ماكينة لحام موديل 712 من شركة المهندس منسى
العميل : السلام عليكم
المهندس منسى : عليكم السلام ورحمة الله وبركاته
العميل : المهندس منسي للتعبئة والتغليف
المهندس منسى : أيوه
العميل : معاك المهندس عماد صاحب شركة للألبان يا فندم
المهندس منسى : أهلاً بيك
العميل : أهلاً بيك يا فندم، بقول لسيادتك إحنا شفنا العرض الموجود على النت هنا بالنسبة لمكن التعبئة والتغليف
المهندس منسى : آه
العميل : سيادتك تخصص تعبئة وتغليف فقط، ولا في حاجات تانية
المهندس منسى : خير هوه حضرتك عايزنا في إيه بالضبط
العميل : أنا عايز المكنة اللي هي إم تو باك اللي هي الماركة بتاعتها 712 اللي هي ماكينة غلق ولحام أغطية الأكواب والعلب البلاستيك
المهندس منسى : آه
العميل : بالنسبة للفورمة اللي موجودة بتاعت اللحام مباشرة، الفورمة دي حضرتك بتقول متعددة الأغراض، يعني ممكن تشيل العبوة حجم كيلو، وبتشيل المربع اللي في 4 فتحات، وتحط مربع تاني
المهندس منسى : مضبوط آه
العميل : وتحط مربع تاني اللي هوه 125 جرام، 250 جرام… متعددة يعني مش كده سيادتك؟
المهندس منسى : مضبوط آه
العميل : هوه ده السعر كده اللي موجود قدامنا اللي هوه 430 مش كده مضبوط
المهندس منسى : مضبوط آه
العميل : أو ما يعادلها بالسعر المصري
المهندس منسى : هوه السعر بتاعها نزل دلوقتي
العميل : نزل، طب ده من حسن حظنا يا باش مهندس
المهندس منسى : آه…
العميل : عامله كام النهاردة؟
المهندس منسى : هشوفها لك حالاً
العميل : اتفضل شوفها
المهندس منسى : آه.. مازال لسه 430
العميل : لازال
المهندس منسى : طب اتصل بالمبيعات لأني أنا فاكر إن سعرها نزل
العميل : طب رقم المبيعات موجود طبعاً على الصفحة صح كده؟
المهندس منسى : آه هبعتهولك في رسالة دلوقتي حالاً
العميل : يا ريت يا فندم تبعتهولي، إنتم مواعيد العمل عندكم يا فندم؟
المهندس منسى : من 11-9
العميل : النهارة أجازة طبعاً
المهندس منسى : آه
العميل : العمل من بكرة ماعدا أيام الأجازة
المهندس منسى : الأجازة الجمعة
العميل : الجمعة أجازة وباقي الأيام شغالين من 11-9
المهندس منسى : إن شاء الله
العميل : أشكرك يا باش مهندس منسي، في انتظار رقم المبيعات من سيادتك على الرقم ده
المهندس منسى : ماشي يا غالي
العميل : بالنسبة لسيادتك في مكن تعبئة يعني مكن مثلاً اللي هوه القمع وتحط فوق منه المخلوط وفيلرز يعبي في العلب وكده
المهندس منسى : في آه
العميل : طيب هوه عموماً العنوان قدام مننا أهوه، وإحنا أصلاً من مواليد باب الشعرية يعني هنجيلك بسرعة يعني
المهندس منسى : إن شاء الله، تيجي تنورني
العميل : الله يخليك يا باش مهندس، متشكرين جداً
