ماكينة فاكيوم تشكيل من شركة المهندس منسي
العميل: سلام عليكم.
المهندس منسي: وعليكم السلام ورحمه الله وبركاته.
العميل: شركة المهندس منسي؟
المهندس منسي: أيوه.
العميل: لو سمحت بس أنا كنت عايز أستفسر عن حاجة بس، أنا كنت عايز أعمل المشروع اللي هوه مكنة الفاكيوم ده هوه عند حضرتك المكنة؟
المهندس منسي: إن شاء الله.
العميل: طيب الأسعار إيه، ونظامها إيه.
المهندس منسي: إنت هتعمل فاكيوم إيه تشكيل ولا إيه؟
العميل: بصراحة أنا أول مرة أدخل في المجال ده وأول مرة أعمل الحاجة دي، بس أنا شوفت الفيديو اللي حضرتك ناشره على النت وكده فعجبتني الفكرة يعني، أنا من الفيوم عامة.
المهندس منسي: آه.
العميل: فمفيش عندنا حاجة زي كده، فهل هي تعمل إيه بالضبط، إيه الأنواع اللي بتصنعها وإيه الأشكال اللي بتعملها؟
المهندس منسي: بتشكل علب بلاستيك، وبتشكل أكياس بلاستيك.
العميل: يعني ممكن تعمل الحاجات اللي هي الفيل ده ولا الفوم، ولا الفاكيوم ده خامة لوحديها؟
المهندس منسي: لا بتعمل البلاستيك الفاكيوم.
العميل: آه.
المهندس منسي: اللي هو أشكال البلاستيك الفاكيوم.
العميل: ده غالي، الألواح دي غالية ولا الخامة دي غالية؟
المهندس منسي: لا مش غالية ولا حاجة.
العميل: آه… طيب المكنة أسعارها إيه، وإيه الإمكانيات وكده؟
المهندس منسي: المكنة سعرها النهاردة .
العميل: .. دي أقل حاجة ولا أعلى حاجة؟
المهندس منسي: ما هي مافيش أعلى ولا أقل، لو عايز أعلى نعليلك في السعر وبس، ونديلك مكنة نفس المكنة ونعليلك في السعر بس، لأن هي مكنة واحدة.
العميل: آه… بتطلع كل الأشكال اللي أنا عايزها، علب، برطمانات، بتعمل علب الزبادي والحاجات دي.
المهندس منسي: آه.. إنما مش بتعمل برطمانات، برطمانات دي مكنة كاملة.
العميل: لكن دي تعمل علب الزبادي وعلب الكشري.
المهندس منسي: زي علب الزبادي وزي علب الكشري، إنما تعمل علبة الزبادي إنما ما تعملش علبة الكشري ليه، لأن هي تعمل علبة الكشري لغاية ارتفاع بس 5سم.
العميل: آه.. الارتفاع بتاعها لغاية 5 سم بس، يعني برده ما تعملش كوبايات، اللي هي كوبايات بتاعت المياه والـ…
المهندس منسي: أي حاجة ارتفاعها 5سم.
العميل: طيب، حضرتك مقر الشركة فين لو حبيت آجي لحضرتك؟
المهندس منسي: هبعتلك العنوان في رسالة حالاً.
العميل: على الرقم ده.. ماشي يا باشا.
