ماكينة لحام عبوات الجيل

العميل : السلام عليكم

المهندس منسى : عليكم السلام ورحمة الله وبركاته

العميل : شركة المهندس منسي

المهندس منسى : أيوه

العميل : حضرتك كنت بسأل على مكنة بتعمل تغليف ولحام لعبوات الجيل

المهندس منسى : آه

العميل : دي عامله كام؟

المهندس منسى : إنت عايز تعبي العبوات؟ ولا عايز تغلفها؟ ولا عايز تلحمها؟

العميل : لأ أنا عايز ألحمها، يعني قضية إن هي تتعبى وبعد كده تاخد اللي هوه التغليف وتتلحم

المهندس منسى : آه يعني الأول إنت بتعمل العبوات ديت عبارة عن إيه عبوات أنابيب

العميل : آه.. آه أنابيب جيل آه

المهندس منسى : ولا برطمانات جيل؟

العميل : لأ أنابيب اللي هي زي بتاعت الشامبو كده، أو زي بتاعت معجون الأسنان

المهندس منسى : إنت عبتها خلاص؟

العميل : لأ إحنا بنتكلم دلوقتي على اللحام، التعبئة دي سهلة أنا ممكن أعملها ميكسر، لو عند حضرتك ميكسر برده

المهندس منسى : عندنا آه، عندنا ميكسرات ومكن تعبئة

العميل : يعني خط إنتاج كامل؟

المهندس منسى : آه

العميل : طب إنت عندك فرادى، يعني المكن يكون لوحديه، والميكسر لوحديه، والتعبئة لوحديها

المهندس منسى : آه.. آه.. كل وحدة لوحديها آه

العميل : آه… طب بالنسبة للتعبئة أو التغليف، خلينا في التغليف أو اللحام عامله كام؟

المهندس منسى : مكنة اللحام… إنت هتلحم في مكن  إيه؟ في عبوات بلاستيك ولا عبوات ألومنيوم؟

العميل : لأ بلاستيك

المهندس منسى : بص هوه البلاستيك صحها إنها تتلحم بحاجة اسمها ألتراسونيك، أي لحامات تانية بالهوت إير والحاجات ديت ده موضوع ما أثبتش نجاح جامد، كله بالألتراسونيك، مافيش حرارة، بتلحم بالموجات، فدي بتبقى غالية شويه، بتبقى عامله

العميل : طب إنت ما عندكش حاجة أرخص من كده؟

المهندس منسى : والله في عندنا حاجة بالهوت إير بس ما أضمنش النتائج بتاعتها

العميل : بمعنى إيه ما تضمنش النتائج؟

المهندس منسى : النتائج بتاعتها ما بتطلعش مضبوطة 100%

العميل : يعني عندي العلبة ممكن تكون فاتحة مثلاً بعد اللحام؟

المهندس منسى : آه في مشاكل كتير جداً من اللحام بالحرارة

العميل : آه الله المستعان، طب دي تعملها كام برده؟

المهندس منسى : تعملها في حدود

العميل : ده سعر نهائي الأرقام اللي حضرتك بتقولها ولا إيه؟

المهندس منسى : إن شاء الله

العميل : إن شاء الله رب العالمين، طب بالنسبة للتعبئة لو أنا هاخد خط كامل بقى من البداية للنهاية

المهندس منسى : مكنة التعبئة تعملها في حدود 1000 ـ ، في الحدود دي

العميل : والميكسر؟

المهندس منسى : بيبقى حسب بقى الطاقة الإنتاجية بتاعته، ده ما بيبقاش له تسعيرة مخصوصة، لأنه في سنجل جاكت، وفي دبل جاكت، وفي 50 لتر ـ 100 لتر ـ 150 ـ 200 ـ 300 ـ 500 ـ طن… في حاجات كتير قوي

العميل : خلاص، حضرتكم أصلاً الموقع بتاعكم فين إن أنا آجي مثلاً…

المهندس منسى : إحنا عندنا حدائق القبة، مدينة نصر، باب الشعرية، 6 أكتوبر

العميل : طب كويس أنا قريب على باب الشعرية أنا ساكن في الشرقية أصلاً، يعتبر باب الشعرية أقرب حاجة ليا

المهندس منسى : آه

العميل : ولا ليكم فرع في الشرقية

المهندس منسى : أتمنى ذلك

العميل : إن شاء الله بإذن الله رب العالمين، طيب يعني إحنا لو هنقول عندنا 1000 ، 1200 ، 1500 الأرقام اللي حضرتك قلتها

المهندس منسى : آه

العميل : طيب خير إن شاء الله، شكراً جزيلاً يا باش مهندس