مجموعة من الاكياس المطبوعة من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : شركة المهندس منسي للتغليف
المهندس منسي : أيوه
العميل : عايزه اكياس 5 مللي ألاقيه موجود عندكم؟
المهندس منسي : مطبوع ولا سادة؟
العميل : لا مطبوع إن شاء الله
المهندس منسي : آه إن شاء الله بنعمله
العميل : طب ممكن آخد عنه فكرة، يعني عايزاه يكون طباعة عالية
المهندس منسي : إحنا ما بنطبعش إلا الطباعة العالية ما بنبطعش إلا أعلى أنواع الطباعة الروتوجرافيك، ما بنطبعش أقل من كده
العميل : جميل ده اللي أنا بدور عليه، أنا سمعت عنكم على فكرة وشفت الموقع بتاعكم على النت
المهندس منسي : آه
العميل : طيب ممكن أعرف سعر الطن عندكم بكام؟
المهندس منسي : هوه سعر الطن بيتحدد بناء على عدد من العوامل: الخامة، والسماكة، والعروض، والشبكية، الديزاين… فالحاجات دي حضرتك هتجيبي الديزاين معاك، أهم حاجة عندنا الديزاين، نبص على الديزاين، هتلاقي في فريق المبيعات هيقابل حضرتك وهيوريلك عدد من العينات بسماكات مختلفة، هتختار منهم الخامة، بناء عليها هنقولك السعر هيبقى كذا
العميل : تمام… أنا تصوري إن الأفضل اللي بيبقى الـ 3 طبقات، طبقة الألومنيوم، صح كده
المهندس منسي : بصي يا ستي، لما نيجي نتكلم في الـ 3 طبقات نقول إيه؟؟ نقول بولي إستر ألومنيوم بولي إيثيلين، طيب البولي إستر مثلاً 12 ميكرون، طب الألومنيوم في 9 وفي 15 وفي 12 وفي 17 ميكرون، طيب البولي إيثيلين، في 50 و 70 و 80 و110 ميكرون، فإحنا بنتكلم في حوالي في كل نوع خامة بنتكلم في حوالي 30 ـ 40 مواصفة
العميل : ده ممكن يتوقف على إني هعبي إيه، أنا عايزه أعبي تحاليل كيميائية
المهندس منسي : آه هتجيبلي بس التحليل الكيميائي بتاعه، هل هوه بيتفاعل مع… هل في مادة حمضية؟ هل في مادة مذيبة؟ لأنه أوقات بنلاقي الزيوت العطرية بيبقى فيها مادة مذيبة
العميل : تمام..
المهندس منسي : علشان نشوف الخامة اللي هتنفع حضرتك بالضبط، عشان مش بعد ما نعمل الشغل نبص نلاقي في مشكلة
العميل : طيب، أعرف بس السعر كام تقريباً يتراوح من كام لكام؟
وهنعمل تستينج للموضوع، عايزه تعرفي الأسعار ومهم عندك إنك تعرفي الأسعار عشان تشوفي مثلاً أراوند بكام عشان أحسب الكيس بتاعي هيبقى كام × كام كده المهندس منسي : يعني… إنتي عايزاه مقاس كام × كام؟
العميل : 5 جرام، 500 مللي
المهندس منسي : آه ده هيبقى في حدود يتراوح 4.5 قروش ـ 4 قروش ـ 3 قروش… من 3 ـ 5
العميل : ده الكيس، إحنا بنتعامل بالطن مش كده؟
المهندس منسي : أنا بديلك بس الريفرنس اللي أنا عملته قبل كده، أما إن أنا أحدد معاك سعر الطن ده هيبقى صعب عليا، ولكن إنت ممكن تعملي إيه؟ ممكن تكتبي أسعار طباعة المهندس منسي على محركات البحث، هيطلعلك عدد من الاستفسارات، ناس قالوا الديزاين و.. و… و… فإحنا ردينا عليهم في الشات في برامج الشات وقولنالهم الأسعار دي كذا وكذا وكذا لكميات كذا، فممكن… أنا بقولك بس عشان خاطر لما تيجي تعملي دراسة الجدوى بتاعتك يبقى عندك حاجة استرشادية على الأقل
العميل : تمام.. تمام…
المهندس منسي : إنما السعر اللي هتشوفيه مش هوه ده الحقيقي، ولكن….
