ماكينة لحام انابيب التوب بلاستيك من شركة المهندس منسي

العميل : سلام عليكم

المهندس منسي : أيوه

العميل : سلام عليكم باش مهندس منسي؟

المهندس منسي : أيوه

العميل : معاك منير شركة فيجن باك

المهندس منسي : أهلاً وسهلاً

العميل : أهلاً بسعادتك، بقول لسعادتك تفتكر إحنا كنا عايزين نجيب مكنة التوب بلاستيك بتاعت الأنابيب واتكلمنا مع بعض لما كان أ/ صلاح قربة عندك وكده

المهندس منسي : آه اتفضل

العميل : ولا نسيت وبعتلك المراسلات

المهندس منسي : آه.. مش متذكر قوي بس عادي يعني

العميل : بص كنا عايزين نجيب مكنة اللي بتعمل الفويل على الأنابيب البلاستيك، اللي بتبقى على شولدر

المهندس منسي : على أنابيب البلاستيك

العميل : آه.. تسد الفوهة بتاعتها

المهندس منسي : آه مفيش مشكلة

العميل : تمام كده

المهندس منسي : ماشي

العميل : وأنا كنت بعت لحضرتك المراسلات أو المهندس وليد شريكي يعني، على أساس كنا هنبعت عينات وحضرتك قولتلي هشوف المكنة هناك الناس دي نصابين ولا كويسين والدنيا إيه وتخلص لنا الحاجة وتجيبهالنا

المهندس منسي : آه… الناس اللي إنتم بتراسلوهم

العميل : بالضبط.. بالضبط

المهندس منسي : آه.. آه… ماشي

العميل : عايزين بقى ننفذ، إنت عارف الوقت ده كان فيه شوية تأخيرات وحصلت شويه مشاكل، فعايزين بقى نفذ الموضوع قولي بقى نمشي فيه إزاي بأسرع وقت لإن إحنا هنبتدي نشتغل بقى

المهندس منسي : حضرتك ابعتلي المراسلات اللي إنت راسلت الناس بيها، وإحنا نبدأ نتأكد منهم إذا كانوا كويسين ولا مش كويسين

العميل : طيب، أخلي المهندس وليد يبعت على ميل سعادتك، أظن إن هوه كان بعتهوملك قبل كده أكيد معاه الميل، أخلي يبعتلهم تاني لسعادتك وأكلمك علي الواتس تاني؟

المهندس منسي : ماشي يا غالي

العميل : ومحتاج عينات أنابيب يعمللنا عليها لأن إحنا هنبقى عايزين يعني 40 و30

المهندس منسي : ماشي

العميل : هبعتلك أنابيب ليها برده تمام كده، وهي بتيجي في خلال حضرتك كنت قايلي في خلال شهر

المهندس منسي : شهر و5 أيام آه

العميل : شهر و5 أيام و10% مضبوط كده؟

المهندس منسي : إن شاء الله

العميل : خلاص يا فندم، طب هبعتلك المراسلات وقولي تاني خطوة إيه عشان نبتدي على طول إن شاء الله

المهندس منسي : إن شاء الله

العميل : ربنا يبارك فيك يا باش مهندس، سلام عليكم