ماكينة لحام أكياس بلاستيكية من شركة مهندس منسي

العميل: سلام عليكم

المهندس منسي: سلام ورحمة الله وبركاته

العميل: أستاذ زكريا

المهندس منسي: مهندس منسي مع حضرتك

العميل: أهلا أزيك يا بشمهندس أخبار سعتك إيه

المهندس منسي: أهلا وسهلا

العميل: حضرتك مش هتفتكرني لكن أنا فاكر كويس حضرتك عموما المكن وصل ولا لسه حضرتك

المهندس منسي: وصل آه

العميل: اللي هي الأولانية القديمة البرتقالي ولا الثانية اللي هي بس موجودة فيها تاريخ الإنتاج

المهندس منسي: لا الأولانية والتانية والتالتة كمان

العميل: طب كويس التالتة وصلت الحمد لله حضرتك أنا كنت أتعاملت مع حضرتك من كذا سنة كدا في الورق أيام ما حضرتك كنت لسه بتبيع في الورق مكنش لسه موضوع المكن تشعب كده

المهندس منسي: آه لا ما عندنا برده ورق

العميل: أنا عارف أنا فاهم ربنا يوسع عليك يارب أنا بصنع أكياس بن وكنت باخد الورق ده زمان أوي كانت لسه فكرة جديدة ودلوقت الحمد لله الموضوع بقي منتشر فباخد للعملاء بتوعك مكن من حضرتك

المهندس منسي: الله يباركلك يارب

العميل: آه ربنا يخليك أنتم انهارده طبعا واضح أن هو إجازة ها

المهندس منسي: لا شغالين

العميل: والله إجازتكم الجمعة أصل عم زكريا مردش عليا

المهندس منسي: تلاقيه اتزحم بس عشان الحاجة جت

العميل: آه طبعا آه طبعا طب سعرها كام دلوقت

المهندس منسي: 200

العميل: هنحول ات ولا إيه مش فاهم

المهندس منسي: لا لا عندنا التعامل بالمصري

العميل: كام يعني

المهندس منسي: إحنا بنعمل إمارة لل بنثبت عال

العميل: آه آه أنا فاهم يعني انهارده أشوف ال كام ويبقي هو ده لكن هو أنت سعرك ثابت ب200

المهندس منسي: هي انهارده عاملة 1900

العميل: 1900 ياه زادت 400جنيه عن الأول يعني مش كده ولا إيه

المهندس منسي: زادت 400 آه

العميل: بس أنا الماكينة اللي أنا خدته من حضرتك

المهندس منسي: صدقني انهارده لو اشتريت أي ماكينة أي بضاعة أنهارده أنت كسبان

العميل: طبعا آه الله المستعان

المهندس منسي: لو أنت اشتريت ال وقعدته عندك بيطلع

العميل: آه لا بيطلع ولا بينزل لما نيجي نحوله لمادة حاجة تانية بس هو الميزان فرق السعر طب أنا لما كنت خدتها من حضرتك ب1500كانت التروس الخلفية دي كانت كلها معدن لما أخدت المكن التاني ده اللي كان ب2000وشويه كان لقيت التروس دي بلاستيك هل اللي جاي برده كده ولا ايه

المهندس منسي: التروس معدن هي التروس البلاستيك أحسن من التروس المعدن

العميل: والله في الصوت بس

المهندس منسي: علشان بتمنع الحاجة اسمها فيبريشن البلاستيك من نوع ضعيف

العميل: مش حاجة ضعيف يعني أيوه

المهندس منسي: ده بلاستيك من نوع اسمه عموما لو عايز طقم بتاع معدن قولهم لا أنا عاوز المعدن هيدولك المعدن وهيفرحوا أوي بس هو عموما التروس بتاعتها حديد

العميل: من جوه التروس الحديد اللي هي من جوا اللي هي متغطية بلاستيك أيوه أيوه آه بس أكيد هو هيمنع صوته وهيمنع فيبرشين بس التآكل بتاعه هيكون أكتر من المعدن

المهندس منسي: لا أقل التآكل في المعدن أعلى دي خامة عالية

العميل: آه آه

المهندس منسي: التآكل أقل، الفيبريشن أقل، صوت مفيش صوت كل ده بيأثر على عمر الماكينة

العميل: أكيد طبعا أكيد طيب يا فندم ماشي وأنا سعيد جدا أني سمعت صوت حضرتك بس حضرتك أنت مش هتفتكرني في التليفون لكن أكيد لما نتقابل إن شاء الله هتفتكرني بإذن الله شكرا يا فندم شكرا سلام عليكم مع السلامة