ماكينة لحام الاكياس البلاستيك من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : صباح الخير
مهندس منسي : صباح الخير يا فندم
العميل : معلش بقى أزعجناك وإحنا في عيد معلش
مهندس منسي : ولا يهمك يا غالي
العميل : شركة المهندس منسي
مهندس منسي : أيوه
العميل : كنت عايز أسأل لو عندي بضاعة عايز أغلفها
مهندس منسي : تغلفها إزاي؟
العميل : هتشتغلوا إمتى مواعيدكم إيه؟؟؟
مهندس منسي : هنبدأ من يوم السبت
العميل : على العنوان اللي موجود معايا على النت اللي في باب الشعرية اللي ورا المدرسة؟
مهندس منسي : إن شاء الله
العميل : أ/ مين حضرتك؟
مهندس منسي : المهندس منسي، أنا هبعتلك تليفون المبيعات
العميل : طيب مافيش مشكلة، أنا عايز أغلف
مهندس منسي : تغليف للغير؟
العميل : آه
مهندس منسي : لا إحنا بنبيع مكن وخامات وبس
العميل : مكن التغليف وخامات وبس
مهندس منسي : آه.. إنما ما عندناش تغليف للغير
العميل : آه…. أصل قريت تغليف وتعبئة وكده
مهندس منسي : آه ما هو المشكلة إنه عملية إن إحنا نعبي ونغلف للغير ده عمل مشاكل
العميل : آه… أنا هغلف منتج لينا باسمنا بعيد عن الشركات أو التقليد أو…
مهندس منسي : هوه المنتج ده إيه؟
العميل : يعني ممكن أصنع اللبان بالكيلو أو بالطن أو بالأروة أو أنواع الكيلات من بتاعتنا إحنا، بعيد عن أي شركات أو كده، أو تقليد أي شركة لأ ماليش فيه، أنا هعمل منتج باسمي، لبان سمارة، أي حاجة مصنع حلويات برده هاخد بالطن وأغلفه عند حضرتك كده يعني، إنت فاهم؟
مهندس منسي : آه يعني تاخد من المصنع وتغلف عندنا؟
العميل : آه يطلعلي مثلاً هامش الربح اللي بينزل لتاجر الجملة اللي هوه ده إحنا نستفاد منه إحنا كده
مهندس منسي : آه….
العميل : بس أنا خبطت شويه في السوق طبعاً الخوشاف طلع مش واكل فيه عيش جامد
مهندس منسي : عموماً ربنا ييسر الأمور
العميل : في مكنة كده بتاع الأرواح تعمل كام
مهندس منسي : نعم؟؟؟
العميل : مكنة تغليف الأرواح أقل حاجة ممكن تعملها كام
مهندس منسي : في حاجة بسيطة كده عامله اسمها المكنة الذكية
العميل : آه
العميل : لا عايزين حاجة أقل من كده حاجة بلدي كده على الأد يعني
مهندس منسي : في حاجة بـ
العميل : دي تغلف إيه بقى؟
العميل : معلش النت بيقطع أنا آسف
مهندس منسي : ولا يهمك
مهندس منسي : بقولك أم دي بتغلف أي حجم؟
العميل : آه أي حجم آه إنت بتحط الحاجة في الكيس وترميها عليها، هوه عامل واحد يقدر يشغلها
مهندس منسي : دي طاقتها أد إيه تنتج أد إيه مثلاً؟
العميل : 10 متر في الدقيقة
مهندس منسي : أنا لازم آجي أقعد مع حضرتك أشوف….
العميل : هبعتلك بقى تليفون المبيعات تابع معاهم
مهندس منسي : طيب ماشي.. ماشي.. مع السلامة
