منسي
العميل : ايوه يا فندم حضرتك احمد بهجت من الفيوم
المهندس منسي : اهلا وسهلا
العميل : اهلا بيك يا فندم معلش كنت عايز بس اسال على اسعار مكن الفاكيوم
المهندس منسي : اسعار مكن الفاكيوم ؟
العميل : اه
المهندس منسي : اتفضل معاك
العميل : كنت عايز اعرف يا افندم الاسعار ايه ؟
المهندس منسي : فى مكنتين فى مكنة وفى مكنة اللى هى ديه غرفتين ديه 4 مكنات فى مكنة واحدة .
العميل : اه هو انا هعمل مشروع صغير انا هعمل حاجة صغيرة كده انا عايز يعنى حاجة احطها فى محل اكل من وراءها لقمة مش اكتر
المهندس منسي : انت هتصنع بيها ؟
العميل : نعم يا أفندم
المهندس منسي : انت هتصنع اشكال يعنى ولا هتغلف منتجات ؟
العميل : انا عايز اعمل حاجات تغليف يعنى عايز اصنع حاجات تغلف .
المهندس منسي : اه ما هو فى نوعين من الفاكيوم فى مكنة فاكيوم لتغليف المنتجات يعنى تشفط الهوا من كيس تغليف المنتج وتغلفه وفى مكنة فاكيوم بتصنع الاشكال
العميل : ايوه اللى بتصنع الاشكال علبة الزبادى والحاجات ديه .
المهندس منسي : ديه تعلمها وال بنحسبه ب 18
العميل : ال فى السوق ب 18
المهندس منسي : لا مش فى السوق احنا اللى بنحسبه فى 18
العميل : ده مفيش حاجة اقل من كده ديه رافع اوى كده
المهندس منسي : لا مش هى الى مرفوعة الجنيه هو اللى نازل
العميل : الجنية هو اللى نازل صح للاسف
المهندس منسي : ال بقى عالى علينا عالى جامد
العميل : مبوظ على الدنيا كلها فعلا
المهندس منسي : اه
العميل : لو فرضنا ان ربنا يسر الحال وافترضنا ان هنقدر نجبها ان شاء الله الخامات بتاعتها متوفرة فى السوق ياباش مهندس وكده ؟
المهندس منسي : اه متوفرة
العميل : برضه غالية ولا ولا ؟
المهندس منسي : انهاردة تعملها فى حدود 25 او 28 كده
العميل : 25 الف ؟
المهندس منسي : لا 25 جنيه الكيلو
العميل : 25 جنيه الكيلو بندخل عليها ايه الواح وكده ؟
المهندس منسي : اه بتبقي رولات تعمل عليها اللى انت عايزة بيكون فى رولات 200 مكرول او 250 مكرول اللى انت عايزه
العميل : اه طيب تمام تمام طب هو مشروع مربح انا بصراحه معرفش حاجة عنه
المهندس منسي : هو مشروع مربح 100 فى 100
العميل : مربح 100 فى 100 ؟
المهندس منسي : مربح الف فى 100
المهندس منسي : هو معتمد على المجهود البشرى اكتر من المجهود المادى هو فى عالم الصناعة وعالم الانتاج حاجة ب 3 تعريفة يعنى
العميل : اه اكيد طبعا ديه حاجة طبعا
المهندس منسي : انت مثلا لما تيجى تشوف ماكنة مثلا مثلا بتعمل 2000 الف هتلاقيها بتعتمد على الفلوس مش بتعتمد على المجهود البشرى
العميل : اه اه
المهندس منسي : اه مكنة صغيرة زى ديه ب بتعتمد على المجهود البشرى اكتر من المادى فديه بتخاطب الناس اللى عندها حمية .
العميل : حمية ازاى ؟
المهندس منسي : الناس عندها شغف وعايزة تعمل مشاريع
العميل : اه اه
المهندس منسي : بيعتمد على نفسه فى توزيع المنتج وهو بيوزع المنتج على كل مستوى العالم مثلا لو قلنا مستحضرات التجميل هى بتحتاج لكل اشكال البلاستيك تغلف فيها لو قلنا الحلوانى بيحتاج اشكال بلاستيك وعلب بلاستك يغلف فيها لو قلنا المطاعم فبيحتاج علب بلاستيك عشان يحطوا فيها فاهمنى ؟
العميل : تمام تمام
المهندس منسي : كتير
العميل : اه عارف كتير كتير
المهندس منسي : لو قلنا سرنجات …
العميل : لو حتى لعب اطفال
المهندس منسي : اه الله ينور عليك
العميل : تمام تمام
المهندس منسي : حضرتك تقريبا دارس الموضوع مش داخله كده وخلاص
العميل : اه فعلا انا بدرسه بعناية اه اه بس انا يعنى عندى طموح عايز اعمل حاجة
المهندس منسي : ما هى فعلا بتلائم الناس اللى عندها طموح وعايزة تعمل حاجة فعلا بتساعده ان يعمل حاجة ويكون مصنع لو هو معهوش راس المال يقدر منها يكون مشروع ويكون مجهود ويعمل مصنع ويعمل انتاج وياما ناس عملت مصانع .
