ماكينة فلوباك من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل:الله يعطيك العافية

المهندس منسي: الله يبارك لك

العميل:كيف الصحة

المهندس منسي: الحمد لله

العميل:ما يكونش أزعجتك في الوقت ده

المهندس منسي: لا ولا يهمك خد راحتك

العميل: الله يسلمك، سيدي أنا أخدت رقمك من على الإنترنت، إنتم عندكم مكاين إم تو باك، مضبوط؟

المهندس منسي:  مضبوط آه

العميل: المكاين إم تو باك تغليف لإيش بالضبط، أنا بدور على الفلوباك

المهندس منسي: عندنا آه

العميل: عندك فلوباك؟

المهندس منسي: إن شاء الله

العميل: طب إيش المقاسات اللي عندك؟

المهندس منسي: كل المقاسات، شوف حضرتك إنت عايز إيه؟

العميل: أنا عايز أكبر مقاس يكون تبع الكرواسوه، حاج الفطاير

المهندس منسي: هوه الكرواسوه ده مكنة غير الفلوباك، بس عادي لو عايز تعملها على الفلوباك مافيش مشكلة

العميل: بالضبط لأن أنا عندي 3 ـ 4 أصناف، اللي هي السمسمية وتوابعها، وعندي الكاب كيك وعندي الكرواسوه، فعايز الحاجة تشتغل الـ 3 مش واحدة لكل واحد

المهندس منسي:  هوه يستحسن واحدة لكل واحد

العميل: هوه يستحسن بس حبة حبة الواحد يقدر يجيبها قدام شويه مش مرة واحدة

المهندس منسي:  مافيش مشكلة، هوه عموماً المكنة اللي أنا بقولك عليها يستحسن إنك تاخدها ديت مكنة موديل 911، المكنة ديت بـ ، أما الفلوباك بتعمل 9

العميل: اللي إنت بتتكلم عنها بتاعت الكورواسوه بـ ؟

المهندس منسي:  آه أتوماتيك آه

العميل: بس بتمشي للكاب كيك وبتمشي للسمسمية؟

المهندس منسي:  لأ بتمشي للكورواسوه، أنا ما أعرفش إيه الكاب كيك، بس بتمشي للكورواسوه لأنه قطع، إنما الكاب كيك هيقع جواها

العميل: آه… أيوه… أيوه، طب والتانية شو التانية؟

المهندس منسي:  الفلوباك بقى بتعمل 9

العميل: طيب معلش أسألك سؤال، أنا شو الميزة إن أنا هستوردها منك، أنا بصراحة بكلمكم على أساس بدي حاجة أرخص من اللي في السوق، إنتم سعركم سعر السوق

المهندس منسي: آه… إحنا شركة المهندس منسي، إحنا شركة هندسية مصنعة واخد بالك، إحنا ماركة، الماركة الوحيدة اللي في السوق واخد بالك، أولاً سهولة وبساطة التشغيل، ثانياً خدمة ما بعد البيع الحق يعني، عندنا 16 فني سبورت على شغلك، عندنا حاجات كتيرة ومميزات كتيرة قوي، هي كلمة بس المهندس منسي….

العميل: طب ضمان ما بعد البيع؟

المهندس منسي: ما هو دي اللي أنا بكلم حضرتك فيها، ما هو أنا 16 فني قاعدين سبورت على حضرتك ليه؟؟ مدربين على مكنا إحنا، معناها إن إحنا مش بنروح نشتري مكن من الصين وتنينا جايين، لأ، إحنا برسم مكنا وبنعمل الديزاين وبنعمل كل حاجة وبعد كده نبدأ نصنعها على مكن تي إن تي ثري دايمنشن ونجيبها نجمعها، فإنت بتتكلم في حاجة بتتعمل وإنت واقف، حاجة بتتعمل على إيدي، فلما أعمل حاجة بتتعمل على إيدي أفضل ولا تتكلم مع واحد راح اشترى مكنة وجيه….

العميل: لا أكيد لما تتعمل على إيد الواحد عارف الشي

المهندس منسي: آه…

العميل: كمان حاجة بعد إذنك…. إنتم مجمعينها

المهندس منسي:  مش فاهمني، إحنا عاملين التصميم والديزاين، زي مثلاً لما تيجي تتكلم في شركة توشيبا، بتعمل إيه؟؟ بتعمل التصميم والديزاين وتجيب القطع وتجمعها

مضبوط.. مضبوط صح كلامك، طيب كمان سؤال بعد إذنك، هل في مقاسات أصغر من اللي إنت بتتكلم عنها؟

المهندس منسي:  في مقاسات أصغر ولكن المقاسات الأصغر

العميل: حتى لو ما شملت الكرواسوه

المهندس منسي: المقاسات الأصغر دي إحنا بنصنعها بالطلب

العميل: آه…

المهندس منسي:  أما المقاس الاستندار اللي عندنا اللي أنا بكملك عليه ده

العميل: هلقت لو نزل المقاس ينزل السعر؟

المهندس منسي:  إنت عارف إن إحنا رايحين نعرض في الصين ولا ما تعرفش؟

العميل: لا والله ما بعرف

المهندس منسي:  إحنا أوردي رايحين نعرض في الصين، رايحين في معرض كوانزو العالمي اللي هوه في شهر أكتوبر رايحين نعرض باسم… إحنا عندنا عدد من الشركات، شركة من شركات المهندس منسي اسمها شركة ليفينا، واخد بالك، رايحين نعرض بيها في معرض كانزو العالمي، وإحنا شركة من عدد بسيط جداً على الشركات المصرية، لأن مصر فيها أكتر من مليون شركة، واخد بالك، مليون عمل تجاري وصناعي، إحنا مجموعة كل اللي طالعين يمثلوا مصر حوالي 7 شركات

