ماكينة نفخ ولحام الاكياس من شركة المهندس منسي

العميل:  سلام عليكم

المهندس منسي: عليكم السلام ورحمة الله وبركاته

العميل: شركة المهندس منسي

المهندس منسي: أيوه

العميل: عندكم المكنة اللي بيمسك الكيس ويلحمه في نفس الوقت، أنا شفت كده…

المهندس منسي: عندنا مكن كتير قوي، وعندنا من ضمن المكن المكنة اللي إنت بتقول عليها اللي بتمسك الكيس وتلحمه في نفس الوقت

العميل: لا أنا شوفتها على اليوتيوب كده برده وقعدت أدور لحد ما جبت الرقم ده

المهندس منسي: الله ينور عليك

العميل: اللي هي تقريباً حجمها مش كبير برده وليها ماتور من تحت ده اللي أنا شفته تقريباً يعني

المهندس منسي: آه ليها ماتور نفخ آه

العميل: بننفخ عليها، ومثلاً أكياس الشناكل دي ..عامة يعني بتنفخ الكيس وتلحمه، طب والنفخ ده بيبقى هوا؟

المهندس منسي: هوا آه

العميل: يعني أصل أنا كنت شفت بره على اليوتيوب النفخ مش بيبقى هوا جوه الكيس، يعني بيبقى ثاني أكسيد كربون حاجة زي كده يعني

المهندس منسي: آه لو عايز تاخد من الداخل في النفخ، يعني جهاز النفخ أهوه في داخل وفيه خارج

العميل: آه…

المهندس منسي: أي حاجة في الدنيا نفخ في داخل وفيها خارج

العميل: تمام يا فندم

المهندس منسي: واخد بالك، فلو عايز تحط للداخل دوت ثاني أكسيد كربون حط

العميل: آه… طب حضرتك أنا.. المشكلة إن أنا مكاني بعيد عنك كنت جيتلك بس بعيد، مش حضرتك عزبة النخل باين؟

المهندس منسي: لأ إحنا عندنا فرع في حدائق القبة، فرع في مدينة نصر، فرع في باب الشعرية، وفرع في 6 أكتوبر، وفي العبور

العميل: المشكلة إن أنا من سوهاج في الصعيد

المهندس منسي: آه…

العميل: فرايح أفتح مصنع تغليف كده على بسيط فهحتاج مكن يعني

المهندس منسي: تفتح إيه

العميل: مصنع تغليف على بسيط كده مش قوي يعني

المهندس منسي: تعمله فين

العميل: في الصعيد عندنا في سوهاج هنا

المهندس منسي: آه.. في المنطقة الصناعية ولا فين

العميل: والله لا مش قوي، إحنا عندنا مناطق صناعية بس مش قوي يعني

المهندس منسي: آه….

العميل: طب والمكنة دي بتعمل كام، النفخ و….

المهندس منسي: بتعمل… صدقني مش فاكر، لكن جهاز النفخ بس هوه اللي غالي، ولكن في مكنة اللي أنا فاكرها دلوقتي في رأسي عامله ….

العميل: لو في حاجة تقضي نفس الغرض بتكلفة أقل لو قدامك دلوقتي

المهندس منسي: آه.. في آه.. في مكنة تعمل ، يعني 2000 جنيه مصري، بس من غير نفخ الكيس

العميل: لا ده أهم حاجة نفخ الكيس، لحام الكيس سهل، نفخه هوه اللي صعب بالنسبة لي، إحنا جايبين المكنة عشان تنفخ وتلحم مع نفسه

المهندس منسي: آه….

