ماكينة فلوباك لتغليف اطباق البسبوسة والكنافة من شركة المهندس منسي
العميل : سلام عليكم
المهندس منسي : وعليكم السلام
العميل : مساء الخير
المهندس منسي : مساء الخير يا فندم
العميل : شركة المهندس منسي
المهندس منسي : أيوه
العميل : كنت عايز أستفسر عن مكنة تغليف حاجة بس ممكن ولا؟
المهندس منسي : أيوه اتفضل معاك
العميل : عايز أستفسر بس عن مكنة تغليف الحاجات اللي زي اطباق البسبوسة والكنافة والحاجات اللي زي دي
المهندس منسي : آه…
العميل : يا ترى في حاجة زي دي عندكم؟
المهندس منسي : آه.. بس عايزين نبص بس على الشكل النهائي اللي عايز زيه
العميل : آه… أنا بكلمك…
المهندس منسي : إحنا كل أنواع مكن التعبئة والتغليف عندنا، في نص أتوماتيك وفي أتوماتيك في حاجات كتيرة قوي، فلازم أبص كده الأول على القطعة اللي إنت عايز تعبيها وتغلفها وبناء عليه هيتضح ليا الرؤية علشان ما نلفش كتير يعني
العميل : أنا بس بكلمك من بعيد قوي، أنا بكلمك من المنيا، فمش عايز آجي وأدب المشوار وأتعب حضرتك معايا
المهندس منسي : ابعتها بالبوستة
العميل : أبعتها الحاجة دي قصدك…
المهندس منسي : آه.. يا تبعتها بالبوستة يا تبعتها صورة على الواتس هنا، يا تبعتها صورة على الإيميل
العميل : ده واتس بتاع حضرتك الشخصي؟
المهندس منسي : إن شاء الله
العميل : طيب مافيش مشكلة ممكن أبعت لحضرتك على الواتس وتقولي حضرتك إيه اللي هيحصل
المهندس منسي : ماشي
العميل : ماشي يا فندم شكراً لحضرتك شكراً
