ماكينة فاكيوم تشكيل لتصنيع علب اكسسوارات الموبايل من شركة المهندس منسي

العميل : السلام عليكم…ألو السلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : كنت بسأل على سعر المكنة الفاكيوم، هي كذا نوع ولا إيه؟

المهندس منسي : في منها أنواع، في مكنة اللي بتفاكيوم الأكياس، وفي مكنة اللي بتفاكيوم عشان تعمل أشكال وعلب وحاجات من دي

العميل : أيوه دي اللي أنا بسأل عليها بتاعت العلب دي

المهندس منسي : آه…

العميل : ديت حضرتك تعمل كام؟

المهندس منسي : أيوه اكسسوارات الموبايل، وأغلفة اكسسوارات العربيات وكده يعني

العميل : تمام.. دي بتبدأ من كام؟

المهندس منسي : دي هي موديل واحد بـ

العميل : تمام… بتتحط.. لسه قاري على النت إنها صغيرة مش محتاجة مكان كبير قوي يعني، صح؟

المهندس منسي : لا مش محتاجة لأ

العميل : تمام.. طب الخامات بتاعتها بتبقى متوفرة فين بقى، ولا حسب الحاجة اللي بتتعمل بقى، كل حاجة ليها خامات؟

المهندس منسي : آه كل حاجة بيبقالها خامة، ولكن إحنا بنساعدك ما تقلقش إحنا عندنا أوردي خامات يعني

العميل : والله.. أصل أنا بصراحة من المنصورة

المهندس منسي : منين في المنصورة؟

العميل : من شارع كلية آداب

المهندس منسي : أصل أنا أساساً من قرية تبع المنصورة اسمها ميت مسعود

العميل : آه.. آه.. عارفها طبعاً آه، إنتم مالكمش فرع هنا صح في المنصورة؟

المهندس منسي : والله أتمنى

العميل : آه…

المهندس منسي : بندور على مكان ومش لاقيين

العميل : والله.. في أماكن كتير

المهندس منسي : ما هو المشكلة الأماكن اللي عندي في القرية بتاعتنا، فصعب إن حد يجيلي قرية

العميل : إنت عايز حضرتك في المنصورة

المهندس منسي : عايز على الطريق على الأقل، مش شرط المنصورة نفسها، ممكن يبقى على الطريق

العميل : آه.. ممكن آه

المهندس منسي : إنما بتقول للناس النهاردة شوفولي حاضر هنشوفلك، والتلاهي بقى الدنيا تلاهي، كله بيجري النهاردة ما عدش حد فايق لحد

العميل : صح.. اللي إنت حضرتك بتقولي.. حضرتك الأول ما اتشرفتش باسم حضرتك

المهندس منسي : المهندس منسي معاك

العميل : أهلاً وسهلاً يا باش مهندس، طيب حضرتك الفاكيوم فيها إيه؟ بتعمل أكياس برده ولا إيه؟

المهندس منسي : لأ ده في مكنة تانية اسمها شفط الهوا من الأكياس، بتشفط الهوا من الكيس عشان المنتج جوه بتحافظ عليه

العميل : آه.. آه.. تمام… إنما الفاكيوم اللي حضرتك بتقول عليها ديت بـ

المهندس منسي : آه اللي بتصنع العلب وبتفاكيوم بطريقة السكيم باك…

العميل : إنما ما بتعملش بقى أطباق الفوم صح؟ دي حاجة تانية ليها مكن تاني؟

المهندس منسي : عادي تعملها لو إنت حطيت عليها فوم هتسخنهولك وتكبسه عادي مافيش مشكلة

العميل : يعني عادي شغالة فيه برده

المهندس منسي : آه

العميل : تمام… طب لما مثلاً ناخد حاجة في حد بدربني عليها وكده

المهندس منسي : أكيد.. لازم تدرب مرتين، مرة عندنا ومرة عندكم

العميل : والخامات برده إن شاء الله تبقى سهلة؟

المهندس منسي : آه طبعاً

العميل : أصل أنا بيني وبينك أنا عندي شقة دور أرضي، فأنا بدور على مشروع أعمله، فاهم قصدي، فأنا قريت على الشركة عندكم، أنواع المكن عندكم كتير وكده، فمش عايز حاجة برده تبقى سعرها عالي قوي، فاهم قصدي؟ فأنا لقيت تقريباً دي أنسب حاجة وكده، ولا إنت في حاجة قدام حضرتك تنصحني بيها برده؟

المهندس منسي : ما هو على حسب الإمكانيات المادية، وحسب المكان المتاح، دي حاجة كده من منازلهم، يعني مشروع صغير في البيت

العميل : آه.. آه… ما المكان عندي زي ما قلت لحضرتك، هي شقة فاضية مافيش حد ساكن فيها دور أرضي

المهندس منسي : آه عادي إحنا بالنسبة لنا مكنا يطلع أي دور مافيهاش مشكلة، يعني من ضمن مميزات مكنا إن إحنا نقدر نطلعه أي دور

العميل : لا أنا قصدي المكنة دي كويسة ولا في حاجة تانية تنصحني بيها بس ما يكونش سعرها عالي؟

المهندس منسي : والله هوه في ////// كويسة بس دي بتعتمد على المجهود البشري، يعني إنت هتسوق منتج إنت اللي هتسوقه بنفسك في الأول عبال ما تعمل اسم، وفي مشاريع تانية شوف التسويق إيه؟ التسويق هوه اللي هيقولك إيه؟ وإنت حابب إيه، إنما في مكن تعبئة وتغليف توابل، في مكن تعبئة وتغليف حبوب، حبيبات، بقوليات، زيت، سكر، في شامبو، في مكن تعبئة وتغليف مستحضرات تجميل بجميع أنواعها…. مشاريع كتير قوي

العميل : إنما إيه رأي حضرتك المكنة دي شغالة كويس ومنتجاتها شغالة؟

المهندس منسي : في ناس كتيرة فتحوا منها مصانع

العميل : أنا معايا حتى عربية ملاكي أهي بتساعدني برده في التسويق

المهندس منسي : ييسرلك ربنا

العميل : ربنا ييسرلك، سعرها قلتلي

المهندس منسي : إن شاء الله

العميل : حسب سعر ال طبعاً في السوق؟

المهندس منسي : إحنا بنحسبه بـ 18

العميل : تمام، طيب أنا هشوف كده برده وهرجع أكلم حضرتك، هشوف الدنيا وأرجع آخد العنوان بالضبط، أنا هسجل الرقم دلوقتي معايا

المهندس منسي : ماشي يا غالي

العميل : ماشي يا باش مهندس، أشكرك يا فندم، مع ألف سلامة