ماكينة لحام الأكياس البلاستيك الرأسية موديل 303 من شركة المهندس منسي

العميل : السلام عليكم

مهندس منسي : عليكم السلام ورحمة الله وبركاته

العميل : شركة المهندس معايا

مهندس منسي : أيوه

العميل : لو سمحت كنت عايز أشتري المكنة اللي هي إم تو باك 303 موجودة يا فندم؟

مهندس منسي : إن شاء الله

العميل : طيب هي عامله كام مصري؟

مهندس منسي : الأفقية عامله يعني 3200

العميل : بالحامل بتاعها؟

مهندس منسي : اللي بالحامل عامله

العميل : يعني تعمل 5000 مثلاً كده؟

مهندس منسي : ثانية واحدة 250 × 16 = 4000

العميل : طب لو سمحت يا فندم بقولك في شحن لدولة اليمن ولا مافيش؟

مهندس منسي : إحنا بنشحن لأي دولة عن طريق شركات الشحن، يعني أي مكنة تاخدها إحنا نشحنها لك عن طريق شركات الشحن، شركات الشحن عندنا كتير جداً من البلاد الشركات المنتشر فيها شركات الشحن يعني

العميل : طب كويس أنا كنت خايف بس لا ما يكونش في شحن من مصر

مهندس منسي : لا.. لا.. إنت في مصر…

العميل : لو حبيت إن شاء الله أشتريها المقر في باب الشعرية تقريباً؟

مهندس منسي : إحنا عندنا حدائق القبة، مدينة نصر، باب الشعرية، 6 أكتوبر

العميل : طيب باب الشعرية أقربلي أنا لو حبيت أشتريها إن شاء الله هاجي الفرع ده

مهندس منسي : أنا هبعتلك بقى الداتا بتاعت باب الشعرية دلوقتي في رسالة ومعاها تليفون المبيعات بتاع باب الشعرية

العميل : طب سوري معلش يا فندم أنا آسف سؤال بسيط بس تاني

مهندس منسي : اتفضل

العميل : موضوع الشحن هيبقى عليها تكلفة أد إيه؟

مهندس منسي : هوه تكلفة الشحن دوت بنعرفها من شركة الشحن، وإحنا….

العميل : يعني حسب الدولة اللي الحاجة رايحه هناك؟

مهندس منسي : آه..

العميل : طيب يعني إنت ما تعرفش كده لليمن هتكون تكلفتها أد إيه؟

مهندس منسي : أنا ما أعرفش لأنه صعب عليا إن أنا أتصل، لأنه كله بيقولي طب هي تكلفة الشحن كام، بقوم اتصل بالناس واعرف وبعد كده نقولهم، وهمه الناس ما بينفذوش كتير، فحجم الاستفسارات أكتر من حجم…

العميل : آه فعلاً الأسئلة كتير فعلاً

مهندس منسي : الناس بقى زهقوا من كتر الأسئلة، فإحنا بنرد عادي، هنقول إيه؟

العميل : يعني هي مش كتير التكلفة طيب؟

مهندس منسي : لا مش كتير، لأنه في أنواع من الشحن، في شحن عادي، وفي شحن بري، وفي شحن جوي، وفي شحن.. حاجات كتيرة قوي

العميل : ربنا يبارك لك يا فندم، معلش أنا عطلت حضرتك والله

مهندس منسي : خد راحتك

العميل : شكراً يا فندم، ربنا يخليك، السلام عليكم

مهندس منسي : وعليكم السلام

العميل : شاكر جداً يا فندم معلش تعبت حضرتك، مع السلامة