ماكينة فاكيوم تشكيل موديل 605 ماركة المهندس منسي لتشكيل العلب البلاستيك

العميل : سلام عليكم

المهندس منسي : أيوه

العميل : لو سمحت شركة منسي

المهندس منسي : أيوه

العميل : لو سمحت يا فندم كنت بسأل عن ام تو باك 605، اللي هي بتعمل القوالب البلاستيك

المهندس منسي : آه… إنت عايز مكنة الفاكيوم اللي بتشكل العلب البلاستيك

العميل : أيوه اللي هي القوالب اللي بيتعمل منها الطوب الحجري والحاجات دي

المهندس منسي : آه.. اتفضل

العميل : موجودة عندكم

المهندس منسي : إن شاء الله

العميل : طيب إنتم العنوان فين عشان أنا إن شاء الله جايلكم بكرة

المهندس منسي : هبعتلك العنوان في رسالة حالاً

العميل : ماشي يا فندم، هي موجودة عندكم هتفرج عليها ولا هتبعتوني أتفرج عليها؟

المهندس منسي : إزاي يعني أنا بقولك عندنا

العميل : ماشي يا فندم أنا اتصلت في مرة قالي في الدقي

المهندس منسي : لا إحنا عندنا عدد من الفروع إحنا عندنا حدائق القبة، مدينة نصر، باب الشعرية كل الفروع فيها

العميل : آه… خلاص ماشي اديني العنوان بعد إذنك

المهندس منسي : هبعتهولك في رسالة حالاً

العميل : ماشي يا فندم.. ماشي يا فندم شكراً، طب واللي هي الهزاز من عندكم المكنة الهزاز بتاعتها طبعاً

المهندس منسي : هزاز إيه؟ مكنة فايبريشن

العميل : أيوه فايبريشن

المهندس منسي : الفايبريشن الهزاز دي إحنا بنعملها بالطلب، أما مكنة تصنيع القوالب بتاعت الرخام الصناعي، دي موجودة بضاعة حاضرة

العميل : طيب ماشي.. ماشي، ابعتلي وأنا إن شاء الله هنزل لحضرتك بكره، إنتوا بتفتحوا من الساعة كام

المهندس منسي : من 11-9 بالليل

العميل : ماشي يا فندم.. شكراً متشكر جداً عاجزين عن الشكر