ماكينة لحام الكتروستات من شركة المهندس منسي

العميل : السلام عليكم ورحمة الله وبركاته المهندس منسي

المهندس منسي : ايوه

العميل : ازى حضرتك

المهندس منسي : الحمدلله

العميل : كل سنة وانت طيب كنت عايز اسال على مكنة اللى هى اللحام

المهندس منسي : اه

العميل : بكام يا أفندم

المهندس منسي : ب يعنى 3600 جنيه

العميل : مفيش حاجة اقل ولا حاجة المكنة هى استلس ولا عادية

المهندس منسي : ديه عادية

العميل : 3600 ديه عادية

المهندس منسي : الوش مدهون الكتروستات

العميل : الكتروستات مفيش حاجة كده مستعملة رخيصة شوية يكون حد عايز يبعها ولا بتاع

المهندس منسي : صدقنى حتى انها مبشتغلش فى المستعمل

العميل : لا ما انا عارف ممكن يكون حد عرضها عليك او بتاع اخف شوية لا صدقنى ممكن يكون عرضها عليك

المهندس منسي : لا لا

العميل : طب هى اخرها كام طيب

المهندس منسي : صدقنى ربنا يعلم احنا بنتكلم دائما من الاخر

العميل : اه انت عارف الواد بتاع المنصورة اللى كلمنى عليك والله

المهندس منسي : اه ده حبيبي اخبار ايه ؟

العميل : عند المكن بيقف على السير وبتاع ومش عارف ايه

المهندس منسي : ربنا يسهله

العميل : هو قالى ده مكن المهندس منسي حلو

المهندس منسي : اه الحمدلله

العميل : والمكن برضه حقيقة اى مكن ليه مشاكل

المهندس منسي : اكيد اه هو احنا لينا مكن محترم مكن معاه من اكتر من 10 سنين

العميل : اه اه الصلاه على النبي معاه اكتر من 10 سنين ، هو شغال زى الفل هو مش محتاج ليها صيانه .

المهندس منسي : حتى لو عايزة صيانه ايه المشكلة يعنى حتى ده البنى ادم نفسه بتحتاج صيانة

العميل : ما عندى مكنة عصير وبتاع وبتحتاج صيانة كنت جايب مكنة عصيرمكنة ثلاثة عندى والله

المهندس منسي : طب بسم الله ماشاء الله انت ريتش مان اهو عمال تقولى سعر وارخص

العميل : والله مش شغال دلوقتى العصير واقف خالص عصير ايه

المهندس منسي :  كنت بتعمل عصير ايه ؟

العميل : عصير تترياك

المهندس منسي : كمان تتيراك انت كنت جايبها ايه ؟

العميل : اوتوماتيك تترياك اه والله وكان عندى تيوباك

المهندس منسي : وقفت ولا ايه ؟

العميل : العصير كله واقف والله هو السوق

المهندس منسي : اه ما اللى عندى اتعكوا فيه جامد اوى

العميل : كان الاول شغال حلو وكان الحمدلله

المهندس منسي : الحمدلله على كل شئ

العميل : كل واحد بياخد نصيبه طب يا افندم ابنى عايز يكلمك فى حاجات

المهندس منسي : مين ؟

العميل : ابنى عايز يتكلم فى حاجات فى الشغل .

المهندس منسي : مين ؟

العميل : ابنى ابنى خد معاك اهو

المهندس منسي : ماشي

العميل : دقيقة واحدة سلام عليكم انت ازيك ياباش مهندس

المهندس منسي : الحمدلله

العميل : سعيد ان سمعت صوتك انهاردة يعنى

المهندس منسي : الله يباركلك ياغالى

العميل : كان عندى كنت جايب مكنة تترباك نصيين جهاز اللحام بتاعها بيشتغل تردد عالى

المهندس منسي : اه التراسونك

العميل : زى التراسونك كده بس مش نفس الطريقة يعنى هو فيه ماك اللحام بتاعه فى نصين نحاس اللى بيوصلوا التيار زى نظام لحام الطابة اللفى جهاز زى ده عند حضرتك

المهندس منسي : عندنا اه

العميل : اللى هو التردد العالى ده

المهندس منسي : عندنا اه

العميل : اللى عند حضرتك اللى هو يتوصل مباشر على الفك اللى عندك وانشاء الله خير انا ممكن اجى لحضرتك القاهرة وانا مش لازم يكون عندى عطل بس انا بحب يكون عندى قطع غيار وكده يعنى اه اه اخد من عند حضرتك غيار مستمر وعندى فلك احتياطى اجبهولك تشوف اللى يتناسب معاه وعارف ان حضرتك هتظبطه هجيبه معايا يوم السبت

المهندس منسي : انشاء الله انشاء الله

العميل : سلام

المهندس منسي : سلام