ماكينة لحام اكياس الرز والحبوب من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : بقول لحضرتك أنا كنت عايز أعمل مشروع تغليف مواد غذائية يعني مثلاً حبوب رز حاجات زي كده، بالنسبة لمكن اللحام وكده موجودة عند حضرتك، مكن لحام الأكياس؟

المهندس منسي : آه عندنا آه

العميل : طيب يبدأ من سعر كام والمكان فين بتاعكم بالضبط يعني؟

المهندس منسي : مكن اللحام اللي هوه… إحنا اللي عندنا مكن لحام بسير إنتاجي

العميل : يعني مش تعبئة يدوية، مش يدوي؟

المهندس منسي : لأ ما هوه دلوقتي مكن اللحام اتطور، اللي بتعمل إيه؟؟ حضرتك عبيت في كيس، تروح حاطه على السير ما تقعدش بقى تستنى لما تلحم وحاجات من دي، تروح حاطه على سير، السير يعمل إيه؟؟؟ ياخد الكيس يلحمه ويوديه في المكان اللي إنت عايزه

العميل : طيب ما في حاجة أنا عايز أقولها دلوقتي، الأكياس أحجامها مختلفة، يعني ممكن أعبي كيلو ـ 5….

المهندس منسي : عادي.. عادي.. بتعمل معاك من أول 5 جرام لغاية 10 كيلو

العميل : تمام…. سعر الماكينة دي كام بقى؟

المهندس منسي :

العميل : بتتعاملوا بال يعني

المهندس منسي : إحنا بنتعامل بالجنيه المصري بس أنا بسميلك بال عشان الجنيه لو نزل أو…

العميل : لعدم الاستقرار يعني

المهندس منسي : آه مش معقولة النهاردة هقولك 2500 جنيه بكرة أقولك إلحق ده بقت 2600 بعد بكرة …. بـ 2650

العميل : آه… خلاص ال قرب من الـ 14 ربنا يستر

المهندس منسي : فهمني أنا النهاردة بسمي بال وبدي خصم لو إنت جيبت بال بديلك 5%

العميل : تمام.. أنا مش هجيبلك بال لأنه مش متاح

المهندس منسي : عادي أنا المصري مافيش عندنا مشكلة، إنما أنا بسمي بس بال

العميل : عشان هوه سعره ثابت، طيب تمام، طب بالنسبة للأكياس أنا برده قرأت كده إنتم عندكم تقريباً مكان تاني بتصنعوا فيه الأكياس وعليه السجل التجاري بتاعك والبيانات دي كلها…

المهندس منسي : مضبوط آه

العميل : يعني الأكياس اللي أنا عايزها بالموصفات اللي أنا عايزها أجبهالكم وأقولكم أنا عايز من دي كمية أد كده بالكيلو والحاجات دي كلها مضبوط؟

المهندس منسي : إن شاء الله

العميل : طيب المكان فين بالضبط بقى في باب الشعرية؟

المهندس منسي : إحنا عندنا حدائق القبة، مدينة نصر، باب الشعرية، أبعتلك باب الشعرية؟

العميل : باب الشعرية أقربلي، أنا من الفيوم، يعني ده يبقى أقرب لينا يعني

المهندس منسي : إن شاء الله هبعتهولك في رسالة حالاً

العميل : رسالة عادية ولا هنا علي الواتس

المهندس منسي : رسالة علي الواتس

العميل : طيب إنتم بكرة… مواعيد شغلكم من كام لكام؟

المهندس منسي : من 11-9

العميل : كل الأيام ماعدا حاجة معينة ولا إيه؟

المهندس منسي : ماعدا يوم الجمعة

العميل : طيب خلاص هستنى من حضرتك الرسالة، متشكرين يا فندم، جزاك الله خير طب هسألك برده على حاجة تانية معلش، بالنسبة لمكنة التاريخ برده موجودة عند حضرتك ولا لأ؟

المهندس منسي : عندنا آه

العميل : طب دي سعرها كام بال برده؟

المهندس منسي : في بـ 100 ، وفي

العميل : طيب بالنسبة لصيانات المعدات دي بقى

المهندس منسي : إحنا ماركة

العميل : أنا بتكلم لو حصل عندي أي عطل في مهندس ييجي يصلحلي العطل…

المهندس منسي : آه.. وعندنا قطع الغيار وعندنا كل حاجة

العميل : طب والضمان، في ضمان ولا حاجة؟

المهندس منسي : إحنا الماركة الوحيدة اللي في الشرق الأوسط

العميل : طيب ربنا يبارك لك يا رب ويوسع عليك، طيب أنا بجيب المكنة نفسها ولا في مهندس بييجي عندي بصينها ولا إيه بالضبط؟

المهندس منسي : لو المكنة بسيطة مش هتيجي لغاية عندنا عشان خاطر يصينلك عشان خاطر ما يكلفكش، إنت بتجيبها وتصينها وخلاص، وبعدين الصيانة بتاعتها سهلة ما تقلقش

العميل : طب قطع غيارها غالية ولا كويسة ولا إيه ظروفها؟

المهندس منسي : جرب

العميل : أنا كده كده هجيلكم بكره ولا بعده زيارة ابعتلي بقى العنوان بس أوعى تنسى بإذن الله، شكراً يا باش مهندس، مع السلامة