مكنة الفاكيوم من شركة المهندس منسي

العميل: سلام عليكم.

المهندس منسي: عليكم السلام ورحمة الله وبركاته

العميل: إزيك يا باش مهندس.

المهندس منسي: أهلاً بيك.

العميل: إزي صحتك.

المهندس منسي: الحمد لله.

العميل: عمرو الموان معاك يا باشا.

المهندس منسي: أهلاً بيك يا عم عمرو.

العميل: إزيك يا باشا عامل إيه أخبار، صحتك عاملة إيه؟

المهندس منسي: الحمد لله نحمد ربنا ونشكر فضله.

العميل: بقول لحضرتك يا باشا كان في مكنة محتاجها إنت عارف حضرتك مكنة الفاكيوم.

المهندس منسي: آه.

العميل: محتاجها عاوزها إيه أدخل البكرة بحيث تشفط وتقطعلي.

المهندس منسي: لا هوه الموجود دلوقتي نص أتوماتيك بدخل البكرة بتشفط وإنت بتقطع بالكتر، أما التانية ممكن نعملها لك بالطلب.

العميل: ما أنا عاوزها بالطلب، أجيلك إمتى ونقعد ونشوف تتكلف كام.

المهندس منسي: بتتكلف التانية في حدود 2.

العميل: كام.

المهندس منسي: 25000، أما اللي بتشفط بس دي بتتكلف .

العميل: آه…

المهندس منسي: أما اللي بتشفط وبعد ما بتشفط بتقطعلك الحته دي بتتكلف 2.

العميل: آه.

المهندس منسي: غالية.

العميل: طب دي ما نعرفش نعمل المقص دهو ملمس التقطيع ده يدوي في مصر هنا يا باشا؟

المهندس منسي: هنا كل حاجة نعرف نعملها بس نعرف نعملها كلام..قولهم كده عايز أعمل مفاعل نووي.

العميل: هقولك يا باشا ..لا أصل إن الجماعة دول عندهم مكنة الشفط عادي، هم المشكلة كلها فإن الإنتاجية بتاعتهم ضعيفة فعاوزين يقطعوه، فعاوز هوه يدخل على طول تقطع بدل ما يقطع على بانش..لا هوه عايز التقطيع عدل.

المهندس منسي: آه.. لا ده كمان عايز يقطع قطع.

العميل: آه

المهندس منسي: لا ددي بتعملها في حدود على الأقل 4..أنا بحسب عاوز يقطع الشفطة.

العميل: لا لا..طيب إنت موجود في المكتب إمتى يا باشا يوم السبت.

المهندس منسي: أنا موجود دايماً، يوم السبت ببقى في الفرع بتاع مدينة نصر.

العميل: ويوم الأحد.

المهندس منسي: عادي ببقى موجود عادي.

العميل: في باب الشعرية.

المهندس منسي: إن شاء الله.

العميل: ماشي يا باشا مع السلامة.