العميل: آه… أيوه.. أيوه

المهندس منسي: المصداقية والأمانة

العميل: أنا صراحة لفيت بالإنترنت كتير فشفت كتير يتكلموا عنكم عرفت

المهندس منسي:  الحمد لله

العميل: الحمد لله يا رب العالمين، بس أنا حبيت إن أستفسر هل إذا نزلنا من المقاسات بينزل من التكلفة السعر؟

المهندس منسي:  دي بقى نبدأ نشوف المقاس أد إيه ونبدأ نحسب.. هنصنعلك المكنة بالطلب على مقاس حضرتك

العميل: المقاس يحسب على الوزن ولا على العرض والطول؟

المهندس منسي: لأ على العرض بس

العميل: عرض المنتج نفسه

المهندس منسي: آه

العميل: إحنا نقول مثلاً أكبر مقاس هيكون عندي 7 سم العرض

المهندس منسي: آه… مافيش مشكلة

العميل: كام هيصير سعرها كده؟

المهندس منسي:  ممكن يعمل في حدود 5-6 آلاف

العميل: مع الشحن والتركيب؟

المهندس منسي: عملية الشحن مش مشكلة، إنما عملية التركيب ديت حضرتك بتتكلف سعر السفر والحاجات دي

العميل: كام يوم تاخد…

المهندس منسي: 5 أيام…

العميل: آه أوكيه، يعني مشوار الطريق يعني، بدل ما أنا أخسر تكاليف السفر ويكون في حجز أوتيل

المهندس منسي:  آه هوه تكلفة الفرد نفسه حضرتك اللي بتشيلها، وبعدين يستحسن في الماكينات بالذات مني أو من غيري إن حضرتك تستلم مرتين، مرة عندي ومرة عندك

العميل: شيء أكيد، لازم أنا أجيلكم أشوف طريقة التشغيل الأمور هادي كاملة وبعدين بنشحن

المهندس منسي: آه.. يستحسن معايا أو مع غيري

العميل: آه ما هادا الترتيب

المهندس منسي: آه اللي هوه تستلم مرتين، وتتعلم عليها وتتدرب كامل التدريب هنا، وتتدرب كامل التدريب هنا وبعد كده لما تتطلع عندك…

العميل: كام يوم بس عشان أنا لما هرفع التقرير للإدارة عندي كام يوم تحتاج تدريب عندك؟

المهندس منسي: ساعة

العميل: ساعة تدريب، يعني مشوار الطريق كمان، طيب خلاص خليني أنا أرفع التقرير للجماعة عندي بس عفواً اسم الكريم؟

المهندس منسي: المهندس منسي معاك

العميل: حضرتك ممكن تشوفلي موضوع السعر على أساس أرفع التقرير مرة واحدة

المهندس منسي: سعر إيه؟

العميل: سعر الماكينة؟ من 6-6.5

المهندس منسي: آه قول 6

العميل: في إمكانية للمجال تنزل ولا؟

المهندس منسي: ما هو إحنا بننزل بناء على طلبك، في بقى مكنة تانية اللي أنا استتفحت معاك بيها اللي هي مكنة قولتلك إن هي بتتحط الحاجة على عيون كده وينزل بكرافته بتتعبى أتوماتيك اللي هي بـ ، هي العملية مش عملية إن أنا بنزل شطارة، لأ…

العميل: لا أنا عاوز جودة

المهندس منسي: لأ ولا جودة، دي موديلات موجودة أوردي، إحنا شركة إنترناشيونال ما نقدرش ميكنش في جودة

العميل: طيب ممكن أبعت دلوقتي ترسلي إذا في عندك مقطع فيديو ترسلي تشغيل عشان نستوعب الموضوع؟

المهندس منسي: تشغيل إيه؟

العميل: الماكينة وهي شغالة يعني بتعبي وتغليف، إنت بتقولي هتنزل بكرافته

المهندس منسي: ممكن تبعت طلب على الإيميل همه المبيعات عندنا هيتابعوا مع حضرتك

العميل:  أنا بصراحة الإيميلات بتاخد فترة طويلة، أنا عاوز أختصر بصراحة

المهندس منسي: ما هو أنا كم الاستفسارات عندي كبير جداً

العميل: أنا معك أنا بس ترسلي بس فيديو… مقطع فيديو للـ 4500 كيف طريقة تعبئتها أنا ما فهمتش كيف؟

المهندس منسي: حاضر.. حاضر

العميل: بعد إذنك

المهندس منسي:  إنت لو كتبت فلومنسي باك على الإنترنت، يعني بدل فلوباك اسمها فلومنسي باك، أو اكتب 911 ماركة المهندس منسي

العميل: أيوه.. 911 ماركة المهندس منسي، حاضر يا حبيبي يسلموا إيديك

المهندس منسي: ماشي يا باشا مع السلامة

العميل: مع السلامة