ماكينة لحام سير موديل 301 ماركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : إزي حضرتك

المهندس منسي : الحمد لله

العميل : لو سمحت بستفسر عن ماكينة بتاعت لحام السير

المهندس منسي : آه

العميل : بص أنا الصفحة بتاعتكم أدام عيني، يعني موضوع اللي هوه اللي هي حاجة عليها مثلاً، التاريخ والحاجات دي يعني…

المهندس منسي : آه

العميل : عايز أفهم دي إيه يعني

المهندس منسي : بص يا سيدي هي المكنة دي أولاً هي مكنة إنتاجية

العميل : إيه

المهندس منسي : مكنة إنتاجية، إنتاجية يعني إيه؟ مش مكنة لحام عادية، يعني دي مكنة لحام بسير، يعني كل اللي عليك إن إنت بترملها الكيس وهي بتاخده وبتلحمه وتودي الناحية التانية، هتلاقي فيه بكرتين اتنين في الآخر خالص

العميل : آه

المهندس منسي : البكرتين دول بيتركب فيهم الوحدة بتاعت تاريخ الإنتاج

العميل : آه

المهندس منسي : الوحدة بتاعت تاريخ الإنتاج ديت بتبصم تاريخ الإنتاج والصلاحية بتحفره في قلب الكيس

العميل : السؤال هي مثلاً إنت بتعمل التاريخ والبتاع دوت بتعمله على معدن وبتركبه في البكرتين الأخار دول؟

المهندس منسي : هي أردي جايه معاها، التواريخ بتتغير بنعلمك إزاي تغيرها

العميل : طب صناعتها إيه دي يا باش مهندس؟

المهندس منسي : دي ماركة، يعني مش صناعة بلد معينة، يعني إيه؟ دي ماركة المهندس منسي، يعني إحنا مصنعين ليها ولكن مش في جمهورية مصر العربية، إحنا بنصنع مثلاً السير بره، معايا…

العميل : آه قطع الغيار يعني

المهندس منسي : مجمعين مكوناتها من كذا مكان يعني

العميل : أيوه من أماكن متعددة، في الآخر إحنا اللي بنتسأل فيها

المهندس منسي : عشان تبقى حاجة خاصة بيكم يعني إحنا بنتسأل فيها إذا كانت كويسة ولا إذا كانت مش كويسة

العميل : هي عامله كام يا باش مهندس؟

المهندس منسي : عامله يعني 2000 جنيه مصري

العميل : آه ال النهاردة…. آه، طب حضرتك مكانكم فين؟

المهندس منسي : إحنا عندنا حدائق القبة، مدينة نصر، باب الشعرية

العميل : العنوان معلش بالضبط، أصل أنا مش من القاهرة أنا من إسكندرية، يعني كل أماكنكم في القاهرة يعني؟

المهندس منسي : آه وضواحيها

العميل : وضواحيها

المهندس منسي : عندنا في 6 أكتوبر في الجيزة

العميل : في 6 أكتوبر

المهندس منسي : أمال إيه في 6 أكتوبر آه

العميل : مفيش حد مثلاً اشترى منكم هنا في إسكندرية أبص عليها طيب

المهندس منسي : ما هوه أنا… هتبص على إيه؟ ده هي العملية مش محتاجه يعني، إنت تيجي تبص عليها عندنا وتتفرج عليها وتشغلها وتجربها

العميل : بتشتغل على الكهرباء بتاعتنا بتاعت البيت دي

المهندس منسي : آه… آه.. الكهرباء العادية بتاعت البيت

العميل : وآخر كلام فيها 2000 جنيه؟

المهندس منسي : إحنا أسعارنا نهائية اقتداء بالنبي عليه الصلاة والسلام

العميل : طيب يا باش مهندس أنا هنا أصلاً في إسكندرية، بس أنا يعني إيه باخد لفة كده يعني، هي جميلة والله أنا شفت حاجات كتيرة يعني هي أحسن حاجة شوفتها على النت وكده

المهندس منسي : عشان ماركة بس

العميل : لأ والـ…

المهندس منسي : على قدر الإمكان بنحافظ على اسمنا ونحافظ على وجودنا، لأن إحنا مش تجار، إحنا مهندسين فنصنع الحاجة وات إفر أي كان البلد وبنعملها، وفي الآخر اسمنا هوه اللي بيتحرك، يعني إنت مثلاً دلوقتي بتقول المكنة دي ماركة المهندس منسي، فشركة المهندس منسي لازم تكون محترمة

العميل : ما شاء الله يعني مفيش خصم خالص على الفلوس والحاجات دي

المهندس منسي : الحمد لله ده من فضل ربنا

العميل : أنا شفتلكم حاجات بس من فترة كده مش فاكر إيه يا ربي، استنى أقولك إيه… الحاجات اللي هي بتعبي دي، اللي بتعبي المواد الغذائية ديت

المهندس منسي : آه..

العميل : كنت شفت أنا من فترة كده، كنت أبحث عن أي حاجة أعملها مشروع وكده، فشفت أنا الماكينة اللي هي بتعبي البقوليات والحاجات دي يعني

المهندس منسي : آه

العميل : شفتكم عارضنها وكده يعني

المهندس منسي : الحمد لله نشكر ربنا

العميل : ربنا يا باشا يوسع عليكم، خلاص أنا إن شاء الله يعني هسجل رقم حضرتك وأشوف كده مثلاً أبعت فلوس وآجي أبص عليها ربنا يسهل الحال يعني

المهندس منسي : أنا هبعتلك دلوقتي تليفون المبيعات هتابع معاهم

العميل : طيب مفيش مشكلة ماشي.. ماشي

المهندس منسي : ماشي يا غالي

العميل : شكراً.. شكراً لحضرتك