العميل: طب إنت إيه اللي عندك يقضي نفس الغرض، ماعندكش حاجة مثلاً نفخ ولحام أجيب مكنة تانية مثلاً؟

المهندس منسي: آه عادي فيه، في مكن تقدر تنفخ الكيس من بره وتلحمه بعدين مافيهاش مشكلة

طب ده بكام ده

المهندس منسي: ما هي أم ديت إنت بتعملها إضافة لحام

العميل: طب لو موجودة عندك ناخدها اللي هي بتنفخ الكيس وتلحمه مع بعض

المهندس منسي: دي موجودة بضاعة حاضرة

العميل: يعني موجودة طب شوفهالنا بكام دي

المهندس منسي: طب خليك معايا

العميل: طيب بالمرة لو هتسأل على السعر أنا هبعتلك عليك وقت تاني، المكنة اللي بتاعت كتابة ختم تاريخ الإنتاج والانتهاء عشان الصلاحية يعني

المهندس منسي: آه… دي في منها يدوي، وفي منها نص أتوماتيك

العميل: لا أنا عايز أرخص حاجة دي مش قصة

المهندس منسي: آه.. هي عموماً المكنة نفسها في تاريخ الإنتاج، معايا

العميل: آه معاك، طب ..خلاص ماشي أنا هستنى منك سعر للمكنة اللي بتنفخ الكيس وتلحمه والمكنة بتاعت تاريخ الإنتاج دي…

المهندس منسي: اليدوي دي عامله في حدود ألف جنيه ، يعني 100

العميل: هوه نفس أسعار بال عندك مافيش أرخص؟

المهندس منسي: ما هوه نفس الأسعار هوه أنا هحط أسعار كده، إحنا مش تجار إحنا مهندسين

حضرتك إنت مستورد يعني؟

المهندس منسي: لأ إحنا مهندسين مصنعين للمكن، يعني إحنا بنستورد قطع الغيار وبنجمعها هنا في مصر

العميل: طيب ماشي لو اتفقنا هتبعتهملي شحن ولا لازم اجي

المهندس منسي: عادي مافيش مشكلة آه..ماعندناش لغة التجار، يعني تلاقي لغتنا كده إيه لغة مصنعين مهندسين، مش هتلاقينا بنديلك سعر قليل علشان خاطر لما تيجي….

العميل: خلاص إن شاء الله لو كده بدل ما تبعت شحن وبتاع أنا برده لازمني بضاعة بحري فممكن أنزل زي كده، هنزلك برده، الفرع اللي إنت موجود فيه فين؟

المهندس منسي: لا سيبك مني أنا الاستشاري بتاع الشركة، مش أنا اللي هبيع معاك، اللي هيبيع معاك المبيعات هبعتهوملك في رسالة حالاً

العميل: ماشي…

المهندس منسي: ماشي يا باشا

العميل: طب خلاص أنا مستني منك السعر المكنة بتاعت طبع تاريخ الإنتاج والمكنة بتاعت النفخ

المهندس منسي:  ما هوه طبع تاريخ الإنتاج أنا قلتلك على سعرها

العميل: ألف جنيه يعني، مافيش اقل خالص  أي حاجة مثلاً

المهندس منسي: إحنا أسعارنا أقل سعر مش في مصر بس، أقل سعر في العالم كله..

العميل: حضرتك شايف الدنيا

المهندس منسي: آه والله الدنيا  باظت من بعد النكسة اللي حصلت والدنيا أساساً الواحد يعني الحمد لله إن إحنا شغالين

العميل: والله بصراحة إحنا عندنا برده أنا قعدت فترة في بحري… في حركة، إنما هنا في الصعيد حاجة .. بالرغم من إن أنا قاعد في المحافظة كمان فاهمني، مش في قرية ولا في مركز، في المحافظة نفسها كمان

المهندس منسي: ربنا يسترها علينا

العميل: خلاص أنا هستنى منك رد على الواتس بس تبعتلي صورة المكنة بتاعت تاريخ الإنتاج وصورة المكنة بتاعت…. ولا هي بتاعت اييه بالضبط

المهندس منسي: آه هي نفسها آه

العميل: طب مستنى السعر ضروري بس

المهندس منسي: حاضر

العميل: ماشي اتفضل يا باشا..خلاص ماشي، بس أنا هستنى السعر منك

المهندس منسي:ماشي يا غالي

العميل: ماشي