ماكينة لحام بالقدم من شركة المهندس منسي

العميل: سلام عليكم

المهندس منسي: وعليكم السلام ورحمه الله وبركاته

العميل: لو سمحت أنا كنت بسأل على ماكينات تغليف أغراض

المهندس منسي: آه.. تغليف أغراض آه

العميل: كنت عايزه أعرف أسعارها إيه وموجودة ولا لأ أصلاً؟

المهندس منسي: هوه إنت عايزه تغلفيها بإيه؟

العميل: بلاستيك

المهندس منسي: ما هوه كلمة أغراض كلمة كتير قوي بيقولوها يعني، يعني إيه أغراض، ما هوه أنا نفسي أفهم يعني أغراض

العميل: هقول لحضرتك يعني إيه، هوه هايبر ماركت وبيبقى في ناس شاريه حاجات من بره وعايزه تدخل المول فالمكنة دي عشان تغلف أي أغراض همه شارينها من بره عشان ما تتضربش تاني على الكاشير أو تتلخبط مع الحاجات اللي هيشتروها

المهندس منسي: آه…

العميل: ده الهدف إحنا عايزنها عشان كده

المهندس منسي: هوه أنا محتاج شوية بيانات عنها، لأن إحنا عندنا مكن كتير قوي يقدر يلحم الأكياس، اللي إنت بتتكلمي فيه ده مكنة لحام أكياس، فإحنا عندنا مكن كتير قوي يقدر يعمل العملية دي، فحضرتك شوفي ابعتلنا المكنة اللي همه طالبنها منك

العميل: همه طالبين كده، هبعت لحضرتك إيه أكتر من كده

المهندس منسي: إذا همه عايزين مكنة بعينها يعني

العميل: لأ.. لأ مش مكنة بعينها همه عايزين تعمل الموضوع ده

هي المكنة دي موجودة

العميل: طب ممكن أعرف أسعارها؟

المهندس منسي: حضرتك تيجي تشرفينا بالزيارة تتفرجي عليها لأنه في 3 ـ 4 مكنات، تختاري المقاس اللي يعجبك…

العميل: حضرتك ممكن تبعتهالي على الإيميل

المهندس منسي: لأ، ممكن حضرتك تيجي تتفرجي عليها شوفي المقاس اللي يعجبك والشكل اللي يعجبك وتختاريه وتاخديه

العميل: أصل أنا هاجي لحضرتك القاهرة، أنا من المنوفية

المهندس منسي: آه.. ماشي، طب حاضر ممكن تبعتيها على الإيميل

العميل: طب أبعت لحضرتك الإيميل في رسالة ولا إيه.. أنا بعتاه قبل كده

المهندس منسي: لا ابعتي طلب استفسار عن ماكينة لحام بالقدم

العميل: من إيميل يعني أبعت لحضرتك رسالة

المهندس منسي: آه.. وشوفي همه مقاس الأكياس اللي بيحطوا فيه الأغراض بتاعتهم إيه

العميل: آه… ما هوه الغرض هيبقى الكيس..

المهندس منسي: لأ… اسأليهم أقصى مقاس للكيس اللي محتاجينوا إيه

العميل: طب حضرتك تديني مقاسات من كام لكام؟

المهندس منسي: ما هوه إنت معتمدة على حضرتي أنا، اعتمدي على حضرتهم همه، هوه في مواصفة همه مطالبنكم بيها، ولا همه بيقوللكم مكنة وأغراض وعيشوا إنتوا بقى …

العميل: آه مكنة أغراض وعيشوا إنتوا بقى، لأن هي الأغراض كتير فمش هيقدروا يحددوا، أي حد داخل شاري غرض هيتكيس

المهندس منسي: ما هوه يا ستي الكيس من كام لكام، يعني أنا ممكن أديلك مكنة مثلاً عرضها 20 سم، واخده بالك وممكن مكنة تانية عرضها 35 سم، وممكن مكنة تالتة عرضها 45 سم، و55 سم، و65 سم ده أقصى حاجة، فهمتيني

العميل: آه..

المهندس منسي: فكون أنا هكلمك كده يبقى أنا هتكلم في كل المكن ده، فكون إن أنا بقولك اسألي عشان أحدد الهدف بتاعي أقوم أخش على مكنة واحدة وأقولك المكنة أهي، لأن كده إحنا هنقعد نعيش مع بعض في المكن كله

العميل: آه… طب لو قلنا الـ 65 سم

المهندس منسي: آه.. دي حضرتك بقى تبعتلنا بيها طلب استفسار قولي مكنة لحام بالقدم مقاس 65 سم عرض، لأن تفرق سعرها عن سعر الـ 35 سم

العميل: آه… طيب ماشي شكراً.. شكراً لحضرتك.. مع السلامة