ماكينة لحام أكياس العيش من شركة المهندس منسي

مهندس منسي : سلام عليكم

العميل : سلام عليكم شركة المنسي

مهندس منسي : أيوه

العميل : من فضلك عندكم مكن لما أحط أنا يعني أنا مثلاً لو عندي 5 ترغفه عيش أحطهم في كيس، أحط الكيس ده في المكنة تقوم كاويه الجنب وشايله الزيادة

مهندس منسي : تقوم إيه؟

العميل : تقوم كاوية الكيس من فوق وشايلة الزيادة

مهندس منسي : آه هوه في مكنة بتغلف العيش أتوماتيك

العميل : أوكيه، بس بالرغيف ولا بالخمسة

مهندس منسي : عادي خمسة… عشرة، لو عايز رغيف رغيف مش مشكلة، لو عايز 5، 10 مفيش مشكلة

العميل : طب سؤالين بس….

مهندس منسي : هوه حضرتك عايز تحطهم مفرودين ولا عايز تحطهم متطبقين؟

العميل : هوه عايز أحط الخمسة مفرودين فوق بعض وبحطهم في كيس… والكيس ده بقى عندي مكوة بلدي يقوم كاوين، لما بيتكوا بيبقى في حتة زيادة من فوق.. أنا بقى عايزه على الـ A4 مش عايز فيه زيادات

العميل : اللي حضرتك بتتكلم فيه ده نص أتوماتيك أو يدوي

مهندس منسي : اللي إحنا بنتكلم فيه ده أتوماتيك

بالضبط

مهندس منسي : ولا إنت عايز نص أتوماتيك؟

العميل : لا أنا عايز حاجة تتطلع منتج شكله حلو، شكل الكيس نظيف ما يبقاش فيه زيادات

مهندس منسي : عندنا عدد من الأساليب، عندنا أسلوب إن حضرتك تحط الحاجة في الكيس وتسيبه تحطه على سير والسير ياخد الكيس دوت ويرميه الناحية التانية.

العميل : لا ده هياخد مساحة

مهندس منسي : لا مش مساحة ولا حاجة، ده هوه مكنة بسيطة وسعرها حتى بسيط

العميل : طب بكام حضرتك المكنة

مهندس منسي : معمولة إنتاجية بسير بحيث إن حضرتك بترمي الكيس متعبي عليها وهي بتاخده تلحمه وتودي الناحية التانية

العميل : ويطلع حتة واحدة ما فيهوش زيادات بعد كده

مهندس منسي : آه بيطلع حتة واحدة

العميل : بيقصه يعني، بتكون قصة بعد اللحم

مهندس منسي : مش قصة بقى، إنت بتحطلها متطرف هي لوحدها بضبط لك الطرف

العميل : أوكيه

مهندس منسي : لأن إنت بتحطلها حاجة اسمها زاوية هي فيها زاوية، إنت بتحطها اللي فوق ده هي بتساويه وتطلعوا لك مضبوط.. ده النص أتوماتيك أو اليدوي لأن إنت هتعبي يدوي وتحط مكنة إنتاجية مكنة سير إنتاجية هتاخد على سير بحيث إن إنت ما تقعدش تستنى لغاية لما يلحم، لأ ده هي وفرتلك عملية الانتظار في اللحام

العميل : طب الأتوماتيك دي إيه بقى؟

مهندس منسي : الأتوماتيك دي بقى في عندنا نوعين، نوع إنت حضرتك بتحطه في الأطباق وهي تروح واخداه وحطاه في قلب الكيس، هي بتصنع الكيس لوحدها وبتحط في الكيس وتطلعه أتوماتيك

العميل : أوكيه

مهندس منسي : ده نوع، والنوع التاني بتحطلها برده الأكياس.. بتحطلها الأرغفة على السير بتاعها وهي بتاخد الأرغفة بتاعتك أي كان بقى تاخده وتعبي

العميل : طب بكام النص أتوماتيك وبكام الأتوماتيك؟

مهندس منسي : النص أتوماتيك يعني 2000 جنيه مصري

العميل : ماشي

مهندس منسي : أما بقى الأتوماتيك في نوعين، النوع اللي هوه بنقول هنحط فيه العيش نطبق، مطبق يعني نص تطبيقة، يعني إحنا مثلاً بنتكلم في رغيف عيش مدور

العميل : صح

مهندس منسي : إحنا بنغليه زي نص دايرة

العميل : لا إحنا عايزينه مفرود

مهندس منسي : نقول دي ونقول دي يمكن تغير فكرك

العميل : لا أنا عمري ما هأحتاج أطبقه أصلاً

مهندس منسي : هوه أنا لما كنت في أمريكا شوفته مطبق وشوفته مفرود

العميل : ما هوه مش عيش بلدي هوه عيش تركيا

مهندس منسي : ده بيبقى مدور كده عامل زي العيش السوري كده؟

العميل : أيوه بالضبط

مهندس منسي : نقول دي ونقول دي..

العميل : لازم يبقى مفرود

مهندس منسي : سيبني أتعب نفسي

العميل : اتعب نفسك

مهندس منسي : اللي هوه بتحطه مطبق دي بتعمل 6 يعني 65000 جنيه، واللي بتحطه مفرود بتعمل 2

العميل : يبقى إحنا هناخد اللي بـ 200

مهندس منسي : الـ إيه

العميل : اللي بـ200

مهندس منسي : لا عادي عادي هي بداية، ما هوه حضرتك بتدأ تشوف…

العميل : ما هوه في الأول بس لحد ما نشوف…

مهندس منسي : دي هتوفرلك على الأقل تايم

العميل : بالضبط.. طب إنتم مكانكم فين

مهندس منسي : إحنا عندنا حدائق القبة، مدينة نصر، باب الشعرية، 6 أكتوبر

العميل : طيب عندكم.. طب ممكن تبعتلي العنوان في رسالة بس علي النت او تكنتبهولي دلوقتي وانا بشات معاك

مهندس منسي : العنوان اللي يريحك أنهي أو الأقرب ليك إنهي؟

العميل : 6 أكتوبر

مهندس منسي : طيب ماشي هبعتهولك في رسالة هتقوله عايز مكنة اللحام….

العميل : وابعتلي بتاع باب الشعرية برده

مهندس منسي : طيب ماشي… هتقوله حضرتك أنا عايز أشوف مكنة اللحام المستمر

العميل : أنا هروح على طول مش هخليه يبعتلي صور

مهندس منسي : ماشي أصل هوه اللي هناك زي ما تقول برده يعني عايز مش… يعني عايز برده إنك تعرفه…

العميل : ما هوه أنا هاخدله منتج من اللي موجود في السوق ومنتج اللي عندي…

مهندس منسي : آه هتخدله أكياس وهتقوله أهوه وريني كده

العميل : ماشي

مهندس منسي : ماشي يا غالي

مهندس منسي : هبعتلك اللي الاتنين دولقتي في رسالة

العميل : ألف شكر

مهندس منسي : مع السلامة