مكنة ألتراسونيك لحام بالموجات من شركة المهندس منسى
العميل : السلام عليكم
المهندس منسى : عليكم السلام ورحمة الله وبركاته
العميل : شركة إم تو باك
المهندس منسى : أيوه
العميل : كنت بسأل على مكنة بتاعت التيوب.. اللي هي زي بتاعت كريم أساس حاجات زي كده
المهندس منسى : ماشي تحت الأمر
العميل : موجودة يعني؟
المهندس منسى : إن شاء الله
العميل : عامله كام؟
المهندس منسى : هوه اللي عندنا ألتراسونيك بتلحم بالموجات مش بتلحم بالحرارة، فيستحسن إن حضرتك تيجي تتفرج عليها على الطبيعة لأنه ما ينفعش إنت تقول دي عاملة كام؟ إنت تيجي تبص عليها وتشوف الإمكانيات بتاعتها
العميل : أنا بشوف السعر عامل في حدود كام؟ عشان أحدد إمكانيتي للمشروع ذات نفسه
المهندس منسى : أصل هوه ديت ألتراسونيك اللي هي لو إنت لحمتها حراري اللحام الحراري في البلاستيك ما ينفعش، بيهلك كتير قوي، فإحنا بنلحم بألتراسونيك عشان كده بتبقى فيها سنة غلو يعني
العميل : عامله كام طيب؟
المهندس منسى : عامله
العميل : آه… طب مافيش حاجات أقل من كده أصل أنا لسه ببدأ مشروع
المهندس منسى : أصل هوه ده الصح بتاعها، يعني لو تسمع نصيحتي هوه ده الصح بتاعها
العميل : طيب، المقر بتاع حضرتك فين آجي أتفرج عليها؟
المهندس منسى : إحنا عندنا حدائق القبة، مدينة نصر، باب الشعرية، 6 أكتوبر
العميل : المكان اللي موجود فيه المكنة؟
المهندس منسى : كله موجود فيه المكنة
العميل : ماشي الأقرب ليا باب الشعرية
المهندس منسى : هبعتهولك حالاً
العميل : ماشي يا باشا، سلام
