مشروع صغير لتعبئة صابون سائل من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : إزيك يا باش مهندس محمد عيطة معاك

المهندس منسي : أهلاً وسهلاً

العميل : أهلاً بحضرتك من أجا أنا فاكرني

المهندس منسي : آه افتكرتك عامل إيه

العميل : الحمد لله، إزيك يا باشا إيه الأخبار

المهندس منسي : الحمد لله

العميل : أنا جيت النهاردة باب الشعرية دلوقتي جيت سألت على حضرتك في الشركة قالولي حضرتك هتيجي على الساعة 5 كده إن شاء الله

المهندس منسي : آه… بس همه دول اللي هتخلص معاهم

العميل : هوه قالي في ناس هتيجي الساعة واحدة أصل أنا كنت روحت بدري شوية فكان الحاج الكبير موجود فقالي هييجوا الساعة واحدة، والباش مهندس هيجي الساعة 5

المهندس منسي : آه… هتلاقي المهندس حمادة أو المهندس محمد جاد دول اللي هتنفذ معاهم

العميل : إنما حضرتك وجودك يعني مش تبعي

المهندس منسي : دول اللي هيبقوا سبورت عليك، دول هيخدموك أفضل مني، هيقعدوا يفرجوك وكده يعني، يعني هياخدوا وقتهم معاك

العميل : دول مسئولين عن المبيعات يعني والمكن والحاجات دي

المهندس منسي : أيوه

العميل : طيب المكنتين اللي حضرتك قلتلي عليهم دول جاهزين أصلاً؟

المهندس منسي : آه جاهزين إن شاء الله

العميل : طيب خلاص، أنا هروح هناك وهتكلم معاهم وكده ولو في حاجة أستأذنك أبقى أكلمك تاني يعني

المهندس منسي : ولا يهمك يا غالي، قوله مكنة ديسك توب، وميكسر

العميل : خلاص ماشي

المهندس منسي : فهمه القصة، قوله عايز أعمل مشروع صابون سائل

العميل : أنا كنت رحت هناك وروني مكنة كده بتشتغل يدوي، يعني بتعبي يدوي مش آلية، ولا في آلي

المهندس منسي : في آلي طبعاً، وفي نص آلي… في كل اللي يخطر على بالك

العميل : كل ده موجود يعني

المهندس منسي : إن شاء الله، قوله طب فرجني على طاقة إنتاجية أعلى، لأنه في واحد نزل، وفي 2 نزل، وفي 4 نزل، وفي 8 نزل….

العميل : آه.. تمام، طيب أنا رحت الشركات بتاعت الكيماويات اللي هنا وسألتهم على الحاجات اللي أنا هحتاجها، فلقيت بقى في أسعار كتير، وحاجات كتيرة، وعلى حسب ما إنت عايز تكلف، يعني ممكن اللتر تكلفه بـ 1.5 جنيه، بـ 2 جنيه، بـ 3 جنيه… أقصى حاجة 3 جنيه يبقى حاجة نظيفة زي بريل والحاجات دي

المهندس منسي : آه…

العميل : فلقيت أسعار كتير بقى لسه هشوف، وبرده في حد فني كده لازم أشوفه برده بحيث إنه يبقى يعلم حد عندنا الخلطة في البداية والحاجات دي في البداية بحيث إنه يبقى حد….

المهندس منسي : هما هيقلولك

العميل : آه ما همه قالولي.. قلتلهم في حد عندكم في المنصورة، قالولي لو إنت عايز حد ممكن نكلمهولك يجيلك يعملك أول أسبوع ومش عارف إيه…

المهندس منسي : مش محتاجة، إنت لوحدك هتقف تضبط خلطتك مع نفسك، مرة في مرة هتبقى أحسن من بريل نفسه

العميل : هتضبط وتمشي يعني

المهندس منسي : إن شاء الله

العميل : خلاص ماشي، شاكر جداً يا باش مهندس، تاعبك معايا معلش،السلام عليكم