مكاينة غليان سينجل ودابل من شركة المهندس منسى

العميل: السلام عليكم

المهندس منسى: عليكم السلام ورحمة الله وبركاته

العميل: باش مهندس المنسي

المهندس منسى: أيوه

العميل: إزي حضرتك يا فندم

المهندس منسى: أهلاً بيك

العميل: والله أنا كنت جبت رقم حضرتك الواتس من على النت، معايا

المهندس منسى: معاك يا غالي

العميل: طيب أنا كنت محتاج… أنا بصنع ثاني أكسيد التيتانيوم لو حضرتك عندك خلفية عنه

المهندس منسى: آه

العميل: تيتانيوم أكسيد، تمام

المهندس منسى: عارفه آه

العميل: آه… فكنت عايز جهاز تبخير غليان وأبخر نسبة حوالي 80% من المحلول، بحيث إن التيتانيوم يترسب، ومحتاج برده جهاز لتكثيفه

المهندس منسى: إنت عايز مثلاً خلاط على السخن مثلاً؟

العميل: نعم؟

المهندس منسى: عايز خلاط على السخن دبل جاكت؟

العميل: الصوت بعيد قوي يا باش مهندس

المهندس منسى: ما هو عشان أنا بره مصر بس

العميل: آه… طب أستنظر حضرتك لما تيجي مصر؟،ألو…

المهندس منسى: أيوه معاك

العميل: أيوه يا فندم، مع حضرتك يا باش مهندس

المهندس منسى: أيوه يا غالي

العميل: أيوه يا باش مهندس، بقول لحضرتك كنت محتاج أغلي بحيث إن أنا أبخر نسبة حوالي 80% من المحلول، وفي نفس الوقت برده محتاج جهاز أو آلة تكثيف بحيث إن أنا أجفف المسحوق اللي نزل عندي

المهندس منسى: هوه إحنا ممكن نعملك جهاز يبقى دبل جاكت، بحيث اللي جوه سخن واللي بره بارد، يسخنلك المحلول بتاعتك بحيث إنك لو عايز تسيبه فترة سخن، يحافظ عليه…

العميل: لأ أنا مش محتاج إني أسيبه فترة سخن، أنا محتاج إن أنا أبخر نسبة… أبخر نسبة 80% من كمية المحلول

المهندس منسى: ماهو إنت لو سبته سخن هيتبخر

العميل: أيوه تمام، وبعد كده المسحوق اللي بيترسب عندي ببقى عايز أغسله وأجففه

هوه مش بيبقى حجارة ويطحن؟

المهندس منسى: لا.. لا.. لا… ده هوه حضرتك مثلاً من مادة الريسايل أو المايد، ببدأ أدوبه في حمض كبريتيك وأحوله لمحلول، وبعد ما أحوله لمحلول أفلتر المحلول وأبدأ أغلي بيترسب وبعد كده… لا ده استخلاص مش طحن والكلام ده كله فاضي

العميل: ماشي…،ربنا يوفق، أنا ممكن أقول لحضرتك على حاجة، حضرتك هتيجي مصر إمتى يا فندم؟

المهندس منسى: يوم الجمعة

العميل: يوم الجمعة الجايه، يعني بعد بكرة

المهندس منسى: إن شاء الله

العميل: طب أنا ممكن أجيب مثلاً لحضرتك لتر وأوري حضرتك الأجهزة اللي أنا محتاجها؟

المهندس منسى: إن شاء الله

العميل: طيب تمام.. أكلم حضرتك على يوم السبت كده تكون حضرتك جيت بالسلامة واستريحت يوم، أو أكلمك يوم الحد؟

المهندس منسى: إن شاء الله

العميل: ماشي يا فندم شكراً لحضرتك يا باش مهندس، شكراً، اتفضل