ماكينة لحام أكياس نصف أتوماتيك من شركة مهندس منسي
المهندس منسي: سلام عليكم
العميل: السلام عليكم ورحمة الله
المهندس منسي: عليكم السلام ورحمة الله وبركاته
العميل: أزي معاليك يا باشا شركة المهندس لماكينات اللحام
المهندس منسي: أيوه
العميل: أهلا وسهلا بيك معالي الباشا عايز ماكينة لحام أكياس اللي هي إيه منتجات غذائية، سكر، رز، كده يعني
المهندس منسي: آه
العميل: موجودة عندك يا باشا
المهندس منسي: إن شاء الله
العميل: طيب تعمل كام سعرها يا بيه
المهندس منسي: في حاجة نص أوتوماتك وفي حاجة أوتوماتك كامل
العميل: طيب الأوتوماتك كاملة دي تعمل كام زي ما معروض عالموقع ولا غير
المهندس منسي: آه نفسه آه
العميل: يعني 300 تقريبا
المهندس منسي: 300 هو مكتوب على الموقع 300
العميل: تمام اللي هي بتلحم وتطبع وكله
المهندس منسي: آه بتلحم وتطبع تاريخ الإنتاج على الكيس مش ماكينة تعبئة وتغليف أوتوماتك
العميل: أنا فاهم ماكينة تعبئة كبيرة يا معالي الباشا مش هتعمل 300 سعرها 10000
المهندس منسي: لا سعرها عندنا إحنا بقي 6500
العميل: 6500 دي أوتوماتك كاملة
المهندس منسي: دي الكبيرة وفي النص أوتوماتك عاملة 1300 وفي اللي عالربع كيلو عاملة 4500
العميل: لا الكيلو يا باشا
المهندس منسي: الكيلو عاملة 6500
العميل: لكن ماكينة اللحام عند معاليك
المهندس منسي: آه
العميل: كلام جميل يعني سعرها كله بالمصري عاملة كام
المهندس منسي: سعر إيه
العميل: سعر ماكينة اللحام
المهندس منسي: امسك ورقة وقلم وشوف ال انهارده بكام وروح حاسب دي في دي
العميل: هو اللي اعرفه امبارح كان ال ب9.75 معرفش بقي زاد ولا إيه
المهندس منسي: نصيبك يالا والله من يوم الثورة اللي قايمة دي وإحنا عمالين نجري ورا ال
العميل: معلش ربنا إن شاء الله يسترها معانا ومعاكم
المهندس منسي: زهقونا
العميل: في باب الشعرية أنتم يا باشا
المهندس منسي: إن شاء الله
العميل: طيب في عندك شحن
المهندس منسي: عندنا آه
العميل: طيب شحن الصعيد قنا
المهندس منسي: عادي أي مكان
العميل: كلام زي الفل بإذن الله هكلم حضرتك انهارده أو بكره بس في عندك واتس أب يا باشا
المهندس منسي: عندنا آه
العميل: على نفس الرقم ده
المهندس منسي: نفسه
العميل: طيب ياريت بس أكلم حضرتك دلوقتي تبعتلي حضرتك صورتها إيه قريبة لأنها عالموقع مش ظاهرة خالص والله
المهندس منسي: يعني هرد عليك عالساعة 5 كده ولا حاجة
العميل: معنديش مشكلة يا باشا المهم بس عشان خاطر معايا شركائي وكده يشوفوها برده
المهندس منسي: إن شاء الله
العميل: ماشي يا معالي الباشا ماشي وألف شكر وأسفين على إزعاج معاليك
المهندس منسي: ولا يهمك
