ماكينة فلوباك لتغليف المواد الغذائية من شركة المهندس منسي

 

العميل : سلام عليكم.

المهندس منسي : وعليكم السلام الله وبركاته.

العميل : باش مهندس منسي؟

المهندس منسي : أيوه.

العميل : أزيك يا باشا أخبارك؟

المهندس منسي : الحمد لله.

العميل : معاك محمد رمضان من بني سويف.

المهندس منسي : أهلاً بيك.

العميل : شركة مجمدات مواد غذائية.

المهندس منسي : أهلاً وسهلاً.

العميل : حضرتك كنت بعتلك صورتين على الواتس شوفتهم.

المهندس منسي : بعتلي إيه؟

العميل : صورتين على الواتس آب.

المهندس منسي : آه.. كانوا عبارة عن إيه؟

العميل : كان عبارة عن محشي بومبار ومحشي سامبوسة محشية جاهزة وورق عنب محشي جاهز، حضرتك إحنا شغالين موزع لمحلات سوبرماكتات كده ويعني، فكنا عايزين نطور بس من التغليف شوية.

المهندس منسي : آه… إنت لازم تحطه في طبق.

العميل : أنا بحطه في طبق الفيل واسترتش واستيكر، تمام.

المهندس منسي : آه.. هوه في عدد من الطرق.

العميل : فإحنا كنا عايزين بقى، كنت عايز أستفسر من حضرتك على المكن اللي مثلاً الشرينك المكن التاني، عايزين نطور يعني الدنيا.

المهندس منسي : في مكنتين بس اللي ينفعه مع حضرتك، مكنة الشرينك في منها نص أتوماتيك وفيها منها أتوماتيك، ومكنة تانية اسمها فلوباك.

العميل : فلوباك.

المهندس منسي : آه.. حضرتك بس تحط الطبق هي هتاخده وتعملهولك في كيس لوحدها، الخامة دي ممكن نطبعها لك.

العميل : اللي هي الطبق نفسه.

المهندس منسي : آه.. الخامة اللي هي هتغلف الطبق.

العميل : الخامة اللي هتغلف الطبق، طب وبالنسبة هشتغل على الطبق العادي اللي هوه الفويل العادي؟

المهندس منسي : آه.. وممكن كمان نعمل لك بدل ما تطبع كل ده ممكن نعملك ليبول بلاستيك، بحيث إن إنت تحطه على المحشي على طول الليبول البلاستيك دوت يبقى مطبوع عليه كل البيانات بتاعتك بتحطه وهوه داخل يتغلف على طول قوام قوام.

العميل : طيب أنا حابب أعرف الدنيا وأشوف الأسعار وأشوف الدنيا عشان أنا عايز أنفذ إن شاء الله.

المهندس منسي : سعر مكنة الفلوباك… سعر مكنة تغليف الشرينك اللي هي نص أتوماتيك بتبدأ من 430 ، في حاجة 430 وفي حاجة .

العميل : 430 ؟

المهندس منسي : آه.. إنت مش محتاج أكتر من 430 .

العميل : تمام.

المهندس منسي : الفرق بينهم بس في المقاس، في الارتفاع الطول والعرض، فإنت الشغل بتاعك مش محتاج أكتر من 430 .دي نص أتومات

العميل : طب تعملها كام مصري يا باش مهندس؟

المهندس منسي : احسبها تاخد ورقة وقلم من ورايا كده وتقعد تحسب بقى.

العميل : تمام.. تمام.

المهندس منسي : معايا.. 430 ، لو عايزها بقى أتوماتيك كاملة بتعمل .

العميل : 22000

المهندس منسي : آه.. الشرينك الأتوماتيك الكاملة.

العميل : الكاملة.

المهندس منسي : في بقى مكنة فلوباك أتوماتيك كل اللي عليك تناولها الأطباق دي عامله 11 .

العميل : 11 .

المهندس منسي : آه..

العميل : تمام.مكنة فلوباك؟

المهندس منسي : اسمها فلوباك آه.

العميل : طب إنت قلت حضرتك الشرينك نص أتوماتيك دي عامله كام؟

المهندس منسي : 430 .

العميل : 430 .

المهندس منسي : آه.

العميل : خلاص ماشي يا باش مهندس، طب مكان حضرتك فين لو حبيت آخد فكرة برده على الطبيعة.

المهندس منسي : أنا عندي باب الشعرية حدائق القبة مدينة نصر.

العميل : تمام.. تمام.خلاص ماشي يا باش مهندس، شكراً لحضرتك يا باش مهندس.

المهندس منسي : العفو يا باشا.

العميل : شكراً… شكراً.