مشروع صغير لتعبئة الصابون السائل بماكينات من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : المهندس منسي
المهندس منسي : أيوه
العميل : بعد إذنك كنت شفت الصفحة بتاعتك على النت وشفت خط إنتاج الصابون
المهندس منسي : آه الصابون الصلب ولا السائل
العميل : الصابون السائل
المهندس منسي : آه اتفضل
العميل : الخط الإنتاج بيبقى عبارة عن إيه و كام أسعاره إيه؟
المهندس منسي : مافيش غير إن هوه بيبقى مكسر أو خلاطة يعني اللي هي بتخلطلك المنتجات، بتخلطلك المكونات مع بعضها ومكنة التعبئة مافيش أكتر من كده
العميل : طب بيعملوا كام الـ 2
المهندس منسي : ما هو بيعملوا كام بيتحدد على الطاقة الإنتاجية، وبيتحدد على إنك هتعبي في أكياس ولا في عبوات؟
العميل : أكياس ولا… مافيش حاجة تجمع ما بين الـ 2؟
المهندس منسي : لأ ما هوه لو هتاخد نص أتوماتيك يبقى هتقدر تعبي في أكياس وعبوات، أما لو أتوماتيك لازم نعرف أكياس ولا عبوات؟ لأن مكنة التعبئة والتغليف الأتوماتيك للعبوات غير مكنة التعبئة والتغليف للأكياس، أما النص أتوماتيك بتشتغل على الـ 2
العميل : طب لو حبينا نص أتوماتيك دي تعملها كام المكنة مع….
المهندس منسي : شوف بقى الطاقة الإنتاجية بتاعتك، إنت عايز أد إيه في الساعة أو عايز أد إيه في اليوم
العميل : موجود أد إيه….
المهندس منسي : كل السعات عندنا، إنت بتقولي أنا عايز طاقة إنتاجية في الساعة كذا أو في اليوم كذا، أنا لسه بادي عايز طاقة إنتاجية مثلاً على الأقل في حدود كذا، بناء عليها هقولك تعمل كذا كذا كذا ليه؟؟؟ لأنه النهاردة…
العميل : طب كبداية
المهندس منسي : آه كبداية يلزمك مكسر 50 أو 100 كيلو، 100 كيلو كويس قوي بالنسبة لك، ومكنة دسك توب أو مكنة بستمية نص أتوماتيك
العميل : تمام.. تمام..
المهندس منسي : لما نيجي نتكلم في المكسر أو الخلاط اللي هوه 100 لتر بيعمل في حدود ، إنت معاك ورقة وقلم بتكتب ولا هقول وبس
العميل : لا عادي اتفضل قول
المهندس منسي : المكسر الـ 100 لتر يعمله في حدود 700-
العميل : تمام
المهندس منسي : ومكنة التعبئة الديسك توب بتعمل 350 ، ومكنة التعبئة البستمية بتعمل ، تاخد دي…
العميل : طب معلش 600 قولنا لمكنة الخلط
المهندس منسي : آه.. تاخد معاها بقى مكنة تعبئة ديسك توب أو تاخد معاها مكنة بستمية، يعني يا تاخد دي يا تاخد دي مش الـ 2
العميل : دي بكام ودي بكام؟
المهندس منسي : الديسك توب الطاقة الإنتاجية بتاعتها أقل وسعرها أرخص
العميل : تمام
المهندس منسي : البستمية الطاقة الإنتاجية بتاعتها أعلى وسعرها أعلى من الديسك توب
العميل : تمام… 300 ودي 800
المهندس منسي : آه الديسك توب بـ 350 والبستمية بـ
العميل : تمام… وفي حاجة تاني يا باش مهندس ولا همه بس الـ 2 دول
المهندس منسي : همه الـ 2 دول وخلاص خلصت على كده، إنت تقدر تشتغل وخلاص، عندك مصنع صغيور كده يقدر يبدأ ينتج الطاقة الإنتاجية بتاعتك هتبقى على أضعف نقطة، أضعف نقطة عندنا إيه؟؟ هي الخلاطة، لأن إنت هتعمل 100 كيلو في النص ساعة أو الـ 25 دقيقة، الـ 100 كيلو ديت يعني هتنتج 200 كيلو في الساعة
العميل : تمام.. ده كده كويس قوي
المهندس منسي : آه ده كمشروع صغير لسه إنت بتبدأ وتشوف السوق بتاعك إيه، ربنا ييسرلك أمورك والدنيا اتحركت معاك ممكن تبدأ بقى إيه…
العميل : تكبر بقى شويه
المهندس منسي : تجيب خلاطة مثلاً تكون ربع طن مثلاً، تجيب نص طن…
العميل : طب أنا عايز أسأل حضرتك لو في ترخيص أو كده العملية متاحة في مصر ولا صعبة؟
المهندس منسي : أنا بتاع معدات وبتاع عبوات وخامات تعبئة وتغليف، فأنا هفتي في نقط مش بتاعتي، أنا….
