ماكينة فاكيوم من شركة المهندس منسى

العميل : السلام عليكم

المهندس منسى : عليكم السلام ورحمة الله وبركاته

العميل : إزيك يا باشا

المهندس منسى : أهلاً بيك

العميل : إكرامي شاهين معاك يا باشا شركة مينا بلاست للبلاستيك، إزي حضرتك

المهندس منسى : أهلاً وسهلاً

العميل : أهلاً بيك يا حاج، حضرتك كنت عايز مكنة فاكيوم مقاس معين

المهندس منسى : آه كام × كام؟

العميل : يعني أنا عاوزها 110 × 50-60 كده

المهندس منسى : الوحدة بتاعت التشغيل ولا مقاسها كلها؟

العميل : التشغيل هيبقى 100 (متر) متر × 50، بس أنا مديها 10 و 10

المهندس منسى : آه.. إحنا اللي عندنا وحدة التشغيل 40 × 60، وسعرها

العميل : بتتعاملوا مع مصري بقى..

المهندس منسى : لا عادي إحنا بنسمي بس بال إنما بناخد بالمصري عادي

العميل : آه… طيب لو في تشكيل وكده يبقى الأتوماتيك منها كام؟

المهندس منسى : دي بقى حضرتك بتيجي تشرفنا بالزيارة وبنقعد مع بعض بحيث إننا نشوف المقاسات…

العميل : طب المكتب فين حضرتك؟

المهندس منسى : إحنا عندنا حدائق القبة، مدينة نصر، باب الشعرية، 6 أكتوبر

العميل : باب الشعرية، بقول لحضرتك ممكن تبعتلي هنا على الواتس

المهندس منسى : هبعتلك عنوان واحد، هيبقى صعب عليا أبعتلك كل العناوين، ممكن تكتب على النت عناوين فروع المهندس منسي

العميل : لأ أنا قصدي على حاجة تانية، قصدي حضرتك تبعتلي أشكال المكن اللي عندكم تكون حاجة أوبشن عالي يعني

المهندس منسى : ابعت طلب على الواتس وإحنا هنردلك عليه

العميل : على الرقم ده

المهندس منسى : أي رقم من الأرقام دي

العميل : ماشي حضرتك هبعت دلوقتي حالاً، يعني المكنة الـ 40 × 60 ولا كام

المهندس منسى : مقاس التشغيل 40 × 60، إنما هي مقاساتها نفسها حوالي 1.25 متر × 1.75 متر × ارتفاع حوالي 1.60 متر

العميل : تمام.. هبعت لحضرتك دلوقتي وهكلم حضرتك بعد كده

المهندس منسى : إن شاء الله

العميل : في حاجة جاهزة منهم ولا…

المهندس منسى : آه موجودة بضاعة حاضرة آه

العميل : لو طلبت الـ 100 ـ 110 دي تخلص في أد إيه؟

المهندس منسى : إزاي بقى أقول؟؟؟ لما حضرتك تيجي تشرفنا نبدأ نقول المدة أد إيه، إنما صعب عليا بأن أتكهن بيها، ويا ريت تجيب الشغلانة اللي هتعملها معاك أو رسمتها

العميل : مافيش مشكلة يا فندم

المهندس منسى : ماشي يا باشا مع السلامة

العميل : شاكرين أفضالك، اتفضل يا باشا، اتفضل