ماكينة فاكيوم تشكيل من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : لو سمحت أنا بسأل على مكنة الفاكيوم
المهندس منسي : اللي هي… إحنا عندنا مكن فاكيوم كتير
العميل : أنا مش عارفة معنديش خبرة قوي بس عايزه أسأل بس على أسعارها وكده والاسطمبات بتاعتها بتكون موجودة عندكم ولا إيه؟
المهندس منسي : آه إنت عايزه فاكيوم تشكيل
العميل : آه…
المهندس منسي : فاكيوم التشكيل هتصنعي علب وكده يعني؟
العميل : آه
المهندس منسي : دي سعرها ، يعني 15000 جنيه مصري
العميل : تمام، طب والاسطمبة بتبقى معاها ولا دي بيبقالها سعر تاني
المهندس منسي : لا الاسطمبة بيبقى ليها سعر تاني بناء على الشكل اللي إنت بتعمليه
العميل : آه.. بتبقى في حدود كام كده
المهندس منسي : بتبقى في حدود كام…. هي الاسطمبة بتبقى في حدود 3000 ـ 4000 ما هوه إحنا مش عارفين الشكل اللي هتعمليه
العميل : هي بتبقى مصري يعني بتتصنع هنا ولا بنستوردها الاسطمبة
المهندس منسي : بتتصنع هنا في مصر آه
العميل : طيب ماشي هوه عنواكم فين؟
المهندس منسي : إحنا عندنا حدائق القبة، مدينة نصر، باب الشعرية
العميل : خلاص ماشي شكراً