العميل : لا من واقع الخبرة أكيد حضرتك بتتعامل مع ناس…
المهندس منسي : مع هو أنا بتعامل مع ناس في كل المجالات، يعني إنت بتكلمني دلوقتي في مجال اسمه مجال المنظفات، أنا بتعامل مع المنظفات والمواد الغذائية، ومستحضرات التجميل، والعبوات الدوائية، واخد بالك، والعطور… حاجات كتير قوي، فأنا عشان خاطر أقعد أعرف كل حاجة عن ده ده أنا أبقى راجل سوبر
العميل : آه ربنا يعينك، طب أنا متشكر لحضرتك جداً، أنا بس زي ما إنت عارف بكلمك أنا من السعودية إن شاء الله أنا شغال في السعودية، ففي فكرة إن أنا آجي أستقر في مصر يعني، فعايز أول حاجة إن أنا ممكن أشتري من حضرتك الماكنتين اللي همه بنقول أول نقطة نبدأ بيها وأبتدي أخيلهم دلوقتي، ففي أي مشكلة لو عنتهم في مكان مقفول ولا في بقى….
المهندس منسي : ولا أي حاجة
العميل : آه تمام، إحنا كده متفقين، طب خليني بقى أتواصل مع ناس إن شاء الله أخويا وهوه يتواصل مع حضرتك وإن شاء الله ناخد منك المكنتين دول
المهندس منسي : إن شاء الله
العميل : والله كريم، نشوف التراخيص وكده، ماشي شكراً يا باش مهندس
المهندس منسي : مع السلامة
العميل : مش محتاج أي حاجة من السعودية طيب
المهندس منسي : ما أتحرمش منك يا غالي، إنت في أي منطقة؟
العميل : أنا في المدينة المنورة
المهندس منسي : آه.. آه.. أقرب منطقة صناعية ليك إيه بقى؟
العميل : والله منطقة صناعية ممكن ينبع، وبعدين إنت عارف المملكة كلها بتعمل مناطق صناعية في كل مدينة، لكن أقرب مكان في صناعة وشغل صناعة كبير اللي هوه ينبع، وأنا كمان متواجد جنبه عندي سكن ومتواجد جنبه في ينبع وفي المدينة
المهندس منسي : أصل إحنا بنفكر نفتح مصنع في السعودية فدور على المناطق الصناعية اللي نفتح فيها يعني
العميل : والله في ينبع وفي الخبير، وفي الرياض، وفي الدمام
المهندس منسي : آه عشان بقى أروح ينبع لازم بقى أنزل الرياض وأغير ولا في مطار هناك
العميل : لأ كل مكان في المملكة فيها مطار، ينبع مش بلد صغيرة، كل مكان حتى لو بلد صغيرة فيها مطار
المهندس منسي : لأ عشان أروح من مصر؟
العميل : من مصر في، ده من مصر أرخص طيران طيران ينبع في المملكة كلها، ومن ينبع لمصر برده أرخص في المملكة كلها
المهندس منسي : ماشي توكلنا على الله، على العموم برده إبقى اسألنا على المنطقة الصناعية في مجال صناعي
