مكنة بتعبي سوائل نص أتوماتيك و أتوماتيك من شركة المهندس منسي
العميل :سلام عليكم
المهندس منسي :عليكم السلام ورحمة الله وبركاته
العميل :شركة المهندس منسي
المهندس منسي :إن شاء الله
العميل :إزيك يا باشا
المهندس منسي :الحمد لله
العميل :إحنا عايزين مكنة 2 نزل من العادي النص أتوماتيك
المهندس منسي :آه
العميل :اللي هي شفط من القادوس
المهندس منسي :هتعبي إيه؟
العميل :زيت
المهندس منسي :ماشي موجودة آه
العميل :اللي هي بكام حضرتك بقى
المهندس منسي :بـ 12000
العميل :بس إحنا عايزينها بسعر مناسب يعني
المهندس منسي :إنت عايزها 2 نزل ولا 1 نزل؟
العميل :2
المهندس منسي :بـ 12000
العميل :طيب يعني نيجي نخدوها.. اللي هي شفط؟
المهندس منسي :آه شفط وطرد آه
العميل :طيب والأتوماتيك؟
المهندس منسي :بتعمل 48000
العميل :يعني ممكن تدينا لو خدنا الأتوماتيك تدينا نصها مثلاً 25 ـ 30 ألف ونقسط الباقي؟
المهندس منسي :ممكن تاخد دلوقتي النص أتوماتيك، وبعد كده لما ربنا ييسر الأمور أخليهالك أتوماتيك كامله، ترجعها تاني، ترجعها لي تاني أعدلهالك وأخليهالك أتوماتيك كاملة
العميل :يعني ممكن؟
المهندس منسي :آه ممكن، وممكن كمان تاخد 2 نص أتوماتيك، يعني إنت خدت واحدة نص أتوماتيك 2 نزل، تاخد كمان واحدة نص أتوماتيك 2 نزل، بقى كده عندك 4 نزل، يعني 4 فتحات
العميل :أيوه
المهندس منسي :ربنا ييسرلك أمورك ترجع تاني ترجعهوملي واخد بالك، أعملهوملك أتوماتيك كاملة
العميل :4
المهندس منسي : 4 نزل آه
العميل :ده كويس، يعني الـ 2 نزل شفط بـ 12000
المهندس منسي :آه…
العميل :طب نوعها إيه حضرتك يعني؟
المهندس منسي :إحنا براند، إحنا ماركة، إحنا مش بنتاجر إحنا بنصنع
العميل :بتصنعوا؟
المهندس منسي :آه يعني إحنا بنجيب قطع الغيار من بره، هوه السياسة العالمية دلوقتي حاجة اسمها انتراكشن ماشين، واخد بالك
العميل :أيوه… أيوه…
المهندس منسي :فالسياسة العالمية دلوقتي بقيت إيه بناية المكنة، إن إحنا نبني المكنة، يعني بنجيب قطع الغيار من بره بقت مكنة
العميل :بتجمعها في مصر هنا
المهندس منسي :آه التجميع مصري ماشي، إحنا ما نقدرش نعمل غير إن إحنا نجمع، الحمد لله إن إحنا جمعنا
العميل :طيب ماشي إن شاء الله أنا هنزورك، أنا في البلد قبل ما أجيلك هتصل على حضرتك
العميل :الشفط دي دواستين ولا دواسة واحدة؟
المهندس منسي :دواسة واحدة
العميل :أصل أنا شفت مكنة فيها دواستين
المهندس منسي :لو عايز نعملهالك دواستين يبقى هتاخد مكنتين 1 نزل و 1 نزل وتركبهم في بعض يبقوا دواستين، إنت محتاج الدواستين في حاجة
العميل :لأ أبداً
المهندس منسي :هي دواسة واحدة على الـ 2، ولا إنت عايز تلبخ نفسك
العميل :لا.. لا عادي.. عادي، طيب إن شاء الله هنيجي ناخدها من حضرتك
المهندس منسي :تحت أمرك يا غالي
العميل :طب مافيش خصم كده 5% ولا حاجة؟
المهندس منسي :إحنا شركة عالمية مش شركة مصرية بس، إحنا شركة على مستوى العالم، إحنا شركة كبيرة
العميل :الله يقويكم.. الله يقويكم…
المهندس منسي :ما ينفعش في الشركات الكبيرة خصومات
العميل :الله يقويكم يا باش مهندس.. الله يقويكم… إن شاء الله هاجي لحضرتك وقبل ما آجي لحضرتك هتصل عليك أقولك إن أنا جاي
المهندس منسي :إن شاء الله
العميل :ماشي يا باشا مع السلامة
المهندس منسي :مع السلامة
