مشروع تعبئة سوائل اكياس من شركة المهندس منسي

العميل : السلام عليكم

المهندس منسي : عليكم السلام.

العميل : باش مهندس منسي.

المهندس منسي : أيوه.

العميل : معاك سامح عبد المطلب

المهندس منسي : يا أهلاً بيك.

العميل : أهلاً وسهلاً، حضرتك كنت باستفسر عن مكنة شفتها على النت، مكنة تعبئة سوائل كنت عايز أعرف طالبين كام.

المهندس منسي : أيوه اتفضل.

العميل : ألو…

المهندس منسي : أيوه معاك.

العميل : بقول لحضرتك المكنة اللي عندكم اللي هي بتعبي صابون سائل دي عاملة كام دي ولا ظروفها إيه؟

المهندس منسي : تعبي صابون سائل نص أتوماتيك ولا أتوماتيك؟ وفي أكياس ولا في عبوات؟

العميل : عايزها نص اتوماتيك  يا فندم معلش.

المهندس منسي : آه عايزها نص أتوماتيك….

العميل :  نص كيلو كده من نص لكيلو… مافيش نص أتوماتيك اللي عندكم؟

المهندس منسي : في عندنا نص أتوماتيك وفي عندنا أتوماتيك، النص أتوماتيك عاملة .

العميل : النص أتوماتيك عاملة .

المهندس منسي : آه.

العميل : مع زيادة ال يعني، وطب والأتوماتيك؟

المهندس منسي : الأتوماتيك كاملة عاملة .

العميل : طب النص أتوماتيك دي بتبقى يعني العمالة  بتاعته بتبقى إيه بقى؟

المهندس منسي : الإيه؟

العميل : بالنسبة للعمالة اللي بتخشلها يعني العمالة بيبقى فيها إيه يعني بنديها إيه وهي بتشتغل أو هي بتعمل إيه بس.

المهندس منسي : ولا حاجة بتعبي.

العميل : إحنا بالنسبة إحنا النص أتوماتيك بنديلها الكيس فاضي بتعبيه ولا هي بتاخده من العين وتعبي ولا إيه؟ ولا تاخده وتلحمه بس ولا إيه؟

المهندس منسي : آه.. بتديهولها فاضي وهي بتعبيه.

العميل : وتلحمه.. دي النص أتوماتيك.

المهندس منسي : آه… في مكنة لحام حاجة اسمها لحام مستمر، بعد ما تخلص الكيس تروح مدي مكنة اللحام المستمر ديت مكنة اللحام المستمر تاخده تودي الناحية التانية.

العميل : بالنسبة لمكنة اللحام المستمر المرحلة دي بيخش فيها عمالة يدوية ولا هي برده بتعملها أتوماتيك؟

المهندس منسي : لا هي لوحدها بتعمل كل حاجة هي.

العميل : آه… طب الكيس بتاخده رول ولا بتاخده أكياس مفصلة.

المهندس منسي : بتاخده أكياس مفصلة آه.

العميل : يعني الكيس معمول من الجنبين وبتلحمه من جنب واحد بس.

المهندس منسي : أيوه.

العميل : تمام، طب دي بتدي أد إيه، بتدي كام كيس في الساعة؟

المهندس منسي : بحسب كفاءة اللي واقف عليها، ممكن تعمل لغاية 1500.

العميل : لـ 1500 .

المهندس منسي : 1500 في الساعة آه.

العميل : هي موجودة عند حضرتك دلوقتي يعني.

المهندس منسي : إن شاء الله.

العميل : بالنسبة للأتوماتيك مافيش أي حاجة تعبيلنا الكيس رول، هي الفرق بين النص أتوماتيك والأتوماتيك إن هي بتاخد الكيس رول بس؟

المهندس منسي : الفرق إيه؟

العميل : الفرق بين النص أتوماتيك والأتوماتيك بتاخد الكيس رول؟

المهندس منسي : آه.. الفرق بتاخد الكيس رول وتعبيه وتلحمه وتعمل كل حاجة.

العميل : تمام.. لكن ديت بتاخد كيس كيس، يعني حد يناولها كيس في كيس.

المهندس منسي : آه حد يناولها كيس في كيس.

العميل : طيب ماشي يا فندم، هشوف كده وهكلم حضرتك تاني… ماشي يا فندم سلام

المهندس منسي : سلام