مشروع صغير لتعبئة كريمات ومراهم من شركة المهندس منسي

العميل : سلام عليكم.

المهندس منسي : عليكم السلام ورحمة الله وبركاته.

العميل : شركة المهندس منسي؟

المهندس منسي : أيوه.

العميل : والله يا فندم أنا الدكتور أحمد عبد الحليم من شركة إنترفارم كنت عايز أسأل عن حاجة كده.

المهندس منسي : آه اتفضل.

العميل : كنت بسأل عن ماكينة تحضير الكريمات والمراهم.

المهندس منسي : عندنا… الميكسر بتاعتها يعني؟

العميل : آه الميكسر اللي هي الأويل فيل والووتر فيل والميكسر بتاعها.

المهندس منسي : آه موجودة آه.

العميل : تصنيع محلي طبعاً.

المهندس منسي : إن شاء الله.

العميل : طب هوه عامله كام سعرها؟ وأعرف مواصفات أو أراسلكم إزاي يعني؟ كنت عايز أعرف شويه معلومات يعني.

المهندس منسي : ثمنها 6 آلاف.

العميل : 6 آلاف.

المهندس منسي : آه.

العميل : لا أنا بتكلم في واحدة نص طن كبيرة.

المهندس منسي : 6 آلاف جنيه مصري، لو عايز 1.5 طن تعملها في حدود…

العميل : لأ 500كم نص طن يعني كريمات أدوية.

المهندس منسي : آه… في طريقتين… في 3 طرق، طريقة سمبل جاكت، وطريقة الدابل جاكت

العميل : لا يا باشا، الدابل جاكت وفاكيوم وكده يعني.

المهندس منسي : آه  تعمل 33 ألف.

العميل : 33 ؟

المهندس منسي : آه.

العميل : عايزين يجيلنا عرض رسمي بكل التفاصيل وإمكانياتها بالتفصيل؟

المهندس منسي : عرض… ما تنطلعش عروض إلا بناء على جدية التعامل، يعني حضرتك بتبعتلنا فلوس….

العميل : آه..

المهندس منسي : إنما ما بطلعش عروض كده يعني.

العميل : لكن هي كده حضرتك بتتكلم عليها الدابل جاكيت وفاكيوم.

المهندس منسي : آه.

العميل : اللي هوه الأكياس، كريمات دوائية يعني.

المهندس منسي : آه.. فيها فاكيوم، وفيها تعبئة تحت تأثير الفاكيوم، وفيها دابل جاكت، بين الدابل الجاكت والدابل جاكت حوالي 15 سم….

العميل : تسخين ولا إيه؟

المهندس منسي : آه… سلوك تسخين جوه مياه أو زيت.

العميل : تمام.. استانلس 316 بره وجوه ولا…

المهندس منسي : لا 304، أما لو طلبتها إنت استانلس 316 نعملها لك 316.

العميل : آه ما أنا بتكلم أصل علي 316

المهندس منسي : آه.. والغطا بتاعها هيدروليك ولا كهربا

العميل : هيدروليك؟

المهندس منسي : لا.

العميل : كهرباء؟ طب الاستانلس 316 تعمل كام برده

المهندس منسي : مش هتفرق كتير، هتفرق حوالي ألف ألفين .

العميل : ، يعني مثلاً حوالي 33 يعني.

المهندس منسي : ما إحنا قولنا 33…

العميل : آه.. 34 يعني.

المهندس منسي : وممكن تزيد ألف تبقى 35.

العميل :35… خلاص ماشي يا فندم، ربنا ييسر كده…

المهندس منسي : ماشي يا باشا

العميل : شكراً، سلام.

المهندس منسي : سلام