مكنة الفاكيوم المنزلية من شركة المهندس منسي

 

العميل : سلام عليكم.

المهندس منسي : عليكم السلام ورحمة الله وبركاته

العميل : شركة المنسي.

المهندس منسي : أيوه.

العميل : أيوه يا فندم معدكمش رقم 011 اتصال؟

المهندس منسي : لا والله.

العميل : طيب ماشي.. بعد إذنك أنا كنت شفت على النت مكنة الفاكيوم المنزلية.

المهندس منسي : آه.

العميل : بكام يا فندم المكنة المنزلية؟

المهندس منسي : بـ 100 .

العميل : بـ 100 ..طيب معلش استهلاكها يسوي أد إيه؟ يعني الممكن الواحد يحطها يعمل منها كام كيس في اليوم يعني، متوسط أد إيه؟

المهندس منسي : بص خش على الإنترنت اكتب فاكيوم منزلية المهندس منسي.

العميل : ماشي ما أنا شوفتها…

المهندس منسي : ما هوه أنا مش هحفظ كل حاجة، فأنت خش على النت هتلاقي كل حاجة موجودة قدامك، حتى هتلاقي في فيديوهات ليها وكل حاجة.

العميل : ماشي ما بقولك استخدام، يعني هتستحمل معايا كام كيس، يعني هاعمل كام كيس في اليوم بتاعت المنزلية، وإيه الفرق ما بينها وبين النص أتوماتيك؟

المهندس منسي : طب ممكن ساعة كده وتكلمني.

العميل : طيب ماشي.. طيب مافيش حد في المبيعات طيب أكلمه غير حضرتك؟

المهندس منسي : هبعتلك المبيعات دلوقتي حالاً.

العميل : طيب ماشي يا فندم اديني رقمهم طيب.

المهندس منسي : هبعتهولك في رسالة.

العميل : طيب ماشي، شكراً يا فندم.

المهندس منسي : سلام عليكم، مع السلامة.