ماكينة فلوباك لتعبئة وتغليف علب مساحيق الغسيل من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : شركة المهندس
المهندس منسي : أيوه
العميل : مع حضرتك المهندس إسلام من الألمانية المصرية، إحنا مصنع منتجات تنظيف مساحيق غسيل أتوماتيك
المهندس منسي : آه
العميل : أنا دلوقتي شفت على الموقع بتاعكم بعد المكن بتاع التغليف أنا عندي بعمل منتج جديد اللي هي عارف بتاعت غسالة الأطباق
المهندس منسي : آه
العميل : فعايزين نشوفلها طريقة تتغلف بيها
المهندس منسي : ماشي حضرتك شرفنا بالزيارة واتفرج على عدد من أنواع التغليف وبناء عليه نبدأ نشتغل
العميل : ماشي… أنا دلوقتي مش موجود في مصر، أنا جاي كده مثلاً في خلال أسبوع ولا حاجة، فمبدئياً أنا شفت عندكم المكنة
المهندس منسي : هوه حضرتك دلوقتي بتتكلم من لندن مضبوط
العميل : أيوه بالضبط كده
المهندس منسي : طب إنت ممكن تبص على السوبرماكتات عندك وتخش تتخيل المنتج بتاعك وتجيبه معاك وإحنا إن شاء الله قادرين عليه
العميل : ما هو أنا عندي المنتج بالفعل هوه في مكنة فلوباك بتغلف المنتج
المهندس منسي : آه عندنا آه
العميل : دي اللي بتغلف كل قطعة لوحدها
المهندس منسي : آه بتغلف كل قطعة لوحدها
العميل : طب أنا شفت عندكم على الموقع في مكنة اللي بتعمل البلاستيك اللي بيحطوا فيه البرسيل
المهندس منسي : آه موجودة آه
العميل : هل البلاستيك ده المكنة اللي بتعمله ولا بيجي جاهز وهي بتغلفه ولا إيه؟
المهندس منسي : لأ البلاستيك ده بيبقى جاهز والمكنة بتاخده تغلفه
العميل : آه… يعني مافيش مكنة، أنا برده عايزك تنصحني…
المهندس منسي : إنت كنت عايز مكنة تغليف تصنع البلاستيك بالمرة
العميل : لا أنا مستغرب أنا قلت إن هي بس بتشكل، يعني هي تاخد البلاستيك تشكله بطريقة معينة… طيب ماشي يعني معنى كده تقريباً ماشين اللي هي، البلاستيك ده بتعملوا بتاع المسحوق
المهندس منسي : إن شاء الله
العميل : يعني إنتم برده بتعملوا المواد البلاستيكية مش بس بتبيعوا المكن؟
المهندس منسي : إن شاء الله
العميل : طيب أنا هحاول آجي أقابل حضرتك أو أبعت حد، اسم حضرتك إيه يا فندم؟
المهندس منسي : المهندس منسي
العميل : خلاص يا باش مهندس، أنا هشوف كده إيه اللي ممكن نعمله وهكلم حضرتك أنا هخلي أي حد من مصر يجي يزوركم يشوف إيه المتاح
المهندس منسي : إن شاء الله
العميل : شكراً جزيلاً، مع السلامة
المهندس منسي : مع السلامة
