ماكينة لحام اكياس البن الافقية كود 301 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه |
| العميل | : | لو سمحت عايزين نسأل على ماكينة لحام كيس الألومنيوم بتاعت كيس البن |
| المهندس منسي | : | آه موجودة |
| العميل | : | مكانكم فين بالضبط في باب الشعرية؟ |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | اللي فاتح يوم الجمعة |
| المهندس منسي | : | مافيش حاجة فاتحة يوم الجمعة، الأجازة الأسبوعية يوم الجمعة |
| العميل | : | طيب حضرتك في لكم فرع في العاشر من رمضان؟ |
| المهندس منسي | : | عندنا في العبور أقرب حاجة للعاشر |
| العميل | : | طب فين في العبور؟ |
| المهندس منسي | : | هبعت لك رابط فيه العناوين كلها |
| العميل | : | تمام.. طب عايزين ناخد فكرة عن المكن والخامات دي فين؟ |
| المهندس منسي | : | عادي تشرفنا في أي فرع تتفرج |
| العميل | : | في العبور يعني بكرة إن شاء الله |
| المهندس منسي | : | العبور فرع لسه بادئ، لسه صغير |
| العميل | : | دلوقتي بكرة هنروح نبص على الموضوع ده فين؟ |
| المهندس منسي | : | لو عايز تشتري المكنة موجودة في العبور، لو عايز تتفرج على منتجاتنا هبعت لك رابط اختار منه العنوان اللي يناسبك |
| العميل | : | هو رقم الماكينة إيه اللي ممكن ناخدها؟ |
| المهندس منسي | : | 301 ماركة المهندس منسي |
| العميل | : | ماكينة صغيرة يدوية دي صح؟ |
| المهندس منسي | : | مش صغيرة قوي دي قايم عليها مصانع |
| العميل | : | ثمنها كام؟ |
| المهندس منسي | : | ، يعني 3600 جنيه مصري |
| العميل | : | هي ليها سير؟ |
| المهندس منسي | : | آه ليها سير آه |
| العميل | : | أنا عايز الماكينة عشان تشكيل الكيس |
| المهندس منسي | : | آه هي بتشكل الكيس ولكن إنت بتطبع رول ولا شيت؟ |
| العميل | : | لا.. لا.. بتطبع شيت على مكنة أوفست |
| المهندس منسي | : | فور كلار وان شوت ولا فور كلار وان باي وان |
| العميل | : | لا وان شوت ماكينة 4 لون عندي |
| المهندس منسي | : | إحنا في ناس كتيرة بتيجي تطلب على السمول سيل فإحنا ممكن نبعتهم ليكم يعني، أو ممكن نديلك الخامات من عندنا ونعرفهم هنطبع هنا ونطبع يعني عندك |
| العميل | : | تمام.. خلاص ماشي حضرتك المهم إن بكرة المكان اللي هنزوره فين عشان نطلع |
| المهندس منسي | : | ولو احتاجت طباعة روتو إحنا عندنا طباعة روتو |
| العميل | : | أنا بطبع روتو بصراحة عند شخص صديقي اسمه أشرف حسان لو تعرفه |
| المهندس منسي | : | آه صديقي أنا كمان، ابقى سلملي عليه لو شفته |
| العميل | : | تمام… إنتم طباعة الروتو عندكم في المكان؟ |
| المهندس منسي | : | أنا وأشرف حسان أصدقاء وأخوات والمصلحة واحدة يعني |
| العميل | : | طيب ربنا يقدم اللي فيه الخير، طب أزور حضرتك بكرة فين؟ |
| المهندس منسي | : | هبعت لك رابط فيه العناوين كلها |
| العميل | : | تمام.. ماشي شكراً لحضرتك |
| المهندس منسي | : | مع السلامة |