العميل : الله الله
المهندس منسي : مش عايز اقولك ايام ما كانت 12 ده واحد شايف استلف 6 وجمع ال6 الباقين عندى دلوقتى ماشاء الله صاحب مصنع لو تعرف اسمه مصنع بوب
العميل : الله الله
المهندس منسي : وغيره وغيره وغيره يعنى مش ولو كل واحد فتح جنب واحد صدقنى هتمشي فى بلدنا زى مصر فيها على الاقل مليون نشاط مختلف بيعتمد على ده
العميل : اه اه
المهندس منسي : فهو مشروع مربح
العميل : انا عايز اكون مختلف مش عايز اكون مشروع وخلاص حابب اكون مختلف اعمل حاجة جديدة مش زى اى حادة زى الناس يعنى انا من الفيوم مش عارف شغل زى كده متوفر ولا الناس بتجيب من القاهرة ولا ايه ؟ انا حتى مش عارف فى محفظتى هنا حد عمله ولا لا ؟
المهندس منسي : حتى لو حد عمله مش هيقدر يغطى المحافظة كلها
العميل : مش هيبقي كتير كمان بالظبط كده بالظبط ، طب يا افندم الصناعة بتاعتها فيها مشكلة
المهندس منسي : احنا ماركة يا افندم احنا ماركة احنا اللى مصممين التصميمات بناء على العميل بتاعة وعلى بساطة العميل بتاعنا عشان يعرف العميل يتعامل معاها وكمان متوافر عندنا كمان قطع الغيار بتاعتها وعندنا كمان كل التسهيلات احنا بنجمع قطع الغيار عندنا هنا فى مصر .
العميل : الشركة هتعرفنى طب ازاى اتعامل معاها يعنى حد من عندكم هيدربنى اتعامل معاها ازاى ؟
المهندس منسي : اكيد اكيد يا افندم مش هنسيبك غير لما انت تكون شغال وزى الفل ومائة فى المائة
العميل : الاسطمبات بتاعتها برضوا عند حضرتك
المهندس منسي : اه بعملك الاسطمبات وبعرض ليك بيتعملوا ازاى
العميل : تمام تمام طب الاستمباط واللوازم ديه داخلة من ضمن فلوس المكنة ولا ده حساب تانى لوحده ؟
المهندس منسي : لا لا كل حاجة لها لوحدها يعنى سعر الاسطمبه لوحده وسعر المكن لوحده
العميل : اه اه طب الاسطمبات بتبقي غالية يا افندم ولا بتبقي ازاى ؟
المهندس منسي : بص الاستمباط بتبقى فى حدود 3 او 4
العميل : 3 او 4 الاف
المهندس منسي : اه
العميل : اه تمام تمام ماشي الله المستعان .
المهندس منسي : كل اسطمبه بسعرها فى اسطمبه تقف عليك غالية وواحدة تانية لا حسب الاسطمبه نفسها يعنى فى اسطمبه ب 15 وفى ب 20 وفى اسطمبه ب 2 وكده يعنى .
العميل : اه اه فاهمك
المهندس منسي : وفى عميل الاسطمبه العميل يعملها على ايده متكلفهوش حتى 100 جنيه
العميل : تمام تمام انا عايز اعرف بس عنوان حضرتك فين عشان لو حبيت انزل وربنا يسر الحال واخد القرار وكده باذن الله
المهندس منسي : احنا عندنا فى حدائق القبة ، باب الشعرية ، مدينة نصر و6 اكتوبر
العميل : اه اه الاقرب الاقرب اكيد الاقرب ليا فى 6 اكتوبر اكيد
المهندس منسي : حاضر هبعتلك العنوان فى رسالة حالا حاضر حاضر
العميل : تمام شكرا يا افندم ربنا يباركلك الف شكر اتفضل سلام
المهندس منسي : سلام
