ماكينة فاكيوم تشكيل علب صوابع الملبن من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : باش مهندس منسي
المهندس منسي : أيوه
العميل : طيب في عندك مكنة فاكيوم
المهندس منسي : عندي إيه؟
العميل : مكنة الفاكيوم
المهندس منسي : آه عندنا آه
العميل : طب تعمل كام يا حاج
المهندس منسي : إنت عايز أنهي مكنة فاكيوم، يعني عايزها لإيه؟
العميل : أنا عايزها أعمل عليها العلب بتاعت صوابع الملبن
المهندس منسي : آه.. اللي هي تشكيل العلب
العميل : أيوه
المهندس منسي : مكنة فاكيوم بتاعت تشكيل العلب علشان.. آه موجودة، عامله ، يعني 15000 جنيه مصري
العميل : عامله 15000 مصري
المهندس منسي : آه
العميل : طب ومعاها اسطمبات؟
المهندس منسي : لأ ما هوه الاسطمبة بنعملها لك بالطلب إنت عايز اسطمبة مدورة ولا مستطيلة ولا مربعة؟
العميل : إنت عارف بتاع الملبن
المهندس منسي : نشوف بقى الشكل وبعد كده نقولك عليه، ولكن في عندنا حوالي 3 ـ 4 اسطمبات ممكن تنقيلك اسطمبة منهم
العميل : ماشي… طب وما تتهاودش معانا في 15000 دوله؟
المهندس منسي : إحنا شركة كبيرة، مش فاتح محل
العميل : ما أنا عارف أمال أنا بكلمك ليه، ما هوه أنا بكلم الشركة على طول
المهندس منسي : آه… فإحنا ملتزمين كلنا بقائمة أسعار محدش يقدر يغيرها، إحنا شركة عالمية مش شركة مصرية بس
العميل : ماشي… أنا بإذنك يا رب.. إنت بتبقى فاتح أيام ولغاية الساعة كام؟
المهندس منسي : بنقفل بس الجمعة، وإحنا فاتحين من 11-9
العميل : خلاص ماشي… يوم السبت بإذنك يا رب أو الحد بالكتير
المهندس منسي : إن شاء الله
العميل : ماشي يا فندم
المهندس منسي : مع السلامة
العميل : شكراً الله يسلمك
