ماكينة لحام الاكياس مع طباعه تاريخ الانتاج موديل 301 من شركة المهندس منسي

العميل: سلام عليكم.

المهندس منسي: وعليكم السلام ورحمه الله وبركاته.

العميل: زكريا.

المهندس منسي: المهندس منسي مع حضرتك.

العميل: أهلاً إزيك يا باش مهندس، أخبار سعادتك إيه؟

المهندس منسي: أهلاً وسهلاً.

العميل: حضرتك مش هتفتكرني لكن أنا تاجر كويس عند حضرتك.. عموماً المكن وصل ولا لسه حضرتك؟

المهندس منسي: وصل آه.

العميل: اللي هي الأولنيه القديمة البرتقالي دي، ولا برده التانية اللي هي بس دي الموجودة اللي هي فيها تاريخ الإنتاج؟

المهندس منسي: لا الأولنية والتانية والتالتة كمان.

العميل: طب كويس التالتة وصلت طب الحمد لله…حضرتك أنا كنت اتعاملت مع حضرتك من كذا سنة كده في الورق أيام ماكنت حضرتك بتبيع الورق ما كنش لسة موضوع المكن تشعب كده يعني.

المهندس منسي: آه.. ما عندنا برده ورق.

العميل: ما أنا فاهم.. أنا فاهم ربنا يوسع عليك يا رب..أنا بصنع أكياس بن وكنت باخد لسه الورق دوت زمان قوي كانت لسه الفكرة حاجة كده لسه فكرة جديدة يعني، ودلوقتي الحمد لله الموضوع بقى منتشر، فباخد للعملاء بتوعي مكن من عند حضرتك.

المهندس منسي: الله يبارك لك يا رب.

العميل: آه ربنا يخليك، إنتم النهاردة طبعاً واضح إن أنتم أجازة؟

المهندس منسي: لا شغال.

العميل: والله.. أجازتكم الجمعة، أصل زكريا ما ردش عليا يعني بس.

المهندس منسي: تلاقي اتزحم بس عشان خاطر أول ما الحاجة جت فتلقيه عنده ضغوط جامدة فتلقيه عمال يأجل ده ويأجل ده.

العميل: آه.. طبعاً، طب سعرها كام دلوقتي.

المهندس منسي: 200  .

العميل: إحنا.. هنحول ات ولا إيه مش فاهم؟

المهندس منسي: لا.. لا التعامل بالمصري عادي.

العميل: كام يعني؟

المهندس منسي: لكن بنعمل أمارة لل، يعني بنعمل إيه بنثبت على ال، بنقول ال بكام، بكذا، إنما إحنا بنتعامل بالمصري.

العميل: أنا فاهم.. آه.. آه، يعني النهاردة نشوف ال بكام ويبقى هوه ده، لكن هوه إنت سعرك ثابت بـ .

المهندس منسي: عامله 1900.

العميل: 1900..ياه.. زادت 400 جنيه عن الأول يعني… مش كده ولا إيه.

المهندس منسي: زادت 400 آه ما هوه ال زاد النص بالنص.

العميل: آه.. آه.. بس أنا المكن اللي كنت خادته من حضرتك…

المهندس منسي: صدقني النهاردة لو إنت اشتريت أي مكن، أي بضاعة النهاردة إنت كسبان.

العميل: آه.. طبعاً.. أيوه..

المهندس منسي: واخد بالك، ليه ال عمال يطلع، فلو إنت اشتريت ال وحطيته عينته عندك ما هوه لا بيطلع.. يعني إيه….لا بيطلع ولا بينزل، إنما لما نيجي نحوله لمادة حاجة تانية هوه اللي يبين الفرق بتاعه.

العميل: طب أنا كنت، لما كنت من حضرتك بـ 1500 كانت التروس الخلفية دي كان كلها معدن كويس كده؟

المهندس منسي: حديد..

العميل: لما أخدت المكن التاني اللي هوه أبو ألفين وشويه كان لقيت التروس دي بلاستيك، هل اللي جاي كده ولا إيه؟

المهندس منسي: التروس معدن، هي التروس البلاستيك أحسن من التروس المعدن.

العميل: والله.. في الصوت بس.

المهندس منسي: عشان بتمنع حاجة اسمها الفايبريشن، البلاستيك مش بلاستيك نوعه….

العميل: مش حاجة ضعيفة يعني.

المهندس منسي: ده بلاستيك من نوع اسمه  واخد بالك.

العميل: آه.

المهندس منسي: عموماً لو عايز طقم بتاع…

العميل: معدن.

المهندس منسي: معدن، قولهم لا أنا عايز المعدن، هيدولك المعدن وهيفرحوا قوي.

العميل: طيب خلاص.

المهندس منسي: بس هوه عموماً التروس بتاعتها حديد.

العميل: من جوه التروس، التروس الحديد اللي هي من جوه اللي هي متغطيه.

المهندس منسي: التانية بقى التروس بتاعتها من المادة…

العميل: بلاستيك.

المهندس منسي: أيوه.

العميل: بس أكيد هوه هيمنع الصوت ويمنع الفايبريشن وكل حاجة بس التآكل بتاعه هيكون أكتر من المعدن.

المهندس منسي: لا أقل.. أقل.

العميل: والله؟

المهندس منسي: التآكل في المعدن أعلى من التآكل في…. دي خامة عالية تآكل أقل، فايبريشن أقل، صوت مافيش صوت، كل ده بأثر على عمر المكنة واخد بالك.

العميل: أكيد طبعاً، طيب يا فندم شكراً، أنا سعيد جداً إن أنا سمعت صوت حضرتك.

المهندس منسي: أنا اللي أسعد.

العميل: إنت مش هتفتكرني في التليفون بس أكيد لما هنتقابل إن شاء الله هتفتكرني يعني، بإذن الله يعني.

المهندس منسي: إن شاء الله.

العميل: شكراً يا فندم شكراً.. مع السلام.

المهندس منسي: سلام.