مجموعة من عبوات المياه 600 مللي من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : المهندس منسي

المهندس منسي : أيوه المهندس منسي  معاك

العميل : أنا لاحظت على النت إنك تمتلك مصنع عبوات بلاستيك صح؟

المهندس منسي : إن شاء الله

العميل : طب حضرتك أنا ممكن أعرف سعر إزازة المياه اللي هي اللتر والنص

المهندس منسي : بص إحنا بنصنع لحساب الغير، مش عندنا عبوات وبنبيعها، يعني بنصنع العبوات لحساب الغير يعني…

العميل : أنا فاهم قصد حضرتك، أنا واخد موزع معتمد من مصنع مياه اسمها أكوا سرول، بس هوه ما عندوش عبوات متوفرة أنا محتاج لتر ونص ونص لتر اللي هي 600 مللي، هوه شغال من أول 6 لتر، فهوه ما عندوش إمكانية إن هوه يصنعلي، فقلتله أشوف حد يصنعلي وإنت تملالي فأنا كنت محتاج أزايز المياه اللي هي اللتر ونص واللي هي 600

المهندس منسي : بص حضرتك كل العملية هتوزن العبوة وهي فاضية هتعرف سعرها

العميل : أيوه يعني كل عبوة بيبقى ليها سعر مختلف؟

المهندس منسي : آه طبعاً، يعني ممكن تجيبها بسعر، وممكن بسعر تاني.. بناء على وزنها وهي فاضية

العميل : ما هو بناء على الماتيريال الخامة اللي بتشتغل بيها

المهندس منسي : آه وزنها وهي فاضية الماتيريال واحدة

العميل : على كده حضرتك التصنيع يعني مثلاً أنا عايز ألف إزازة الألف إزازة كل إزازة ممكن بتكون وزنه عن التانية

المهندس منسي : آه

العميل : طيب تمام… تبقى في رينج كام مثلاً؟

المهندس منسي : مش عارف شوف حضرتك سعر الـ بي إي تي بكام وضرب عليه النهاردة كيلو الـ بي إي تي امسك العبوة وهي فاضية وضربها، كيلو الـ بي إي تي

العميل : أنا فاهم حضرتك بتوزن كيلو عبوات فارغة بكام؟

المهندس منسي : بـ آه.. هي الكمية اللي إنت عايزها أد إيه؟

العميل : إحنا محتاج نبدأ شغل يعني هاخد ألف وألف

المهندس منسي : آه… لا هوه أقل كمية عندنا ممكن نبدأ بـ 25000 أو ممكن نصنع الاسطمبة لحسابك وبناء عليها نقدر نعمل ألفين ـ 3 كده يعني

العميل : طيب مافيش أي مشاكل طب المصنع بتاع حضرتك فين أو المكتب؟

المهندس منسي : إحنا عندنا حدائق القبة، مدينة نصر، باب الشعرية، 6 أكتوبر

العميل : فين في 6 أكتوبر طيب

المهندس منسي : هبعتلك الداتا بتاعته في رسالة دلوقتي حالاً

العميل : طيب أوكيه في انتظار حضرتك، شكراً