العميل : حضرتك عارف بالضبط اليومين دول السعر مختلف عن الفترة اللي فاتت
المهندس منسي : لأ إحنا أسعارنا ما بتتغير خالص، لأن إحنا بنسعر دايماً بال، أو ما يقابله بالجنيه المصري
العميل : ما شاء الله
المهندس منسي : فهتلاقي سعرنا عمره ما هيتغير مدى الحياة، لأنه ال ما بيتغيرش
العميل : ماشي يا فندم أنا اسمي مها الشافعي، شركتي اسمها مؤسسة المها، أنا شغلي بيقدم خدمات لشركات الكودماتيك وشركات الأدوية، كنت شغالة دايماً مع… أنا شغالة تقريباً بقالي 12 سنة، شغالة في …..
المهندس منسي : حضرتك منين؟
العميل : أنا من المنصورة، اسم شركتي المها، بس أنا شغالة مع القاهرة ومع الكل على فكرة، أنا الحمد لله…
العميل : المهم عشان ما أطولش على حضرتك، كان في الفترة اللي فاتت أنا شغاله في العبوات، عندي اسطمبات الأزايز شغالة الحمد لله رب العالمين، شيف في مصنع للبلاستيك ولكن كنت دايماً ببعد عن، فبدأ يجيلي عملاء دلوقتي مع ارتفاع الأسعار فبدأوا يقرروا ينزلوا مصاريفهم، فقلت طيب أنا عايزه كويس، لازم نورده…. لا.. لا… أنا الحاجات اللي بتجيلي والحاجات دي أنا شفت حاجات مستوى رديء قوي، أنا ما بدورش عليه، أنا بدور على مستوى كويس العملاء بتوعي على التعامل.. هو على فكرة أنا اللي بتعامل مع حضرتك مش العميل، على العملاء بتوعي، فيهمني إن أنا….
المهندس منسي : هوه أنا تخصصت من البداية قلت لأ أنا مش هشتغل غير بحاجة عالية وبس، لأنه أنا باسمي، فقلت أعلى حاجة إيه؟؟ الروتوجرافيك، لقيت إنه الروتوجرافيك فيها مشكلة بالنسبة لولاد بلدي، إن أقل كمية في الروتوجرافيك عند أي مطبعة أي كانت لازم يتعامل على 2 طن يا إما كده يا إما يخسر
العميل : 2 طن أنا افتكرت طن
المهندس منسي : ما أنا جايلك أهوه، أنا بقى عملت إيه؟؟ أنا بسافر بلاد كتيرة، بسافر أمريكا ألمانيا فرنسا إيطاليا، كل المحافل الدولية بسافرها اللي تخص المجال، فعملت إيه؟؟ أقعد أفحر في نقطة إن أنا أنزل الـ 2 طن، والحمد لله كنت من أوائل يعني مافيش.. لغاية دلوقتي مافيش حد في العالم عملها إنه نزل بأوردر الروتو من 2 طن لربع طن
العميل : ما شاء الله.. ما شاء الله
المهندس منسي : وتلاقيني كاتبها باي إنجلش بتحدى أي حد في العالم يعملها لغاية دلوقتي
العميل : طب ده يفتح شريحة ممتازة للعملاء عندي أنا بالذات
المهندس منسي : آه.. ده فاتح معايا شريحة جامدة قوي في الدول اللي هي النامية
العميل : بص يا باش مهندس أنا عندي ما لا يقل عن 100 ـ 150 شركة على فكرة من العملاء عندي
المهندس منسي : عارفة كل اللي أنا عملته إيه؟ إني حاطيت الصغير جنب الكبير في صف واحد وقلتله اتحرك بقى، مش إنت بتشتكي دايماً من قلت الإمكانيات، أنا جبتك حطيت أهوه في صف واحد، في الصف الأولاني، بس، اتحرك بقى ورينا
العميل : باش مهندس إن شاء الله إحنا ممكن نعمل شغل كويس مع بعض
المهندس منسي : لا تحت أمرك
العميل : بإذن الله رب العالمين هنعمل شغل كويس مع بعض، بإذن الله
المهندس منسي : لا تحت أمرك في أي وقت
العميل : طب سؤال أخير ومش هعطل حضرتك
المهندس منسي : خدي راحتك.. خدي راحتك
العميل : ربنا يخليك، هو الطن بالتقريب عامل كام من اللي هوه 5 مللي
المهندس منسي : ما هوه أنا قلتلك السعر دوت…
العميل : تقريبياً
المهندس منسي : ما هو أنا جايلك في الكلام لما قلتلك السعر ده قلتلك بناء على فاكره كان فيه في سنة 2013 كان في عطور في أكياس
العميل : آه.. ده من كذا سنة
المهندس منسي : أخوكي بقى اللي كان مبدع الفكرة مع واحد اسمه محمد عبد الرحمن اللي هوه صاحب.. كان شريك في شركة اسمها لولوا بتاع إسكندرية
العميل : أيوه… عملي على فكرة وعاملاله أعمال أنابيب
المهندس منسي : ربنا يكون في عونك عليه
العميل : آه الحمد لله.. الحمد لله
المهندس منسي : ده مش عارف ده كان بيهوسلي دماغي
العميل : آه.. هوه صعب شويه في التعامل صعب شويه
المهندس منسي : لا هوه صعب في كل حاجة، ده حاجة متعبة ده أنا كنت بتنرفز عليه وأتعصب عليه كتير
العميل : يمكن الشريك… حضرتك إتعاملت مع الكبير ولا مع …
المهندس منسي : مع محمد عبد الرحمن
العميل : لأ أنا….
