ماكينة فاكيوم تشكيل موديل 605 ماركة المهندس منسي
العميل : السلام عليكم
المهندس منسي : عليكم السلام
العميل : كنت حابب أشتري من حضرتك ماكينة فاكيوم كبداية لمشروع
المهندس منسي : هوه مكن الفاكيوم في مكن فاكيوم للتشكيل، وفي مكن فاكيوم للتغليف، اللي هوه مكن فاكيوم بشفط الهوا للتشكيل، تشكيل يعني يعمل علب وعبوات وحاجات من دي.. وكاسات وأشكال بلاستيك، وفي مكن تاني بيغلف بالهوا يعني بيشفط الهوا من الكيس، فحضرتك عايز أي نوع من الفاكيوم؟
العميل : يا ريت ترشح لي الأنواع والأسعار المتاحة بقول لحضرتك أنا عايز مكنة للتشكيل مش للتغليف، وياريت حضرتك ترشح لنا حاجة إحنا لسه خبرتنا على أقدها يعني، ياريت ترشح لنا حاجة، وأسعارها إيه؟ وياريت تقولنا مواصفاتها، بتشتغل على كهربا أد إيه؟؟ وفي ضمان ولا لأ؟ وفي قطع غيارها أخبارها إيه؟ وبتحتاج مساحة أد إيه؟؟؟؟ كل ده ومعلش عندي سؤال كمان لو حضرتك تسمح لي هي منتجات بلاستيكية فقط ولا ممكن برده اللي هوه البولي استر والاكليرك ممكن يشتغل عليها؟
المهندس منسي : هوه عندنا مكنة التشكيل العلب البلاستيك والأشكال البلاستيك كلها، دي سعرها ، إحنا بس بنسمي بال عشان نضمن ثبات الأسعار إنما بناخد بالمصري عادي مافيش مشكلة بالنسبة للضمان، الضمان لمدة سنة ضد عيوب الصناعة، و5 سنين توفير قطع الغيار لحساب العميل
بالنسبة للكهربا كهربا عادية جداً مافيش منها مشكلة
بالنسبة للبلاستيك هي بتعمل بلاستيك، هوه البولي استر اللي حضرتك قلت عليه دوهوت ما هو خامة من خامات البلاستيك، هي بتعمل خامة الـ بي في سي، والـ بي إي تي، وخامة البولي استايرين، وخامة الـ إيه بي إس… خامات البلاستيك كلها بجميع أنواعها، الشفاف، والأبيض، والميتالك… كل الأنواع
العميل : باي سمك أقصد وكمان الأسعار إيه؟ الماكينة اللي حضرتك بتتكلم عنها دي بتشتغل على ألواح سمك أد إيه أقصد الرانج بتاعها بمعنى آخر ممكن المنتج بتاعها يكون سمكه كم مم
المهندس منسي : آه المكنة بتشتغل بأي سمك أياً كان، السماكة مش فارقة معاها، يعني بتشتغل 0.1، 0.2، 0.3، 0.4، 1 مللي، 2 مللي… شغالة ما تقلقش
راتنج بتاعها أنا قلت لحضرتك قبل كده بي في سي، بي إي تي، بولي استايرين، إيه بي إس… خامات كتيرة قوي السماكات بناء على الشكل اللي حضرتك عايز تعمل زيه، حضرتك جمع الأشكال اللي عايز تعمل زيها وشوف تسويقها إيه وقولي الأشكال ديت اللي أنا عايزها يعني، بس ما تقلقش هي المكنة بتعمل كل الأشكال، المكنة فري فري اكسبولتي، يعني مرنة جداً، طوع إيدك يعني
العميل : يعني ممكن تعمل أشكال فوانيس السيارات؟
المهندس منسي : فوانيس العربيات بتتعمل بطريقة تانية اسمها طريقة حقن البلاستيك، يعني إيه حقن البلاستيك؟ يعني حتة البلاستيك بتسيح في حاجة اسمها اكسترودر، وبعدين تضغط في قلب الاسطمبة على قوة ضغط حوالي مثلاً 100 طن، 200 طن مثلاً، أو ألف طن…. فمتشغلش دماغك بالحاجات ديت لأنك كده هتشتت اتجاهاتك، يعني إنت عايز أشكال بلاستيك ولا عايز فوانيس سيارات… يستحسن لو حضرتك طلعت المنتجات اللي عايز تشتغل فيها وبعتها لي وأنا أقولك دي مكنتها كذا ووضعها كذا، أما إن إحنا نقعد أول حاجة نقول العلب، وبعد كده الكاسات، وبعد كده الفوانيس… ده إنت عايز عالم البلاستيك كله
المهندس منسي : اتصل بنا في الفروع التي تناسبك/ ماكينات تعبئة وتغليف
عناوين فروع شركة المهندس منسي ستجده في هذا الرابط
