مكنة البرشمة عنق الزجاجة البلاستيك من شركة المهندس منسى

العميل : السلام عليكم

المهندس منسى : وعليكم السلام

العميل : إزي حضرتك يا باش مهندس

المهندس منسى : الحمد لله

العميل : مع حضرتك المهندس جمال من إسماعيلية

المهندس منسى : أهلاً وسهلاً

العميل : يا أهلاً بحضرتك، أنا بس كنت عايز أزور حضرتك في الشركة عند حضرتك أشوف الحاجات اللي تلزمنا من اللي هوه المكن اللي بيغلف اللي بيرشم برطمانات بتاعت عسل، بتاعت طحينة كده

المهندس منسى : آه موجود

العميل : طيب بتعمل كام اللي بترشم البرطمانات ديت اللي بترشمها البرشام الداخلي دوت؟

المهندس منسى : بتعمل يعني 7200 جنيه مصري

العميل : ده دي حجمها صغير خالص تحط فيها الورقة وتحط على البرطمان أو الحاجة وتقفلها

المهندس منسى : يبقى حضرتك بتتكلم على حاجة وأنا بتكلم على حاجة، أنا بتكلم على مكنة البرشمة بتاعت العنق اللي فوق، مش كده؟

العميل : أنا عبيت البرطمان أنا، بدل ما أحط الغطا الأحمر الكبير عليه دوت، بحط المهندس منسى : العازل بين البرطمان ده

العميل : آه.. إنت قصدك برشمة عنق العبوة عشان النمل والحشرات ما تخشش جوه

المهندس منسى : الله يفتح عليك آه.. دي مكنة موجودة برده

العميل : دي بتعمل كام يا باشا؟

المهندس منسى : بتعمل بتبدأ من ، يعني 3600 جنيه

العميل : بتبدأ، هي في معصرة في أبو كبير بتاعت صحابنا يعني همه اللي إدوني رقم حضرتك

المهندس منسى : ده شرف كبير ليا

العميل : الله يعزك إحنا اللي لينا الشرف بيك والله، فكنت عنده زيارة وهوه بيغلف الطحينة كده بيحط عليها الورقة بعد ما يعبي برطمان الطحينة بيحط عليه اللي هي الورقة الفاصل بين الغطا والبرطمان كده، حاجة بقفل الغطا بتقفل عليه

المهندس منسى : آه الورق الألومنيا آه

العميل : الألومنيا أيوه دي المكنة دي بتعمل كام يا باش مهندس؟

المهندس منسى : في مكنة بتعمل … يعني مش كله، حضرتك شرفنا بالزيارة وهات العبوات عشان تجربها وشوفها على الطبيعة

العميل : ده كلام جميل جداً، طيب ياغالي، أشوف حضرتك بألف خير إن شاء الله ولينا زيارة عند حضرتك

المهندس منسى : إن شاء الله، هبعتلك العنوان دلوقتي

العميل : طيب يا فندم، شاكر أفضالك