ماكينة لحام الاكياس البلاستيك من شركة المهندس منسي

العميل : سلام عليكم

مهندس منسي : عليكم السلام ورحمة الله وبركاته

العميل : من فضلك كنت بسأل على مكنة تغليف أو قفل البلاستيك

مهندس منسي : تغليف البلاستيك إزاي؟؟

العميل : لأ مش تغليف اللي بتقفل البلاستيك

مهندس منسي : آه…

العميل : اللي هوه بتاعت الكوفير

مهندس منسي : طب ممكن صورة للمنتج بتاع حضرتك؟

العميل : لا هوه أنا لسه.. مش معايا حالياً بس كنت عايز أعرف في مكنة متاحة اللي هي بتقفل الأكياس البلاستيك من فوق، وفي اللي هي بتقفلها من النص ومن فوق، بتبقى زي الباركود كده

مهندس منسي : من النص ومن فوق دي ماكنة بتبقى أتوماتيك

العميل : أتوماتيك إزاي يعني بيبقى البلاستيك فيها؟

مهندس منسي : آه عادي ولو عايزه الأكياس مقفولة من النص ومن تحت وإنت تقفليها من فوق مافيش مشكلة، ممكن نصنعهالك على كده

العميل : يعني بتصنع الأكياس على كده ولا المكنة؟

مهندس منسي : آه يعني إنت دلوقتي عايزه الأكياس مقفولة من ورا ومن تحت وإنت تعبي المنتج بتاعك وبعد كده تقفليها على مكنة اللحام

العميل : ماشي… دي مكنة اسمها مكنة لحام، طب لو أنا عايزها تقفلي…

مهندس منسي : اسمها مكنة لحام مستمر، اسمها مكنة إنتاجية، دي بتعمل عندنا يعني بسعر النهاردة 1700 جنيه

العميل : دي اللي هي بتعمل لحام بس؟

مهندس منسي : آه

العميل : طب لو هي بتقفل من النص ومن تحت ومن فوق، يعني أحط الحاجة وأقفل عليها

مهندس منسي : آه.. بتختلف بقى بحسب المنتج، يعني منتجات صلبة قطع يعني…

العميل : لأ أنا عايزه اللي هوه الكوفير، الكوفير اللي هوه بيبقى عبارة عن شوكة وسكينة… اللي هوه بيبقى في المطاعم

مهندس منسي : ده المكنة دي بتعمل 1

العميل : 1 ده يبقى كتير قوي

مهندس منسي : آه…

العميل : لا أنا بتكلم على مشروع يكون صغير من البيت يعني، يعني في بدايته

مهندس منسي : بتعملي استخدامات الفنادق مش كده؟

العميل : يعني مش لازم فنادق، يعني حاجات ممكن كافتيريات نوادي.. أماكن كده، لكن مش فنادق، الحاجات الصغيرة الحاجات البسيطة اللي هي برده مش محتاجة كواليتي عالي يعني الجامعات النوادي

مهندس منسي : في كل الأحوال إحنا بنقدم أعلى كواليتي، لو مشروعك صغير هتخشي أعلى كواليتي، ولو مشروعك كبير برده أعلى كواليتي

العميل : طيب إنتم مكانكم فين بالضبط؟

مهندس منسي : إحنا عندنا حدائق القبة، مدينة نصر، باب الشعرية

العميل : فين في حدائق القبة؟

مهندس منسي : هبعتلك العنوان في رسالة حالاً

العميل : طب ياريت عشان أنا أصلاً ساكنه في مصر والسودان فلو في حدائق القبة يبقى مكان كويس جداً مناسب يعني

مهندس منسي : إن شاء الله

العميل : طب أيام الشغل إيه؟

مهندس منسي : كل أيام الأسبوع ماعدا يوم الجمعة وشغلنا من 11-9 بالليل

العميل : طيب متشكرة جداً مع السلامة