مكبس ضغط غطيان الزجاجات من شركة المهندس منسي

العميل : سلام عليكم.ألو.

المهندس منسي : أيوه.

العميل : سلام عليكم.حضرتك معايا لا مآخذة يا باشا المهندس منسي.

المهندس منسي : أيوه معاك.

العميل : حضرتك عندكم شركة الغطيان بتاعت الزجاجات والحاجات دي طبعاً؟

المهندس منسي : آه.

العميل : طيب كنا عايزين نسأل على طلب معين مش عارف نلاقيه عند حضرتك ولا لأ.

المهندس منسي : اتفضل.

العميل : في المكبس اللي بيطغط الغطاء اللي هوه زي الكوكاكولا والبيبسي.

المهندس منسي : آه.

العميل : طب ده عند حضرتك نلاقيه ولا مش  جاهز ولا إيه.

المهندس منسي : آه بنجيبه آه.

العميل : طب كام ده يا باشا يعمل لو يدوي مش آلي طبعاً عارف أنا الآلي غالي.

المهندس منسي : مابنجبش اليدوي.

العميل : طب أقل حاجة عند حضرتك تعمل كام ده لو آلي يعني؟

المهندس منسي : هقولك…

العميل : ماشي يا باشا

المهندس منسي : حوالي 700 .

العميل : 700؟

المهندس منسي : آه.

العميل : طب يساوي إيه.. حضرتك 700 ..طب اضربهولي كده شوفه يعمل كام مصري يعني.

المهندس منسي : النهاردة ال عامل كام، بـ9.5 تقريباً قول 9.

العميل : قول 9 أو 10 مش هندقق كتير في الفرق.

المهندس منسي : آه قول 9 يبقى 9 × 700 يعني يعمل حوالي 6300.

العميل : كام يا باشا.

المهندس منسي : يعمل حوالي 6300.

العميل : لا يعمل كتير يا باشا إزاي حضرتك بتقول مش عارف 700 .ده 700 في 10 بـ 70 ألف يا باشا ده كده 60 ألف و….

المهندس منسي : لا إنت تحسب براحتك أنا بقولك 6300 جنيه مصري.

العميل : 6300 ؟

المهندس منسي : آه جنيه مصري.

العميل : 6300 مصري.طب بعد إذن حضرتك الآلي بالنسبة للغطا ماشي عرفنا المكبس كده، طب بالنسبة للغطيان هنلاقيها عند حضرتك دي ولا دي ليها مصدر تاني؟

المهندس منسي : لا ليها عندنا برده.

العميل : طب نوع الغطا بعد إذنك معلش أنا هتعب حضرتك، نوع الغطا لو نوع معين هنلاقيه ولا….

المهندس منسي : طبعاً.

العميل : ولا في حاجات معينة شغالين فيها؟

المهندس منسي : طبعاً.

العميل : لو حاجة مثلاً مماثلة لغطا بيبسي أو غطا كوكاكولا هنقدر نجيبه الطلب ده.

المهندس منسي : آه.. تقدر تجيبه آه، عاتلي الغطا اللي إنت عايزه وأنا هجيبهولك.

العميل : ماشي يا باشا، معلش أنا ابني جابه من على النت اللي هوه الرقم بتاعك، أنا كنت مكلم واحد من عندكم في مصر بس أنا معرفتش صراحة أتفاهم معاه لأن هوه قافش في الكلام كده فماتفهمتش معاه، هوه قالي إن في مكبس يدوي بـ 500 جنيه والحكاية دي، أنا معرفش هجيلك عند حضرتك عندك ولا هنشوف ولا نتفاهم إزاي؟

المهندس منسي : والله براحتك، دي أو دي براحتك.

العميل : ما فيش مشكلة، طب حضرتك عندكم معرض مثلاً في مصر ورشة ولا أي حاجة ممكن آجي أنا أشوف….

المهندس منسي : آه عندنا آه… عندنا في القاهرة 3 4 معارض.

العميل : طب أقرب مكان لو أنا نازل في رمسيس مثلاً.

المهندس منسي : باب الشعرية.

العميل : طب معروف اسم المعرض أنا أسال عليه تبع حضرتك ولا إيه…

المهندس منسي : طبعاً… إزاي بقى معروف طبعاً ولينا اسمنا…

العميل : معلش يا باشا أنا آسف إن أنا بستفسر من البداية يعني.

المهندس منسي : لا دي شركة كبيرة ولها فروع كتير.

العميل : طب أنا لو نزلت روحت باب الشعرية أسأل على إيه بالضبط يعني معرض إيه؟

المهندس منسي : هبعتلك العنوان في رسالة حالاً.

العميل : خلاص ماشي هو يخش على الموقع بتاع حضرتك ويعرف الموضوع ده.

المهندس منسي : لا ده أنا هبعتلك المكان العنوان بتاعنا…

العميل : معلش بارك الله فيك وأنا هتصرف وآجي لحضرتك.

المهندس منسي : ماشي يا غالي.

العميل : ماشي متشكر يا سعادة الباشا شكراً.