ماكينة لحام الاكياس البلاستيك النصف اتوماتيك من شركة المهندس منسي
العميل : سلام عليكم
المهندس منسي : الله وبركاته
العميل : شركة المهندس دي يا باشا
المهندس منسي : أيوه
العميل : كنت عايز أسأل بس على المكنة بتاعت لحام الأكياس البلاستيك اللي هي الصغيرة دي
المهندس منسي : صغيرة أنهي
العميل : اللي هي اليدوي اللي هي بالإيد
المهندس منسي : لا اليدوي دي إحنا وقفناها إحنا شغالين دولقتي بالإنتاجي اللي هي تلقيم يدوي، هي مكنة بسير تحطلها الكيس، هي تاخد الكيس تلحمه وتودي الناحية التانية، إنما اليدوي دي كنت إنت بتستنى لغاية لما تتلحم وبعد كده تشيل الكيس وتحط التاني، وتستنى لما يتلحم وبعد كده تشيل الكيس…
العميل : آه
المهندس منسي : لأ إحنا وقفناها وجبنا بقى اللي هي الإنتاجية
العميل : يعني دي مثلاً بتحط الحاجة في الكيس وبعد كده وتسيبها على المكنة…
المهندس منسي : أيوه.. كل اللي عليك إنك تحطها على السير
العميل : دي بكام دي يا باشا
المهندس منسي : بتعمل يعني 2000 جنيه مصري
العميل : آه… دي بتشيل أد إيه، يعني بتعمل كمية أد إيه؟
المهندس منسي : تشيل لغاية 10 كجم
العميل : 10 كيلو
المهندس منسي : آه السير بتاعها يشيل لغاية 10 كيلو، وهي بتعمل 10 متر في الدقيقة، يعني إيه 10 متر في الدقيقة؟ يعني الكيس بتاعك لو 15 سم معايا
العميل : آه
المهندس منسي : فنقول المتر في كام، نقول المتر في مثلاً 7
العميل : تمام
المهندس منسي : المتر لما يكون فيه 7 × 10 متر، يبقى 70 كيس في الدقيقة
العميل : 70 كيس في الدقيقة ولا 7 أكياس
المهندس منسي : 70 كيس في الدقيقة
العميل : تمام… طب مقاسها أد إيه دي يا باشا
المهندس منسي : مش قولنا 10 متر، والمتر فيه 7 أكياس
العميل : آه
المهندس منسي : يبقى كام؟ يبقى 7 × 10 بـ 70
العميل : طب دي مقاسها أد إيه دي يا باشا؟
المهندس منسي : طول × عرض × ارتفاع
العميل : يعني كام × كام لا سيبك من الارتفاع
المهندس منسي : حوالي عرض 35سم، وطول متر و10 × ارتفاع حوالي 40سم 50 سم
العميل : تمام يا باشا.. شكراً
المهندس منسي : العفو يا غالي
العميل : مع السلامة
