ماكينة فاكيوم تشكيل من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : أنا كلمتك بخصوص ماكينة الفاكيوم كم سعرها أنا بالمملكة العربية السعودية

المهندس منسي : خامات إيه؟؟؟ هوه إحنا عدد من الأفراد بيردوا على التليفونات، فياريت تكرر الطلب بعد إذنك

العميل : والله أنا بدي يعني ماكينة الفاكيوم ، اللي هي بطلع الأشكال دي، الخامة البلاستيك دي كام سعرها؟ وكام المقاس بتاعها؟ وكده يعني

المهندس منسي : هوه المقاس حضرتك اللي بتحدده، أما الكيس بيتحدد بناء على الكمية والسكنس والشفافية والخامة اللي حضرتك هتطلبه، لأنه في عدد من الأنواع، في بولي استايلين، وفي بي إي تي، وفي بولي بروبلين، في بي في سي

العميل : هل لديكم أفرع بالسعودية نحنا هنا نبدأ بالمشروع أولاً بالأطباق البلاستيك للمطعام والأكواب لاستخدام مرة واحدة فقط أوك فلمقاس بيكون للخام متر × متر أما للسمك أنت بتكون عارف أي الي بيستخدم في الأغراض مثل الأطباق والأكواب

وأريد تفسير كل شيء جزاك الله خير وأنا أريد أنا العامل معكم إنشاء الله لأنني بالسعودية ومحتاج أنفذ المشروع وعليك أنا تساعدني بالأشياء المفيدة للمشروع لأنكم أهل الخبرة

المهندس منسي : هي المكنة موجودة بضاعة حاضرة حضرتك تيجي تشرفنا تتفرج عليها، أما بالنسبة للخامات حضرتك يستحسن لو جيت واختارت الخامة اللي تعجبك، أو بعتلنا أطباق من الخامة بحيث إن إحنا نشوفها نعرفها، لأن أغلب الناس ما بيبقوش عارفين الخامة ولا عارفين السماكة، ولا عارفين الحاجات ديت، هوه بس عارف إن اسمها بلاستيك، فالبلاستيك ده كتير جداً جدا جداً، يعني لو قلتلك إنه فوق الـ30-40 ألف نوعية كده أنا يعني ده اللي ممكن أكون أنا عارفه، غيري بقى ممكن يكون عارف أكتر من كده، فهوه يستحسن تبعتلي عينة وتقولي العرض اللي إنت عايزه أد إيه، عايزه رول ولا حتت، هل جبت المكنة ولا ما جبتهاش، ويستحسن لو جتبت بخط تاني عشان الخط مش واضح قدامي قوي

العميل : والله هوه أنا الحين بالسعودية بس ممكن أبعتلك صور حاجات هنا، أطباق.. أكواب، الحاجات اللي بيستخدموها في السعودية، لأنه طبعاً هنا في السعودية بتختلف عن اللي بيستخدموها في مصر، الأشكال الأحجام… ما علينا بالأشكال دي، الأشكال بتبقى في الاسطمبة طبعاً، بس إحنا علينا بالسماكة الحاجات دي اللي بتستخدمها في الأطباق أو مثلاً الأكواب… الحاجات الأشكال دي، بعدين نخش في مجال تاني السماكة شويه، الأطباق تكون جامدة شويه، لعب الأطفال، الحاجات دي، بس الأول نخش في أطباق المطاعم والأكواب اللي بتستخدم الحاجات دي مرة واحدة وبتترمي خلاص فأنا لو كده بصور لك حاجات موجودة هنا في السعودية تمام.. وتشوف إنت ممكن تقدر السماكة بتاعتها وتعرف النوع المضبوط اللي هنستخدمه في الخامة دي ولا اللي هنطلع بيه الحاجة دي تمام

المهندس منسي : هوه الأصول في العمليات الصناعية إن أنا أمسك الخامة بإيدي، وبعد ما أمسك الخامة بإيديه أروح ماسك البوكليز أو الميكروميتر وأقيسها، وبعد ما أقيسها أمسكها وأحلل الخامة وأعرف الخامة دي إيه، دي الأصول الصناعية بتاعت تنفيذ الشغل، أما لو حابب تدردش في العمليات الصناعية عشان تعرف العملية وتستفيد و.. و.. و… كده ابعت صور بقى وإحنا نقولك آه يشتبه في إنها تكون كذا، دي اسمها ثقافة عامة، أما لو حضرتك عايز تنفذ شغل حضرتك بتعتلنا عينة أنا باخدها بعملها سايزس اللي هوه السكنس وبعدين أعملها تحليل وأعملها وزن والحاجات دي وأبدأ أقولك آه دي وضعها كذا كذا كذا

العميل : تمام

المهندس منسي : آه تمام المكنة الخامات اللي إنت باعتها ديت أطباق بلاستيك من خامة اسمها بولي استايلين أنتشوك، والمكنة بتاعته عندنا بتعمل ، إحنا بس بنسمي بال إنما لو العميل جيه وادانا بأي عملة مافيش عندنا مشكلة خالص، إحنا بس بنحط بال عشان نضمن ثبات الأسعار بس

العميل : أوك الخامات تمام يعني أنا أعتقد إنك خلاص عرفت الخامة المطلوبة للشغل ده، إحنا كده عايزين الخامات، أهم حاجة عندنا الخامات، الماكينة في ماكينة موجودة تمام، بس إحنا  عايزين الخامات ولو الشغل إن شاء الله زاد أو فتحنا أفرع تاني بنجيب الماكينات إن شاء الله من عندكم بس يكون السعر حنين شويه يعني زي ما بيقولوا بالمصري، ونتمنى يكون فاتحة خير بينا وبينكم بإذن الله لأنه هو المشروع لسه بنبتديه، وعايزين نوسع فيه ونكبر فيه بإذن الله وإيديكم معانا وكل خير إن شاء الله لينا وليكم بإذن الله، بس أهم حاجة كل اللي بدنا يعني الخامات

المهندس منسي : هوه إنت عايز العرض كام؟ والسماكة كام؟ والكمية أد إيه؟

العميل : ممكن تكتبلي اسم الخامة دي اللي إحنا هنصنع منها الأطباق دي عشان أعرضها على المدير عشان ندرس الحالة بتاعتها؟ ويا ريت تبعتلي صورة للماكينة اللي هي عرضتها بنفس الثمن ده، يا ريت تبعتلي صورة ليها مكنة تشكيل الأطباق، ديت موجودة عندنا سعرها والخامات بتعتها اسم الخامة ورقمها

المهندس منسي : المفروض حضرتك اللي بتسألني عن الخامة ولا حضرتك اللي بتقولي الخامة كذا وكذا وكذا، يا ريت حضرتك الموضوع ده حضرتك تيجي تشرفني بالزيارة لأن أنا مش هرد على المحادثات تاني، أصل المفروض إن حضرتك عارف خامتك هي إيه وبتعتلي الخامة أنا اللي بنفذ لك الخامة، إنما كمان هقعد أعرف الناس الخامة… ده كده بقى مش الموضوع مش استفسار، ده كده بقى الموضوع واحد بيقلبني يعني، أنا آسف يعني في اللفظ، فحضرتك معلش شرفنا بالزيارة إحنا مكتبنا موجود مش فاتحين مكاتب عشان في الآخر نقعد نقضيها شات