ماكينة لحام الاكياس ام توباك موديل 301 من شركة المهندس منسي
العميل : سلام عليكم.
المهندس منسي : عليكم السلام
العميل : شركة المنسي؟
المهندس منسي : أيوه.
العميل : أنا بسأل والله على مكنة اللحام اللي هي إم تو باك ديت 301
المهندس منسي : أيوه اتفضل.
العميل : دي تمنها كام المكنة دي؟
المهندس منسي : .
العميل : يعني كام بالمصري؟
المهندس منسي : بالمصري يعني 1800.
العميل : هي فيها ختامة يعني بتختم على الأكياس.
المهندس منسي : إن شاء الله.
العميل : طب المكنة اللي هي بتغطي الكبايات دي اسمها مكنة إيه؟
المهندس منسي : اللي هي بتلحم غطا الكباية؟
العميل : آه.
المهندس منسي : 712 المهندس منسي.
العميل : 712 جنيه.
المهندس منسي : لا هي رقمها عندنا اسمها 712 ماركة المهندس منسي.
العميل : آه.. مكنة دي صناعة صيني ولا صناعة غير صيني؟
المهندس منسي : لا يا ريس دي ماركة.
العميل : لا الصناعة نفسها.
المهندس منسي : ماركة ماركة براند، التليفون اللي في إيد معاليك دلوقتي نوعه إيه، نفترض إن هوه سامسونج.
العميل : سامسونج.
المهندس منسي : ينفع تقولي صناعته إيه صيني ولا إيه؟ دي ماركة يعني إنت بتاخد بضمان المهندس منسي.
العميل : طيب دلوقتي.
المهندس منسي : يعني إحنا بنصنع قطع الغيار في أي حتة مش هتفرق معانا.
العميل : آه..
المهندس منسي : في الآخر إنت بتاخد ماركة، ماركة إحنا مش تجار إحنا مصنعين.
العميل : أنا أولاً عايز أعمل، أنا بغلف وأعبي بخوت بتاعت أطفال.
المهندس منسي : آه..
العميل : واخد بال حضرتك.
المهندس منسي : البخوتة اللي هي البخت يعني.
العميل : آه بجيب البخوت وأجيب أكياس وأجيب حاجات وأعبي فول وأعبي لب وأعبي مش عارف إيه وأعبي بخوتة الأطفال، حاجات الأطفال، أكياس شرينج وألف الحاجة بتاعت الأطفال، بجيب بيض وأعبيه اللي هو البلاستيك دلوقتي.
المهندس منسي : عندنا برده مكن الشرينك.
العميل : أنا عندي المسدس المكنة بكام؟
المهندس منسي : يا راجل مسدس إيه بقى المكنة كلها بـ 3700 جنيه.
العميل : طب المكنة اللي هي بتغطي الكبايات دي تمنها كام؟
المهندس منسي : تمنها تقريباً 2850 مش فاكر السعر الجديد إيه عشان خاطر سعر ال بس.
العميل : بس هي تقريباً أقل من كده في الإعلان اللي إنتم عاملينه على النت.
المهندس منسي : آه في واحدة عندنا برده أقل من كده عاملة 1800 برده.
العميل : آه…دي بتغطي أي كباية.. معلش أنا هتعب حضرتك معايا، دي بتغطي أي كباية بلاستيك أو ورق أو أي شيء؟
المهندس منسي : آه تغطي آه.
العميل : يعني تلحم أي بلاستيك ورق أي شيء تلحمه.
المهندس منسي : إن شاء الله.
العميل : طب حضرتكم في باب الشعرية.
المهندس منسي : إن شاء الله.
العميل : في يوم أجازة ولا مافيش أيام أجازة.
المهندس منسي : يوم الجمعة هوه اللي إجازة.
العميل : يوم الجمعة.
المهندس منسي : آه.
العميل : ممكن آخدهم في العربية ولا تشحنولي.
المهندس منسي : بتقول إيه يا باشا؟
العميل : ممكن آخدهم معايا في العربية ولا تشحنولي.
المهندس منسي : آه.. تاخدها… عادي لو عايز تبعت فلوسها وهم يشحنوهالك ماشي لو عايز تاخودها وأنت ماشي خدها.
العميل : طيب، إن شاء الله اجيلك في باب الشعرية مش كده.
المهندس منسي : خلاص إن شاء الله
العميل : أنا الأسبوع الجاي هكون عند حضرتك بإذن الله.
المهندس منسي : ماشي يا باشا.
العميل : وأي استفسار عن أي مكنة تانية هاتصل بحضرتك معلش هتعبك معايا، أنا من دمياط يعني.
المهندس منسي : ولا يهمك أنا هبعتلك تليفون بتوع المبيعات في رسالة وإنت بقى إيه إذا كنت هتتعامل معاهم بقى.
العميل : طيب خلاص ماشي حاضر ما يجراش حاجة.
المهندس منسي : ماشي يا غالي.
العميل : وياريت تعرفهم خليهم برده يعرفوني عشان لو في أي حاجة جديدة قولي عليها.
المهندس منسي : إنت وأنت هناك قولهم فرجوني على الحاجة اللي عندكم كلها، هوه أنت إي حاجة تحتاجها اعمل سيرش بيها واكتب جنبها المهندس منسي، عشان مدوخش دماغك على النت كتير عشان هتلاقي شوية عيال صيع قاعدين كاتبين حاجات كده غريبة ويلففوك حولين نفسك على النت.أول ما تكتب جنبيها المهندس منسي هتخش عندي على طول.
العميل : طيب خلاص ماشي حاضر.
المهندس منسي : ماشي يا غالي.
العميل : مع ألف سلامة.