المهندس منسي : كل شوية ييجي يقعد عندي في المكتب أبص ألاقيه نط مش قادر أفهم، أقوله أقعد روشتني فيه إيه، أقعد.. أقعد.. أقعد لأ أنا بعمله أنابيب.. بص هوه صعب في التعامل شويه
العميل : آه…
المهندس منسي : آه.. فالواحد بيحاول دلوقتي على قدر الإمكان ينتقي عملاء اللي هوه يريحني عصبياً، ليه؟؟ لأن أنا عندي فكرة بقولها دايماً، أنا مش هاخد مبلغ من المال أصرفه على جسم مريض، أنا الأول أحافظ قوي على جسمي، إن أنا ما أتعصبشي، واخدة بالك، وبعد كده أبدأ أتعامل، بدل ما أشتغل ما 10 اشتغل مع 3 يريحوني نفسياً
لأ والله بجد بيجبولي العصبي
العميل : أمال لو اتعاملت مع ناس اللي أنا بتعامل معاهم طب تقول إيه بقى أنا بشتغل…
المهندس منسي : وعلى إيه.. وليه يعني، الحمد لله بدل ما أكسب 10 أكسب 3، بس في الآخر صحتي تبقى كويسة، أبقى نشيط، زي الفل، فرحان بحياتي، فرحان بدنيتي
العميل : ما شاء الله على حضرتك، ما شاء الله على حضرتك، ربنا يزيدك، بإذن الله هيبقى بينا شغل…
المهندس منسي : على فكرة برده عندنا مكن التعبئة والتغليف بجميع أنواعه، ومتعاملين مع شركات كتيرة ، متعاملين مع مايو إيه، متعاملين مع….
العميل : مايو إيه ما بتكسبش على فكرة، مايو إيه ما بتشتغلش عشان تكسبك، مايو إيه بتبقى شغالة بأقل الأسعار يدوبك بتجيب تكاليف ثابتة للي بيتعامل معاهم
المهندس منسي : ما هو ده اللي هيجنني، الاسم ده كله والهيلمان ده كله وبياخدوا مني مكن سوري مكن نص أتوماتيك، طب ليه؟؟!!!
العميل : لا.. لا.. مايو إيه أقل حاجة بتاخدها على فكرة وتدور على أقل سعر…
المهندس منسي : ما وردتلهمش بس غير المكن بس أي حاجة تانية مافيش، المكن بس، فبياخدوا مني كمان مش المكن، ده بياخدوا مني كمان مكن نص أتوماتيك، ما بياخدوش أتوماتيك مايو إيه لما تييجي بتدور لما تييجي تدور تلاقيها في تاخد مننا.. بتفاصل في الأسعار العبوة مافيش فيها مكسب، كده كده مافيش فيها مكسب، تقولك هوه كده، لا مش النوع اللي بيكسب، في شويه ناس اسم على الفاضي
العميل : آه…أنا اليومين دول شغالة مع الشبراويشي، اتفرج الشبراويشي بيطالب إيه في التعامل، طالب كريدت 4 شهور، 4 شهور في الوقت ده اللي إحنا فيه ده دلوقتي، إزاي؟؟؟!!!! مين يديني كريدت
المهندس منسي : دي مشكلة في الكريدت آه
العميل : ربنا يستر
المهندس منسي : دايماً يبقى عندهم الكريدت دي
العميل : ربنا يستر.. ربنا يستر، سعيدة بالتعامل مع حضرتك والله يا فندم، وعطلت حضرتك كتير معلش بعتذر
المهندس منسي : أنا اللي سعيد بمعرفتك
العميل : ربنا يخليك، اسمحلي أنا هسجل رقم الواتس دا وأنا اسمي مها الشافعي، هيكون لنا كلام تاني إن أنا أشوف أبعت الديزاين فين وإن شاء الله يبقى لنا لقاء بإذن الله قريب
المهندس منسي : تيجي تنوريني في أي وقت
العميل : سعيدة يا فندم ربنا يبارك في عمرك
المهندس منسي : مع السلامة
العميل : سلام عليكم
المهندس منسي : عليكم السلام ورحمة الله وبركاته
