ماكينة فاكيوم تشكيل موديل 605 ماركة المهندس منسي
العميل : سلام عليكم
المهندس منسي : ايوة
العميل : معلش… لو سمحت دي شركة المهندس برده
المهندس منسي : أيوه
العميل : بقولك دي شركة المهندس؟
المهندس منسي : معاك يا باشا
العميل : لو سمحت الآلة اللي هي بتاعت البلاستيك دي
المهندس منسي : آه الآلة بتاعت البلاستيك اللي هي أنهي؟
العميل : إيه؟
المهندس منسي : الآلة بتاعت البلاستيك ؟
العميل : آه…
المهندس منسي : يعني حضرتك …
العميل : أنا بستفسر منك أنا عارف اسمها بس ناسيه بس
المهندس منسي : آه..
العميل : هي اسمها إيه معلش؟
المهندس منسي : ما هوه آلات البلاستيك دي كتير جداً يعني… عدد مهول جداً من المسميات
العميل : لا هي أولها …
المهندس منسي : هوه حضرتك عايز تصنع إيه؟
العميل : أنا كنت على المنتجات بتاعتها بالضبط لأن أنا مفهمتش من النت قوي
المهندس منسي : آه… يعني الآلة بتاعت البلاستيك اللي إنت منتش فاكرها عايز تعرف منتجتها إيه
العميل : آه أنا ممكن أجيب اسمها من على النت دلوقتي عادي
المهندس منسي : آه.. بص يا سيدي أعتقد إن أنت عايز مكنة تشكل أشكال بلاستيك
العميل : آه بالضبط
المهندس منسي : علب وكاسات وحاجات من دي
العميل : بالضبط دي
المهندس منسي : دي مكنة عندنا اسمها مكنة فاكيوم المهندس منسي
العميل : آه بالضبط فاكيوم
المهندس منسي : رقمها 605
العميل : تمام
المهندس منسي : المكنة دي بتحطلها البلاستيك ألواح أو أفرخ أو رولات وهي بتشكلهولك وبتطلعهولك علب وبتطلعهولك كاسات وحاجات من دي
العميل : تمام.. طب لو سمحت بتشكل علب اصغر أو أكبر شوية تتطلعها؟
المهندس منسي : آه تطلعها آه
العميل : طب هي أسعارها من كام لكام؟
المهندس منسي : ، يعني 15000 جنيه مصري
العميل : ده سعرها ثابت ولا في أكتر وأقل؟
المهندس منسي : أكتر وأقل إزاي
العميل : يعني في منها أحجام…
المهندس منسي : اللي عندنا دي، أما فوق كده وتحت كده مش عندنا معرفش أنا، أنا بكلمك على اللي عندي
العميل : طب معلش هي إنتاجيتها أد إيه في اليوم، يعني ممكن تعملي أد في اليوم مثلاً؟
المهندس منسي : ما هوه إنتاجيتها أد إيه تتحدد بناء على إن أنت هتصنع إيه؟ يعني لما تيجي تصنع علبة السلطة مثلاً غير لما تيجي تصنع مثلاً وش الوشوش بتاعت الحفلات ديت غير لما تصنع أجندة غير لما تصنع…
العميل : تمام…
المهندس منسي : هوه إحنا نتكلم إنها تنزل تعمل كام…. الإنتاجية بتحدد على حسب المنتجات أو شكل المنتج اللي إنت هتعمله
العميل : فلنفرض مثلاً علب زبادي صغيرة مثلاً
المهندس منسي : آه دي بقى قول مثلاً نيجي نحسبها مع بعض، بص يا سيدي، هي بتعمل ضربة في الدقيقة، يعني 60 ضربة في الساعة
العميل : تمام..
المهندس منسي : معايا
العميل : تمام..
المهندس منسي : كباية الزبادي دي قطرها كام 75مم يعني 7.5سم، قول 40 × 50، نقوم سيدي…
العميل : بـ 2000
المهندس منسي : لا مش بـ 2000 هي اسمها 40 × 50 حجم الحوض 40 × 50
معايا
العميل : تمام
المهندس منسي : نيجي نقول 40 × 50 وهنا 7.5سم طالع من 8، يبقى في الـ 40 عامله كام، نقول 40 ÷ 8 استنى لما أحسبها
40 ÷ 8 = 5، ولما نيجي نقول 50 اللي هو الطول يبقى 50 ÷ 8 على أساس إنها طالعه من مربع واخد بالك، يبقى 50 ÷ 8 = 6، هي 6.25 فإحنا هقربها لأقرب عدد يبقى 6
6 × 5 بكام بـ 30، 30 قطعة، يبقى هطلعلك 30 كباية × 60 يعني 180 في الساعة
العميل : 180 علبة في الساعة
المهندس منسي : أيوه
العميل : طب هي إمكانيتها مثلاً تشتغل 10 ساعات ولا ممكن…
المهندس منسي : لا.. لا.. لا أكتر من كده، لأنها بتشتغل كبستين في الدقيقة، يعني 360 كباية في الساعة
العميل : تمام، وليها عدد ساعات شغل معين في اليوم ولا براحتها عادي؟
المهندس منسي : كل المكن بتاعنا بدون استثناء فيه شغال ع طول يعني 24 ساعة
العميل : وخاماتها حضرتك موجودة مثلاً؟
المهندس منسي : الله طبعاً
العميل : وهي عليها ضمان سنة مثلاً حاجة زي كده؟
المهندس منسي : آه ضمان لمدة سنة ضد عيوب الصناعة، و5 سنين توفير قطع الغيار لحساب العميل
العميل : طب ملقيش الأطباق اللي هي زي الفيبر اللي هي للحلويات وكده، ولا بلاستيك بس؟
المهندس منسي : هي بتعملها آه، بتعمل الأطباق الشكولاتة، وأطباق الفيبر، وأطباق الحلواني، وأطباق الحلويات كلها بدون استثناء
العميل : بتعملها برده
المهندس منسي : آه…
العميل : هو مكان حضرتك فين في اللي هوه باب الشعرية صح
المهندس منسي : إحنا عندنا باب الشعرية، حدائق القبة، مدينة نصر، 6 أكتوبر
العميل : تمام… طب امتى مواعيد العمل بالضبط في الأوقات؟
المهندس منسي : نعم.. إحنا موجودين من 11-9، أنا هبعتلك بقى تليفون المبيعات إنت لما تروحلهم قولهم أنا عايز المكنة رقمها كام، 605 احفظها بقى
العميل : 605
المهندس منسي : آه مكنة الفاكيوم اللي عندكم اللي رقمها 605 يعني 605 احفظ موديل العربية بتاعتك بقى
العميل : خلاص تمام يا باشا
المهندس منسي : اسمها 605 ماركة المهندس منسي
العميل : تمام ألف شكر ليك.. ماشي.. ماشي
