ماكينة لحام سير 301 من شركة المهندس منسى
العميل : السلام عليكم
المهندس منسى : عليكم السلام ورحمة الله وبركاته
العميل : حضرتك بتفتحوا الجمعة ولا أجازة
المهندس منسى : طول أيام الأسبوع ماعدا يوم الجمعة أجازة
العميل : كنت عايز أستفسر كان في مكنة عند حضرتك شفتها 300 وحاجة بتلحم هي لحام شريط على سير كده عرض سم، عايز أعرف سعر المكنة دي كام؟
المهندس منسى : المكن ده بيدأ من يعني 3600 جنيه مصري
العميل : تمام… اللي هي الشريط
المهندس منسى : آه
العميل : طيب المسافة اللي بدخلها جوه أد إيه؟
المهندس منسى : المسافة أنهي
العميل : أصل أنا عندي كيس عرضه 40 سم فعايز كل 5 سم أدي لحام، ينفع أدخل الكيس لجوه كده عايزه….
المهندس منسى : في مكنة تانية بقى
العميل : بس سير برده؟
المهندس منسى : لأ…
العميل : مانيوال بدواسة؟
المهندس منسى : آه
العميل : بس مش هطلعه كده نفس النقشة كده، أنا كنت عايز حاجة شغالة كده على سير، حاجة تكون كده يعني ديناميك أكتر من الدواسة دي
المهندس منسى : هات بس العينة كده وتعالى اتفرج على المكن اللي موجود وتشوف يمكن يكون في حاجة
العميل : خلاص الله المستعان، يبقى أنا هاجي لحضرتك بكرة إن شاء الله
المهندس منسى : هبعتلك أنا العنوان
العميل : موجود عندي على رسالة، جالي قبل كده
المهندس منسى : ماشي يا غالي
العميل : ماشي متشكر جداً، السلام عليكم
