مكنة برشمة الزجاجات بطبقه الومنيا من شركة المهندس منسي
العميل: سلام عليكم.
المهندس منسي: عليكم السلام ورحمة الله وبركاته.
العميل: شركة المهندس منسي.
المهندس منسي: أيوه اتفضل.
العميل: أنا كنت بحاول يا فندم أتواصل مع الرقم التاني فقولت أجرب الرقم دوت محدش رد عليا..في رقم تاني معايا يا فندم 012
المهندس منسي: طيب اتفضل.
العميل: بص أنا كنت بسأل على مكنة برشام الأزايز حد قالي إن هي موجودة عندكم.
المهندس منسي: إن شاء الله.
العميل: بس كنت عايز أعرف هي موجودة بكام وضمان إيه وهل في منها حاجات كواليتي مختلفة مثلاً ولا حاجة؟
المهندس منسي: نعرف بس البرشامة اللي حضرتك عايزها إيه، في برشامة كتير قوي، في برشامة على بق العلبة زي إزازة المياه المعدنية، وفي برشامة تانية اللي هي طبقة ألومنيا…
العميل: أيوه هي دي.
المهندس منسي: طبقة ألومنيا آه، طبقة الألومنيا فيها حاجة هي بتبدأ من .
العميل: تمام، هي بال يعني أنا بشتريها منك بال؟
المهندس منسي: لا هو مش بال أنا بديلك سعر عشان خاطر لمصلحتك إنت، بديلك بال لمصلحتك إنت لأن إنت ممكن من هتشتري دلوقتي معايا.
العميل: آه تمام.
المهندس منسي: ممكن من هتشتري دلوقتي ولكن إنت بتعرف سعر فنتكون الفلوس وتيجي تقولي أنا جاهز تبيع، أقولك ده غليت..ليه لأن الجنيه عمال بينزل، وإحنا كل شغلنا بال.
العميل: آه تمام.
المهندس منسي: فإنت تعمل إيه بقى تعمل حسبتك آه ، النهاردة ال مثلاً بـ 9 جنيه يبقى هي سعرها كذا…
العميل: طيب يا فندم حضرتك قولت إن هي بتبدأ من 200، طب يعني الحاجة الكويسة منها…
المهندس منسي: آه في حاجة بـ وفي حاجة بـ 330 .
العميل: والفرق؟
المهندس منسي: الفرق بين دي وبين دي إن أم 330 دي الأوبشن بتاعها إنها بتعد الأزايز اللي تعملت، فيها حاجة اسمها زمن تعريض، زمن تعريض لغاية 9.9 فيها أوبشن إن المياه لما تيجي من تحتها ما تعملش أي تشوك، فيها حاجات كتير قوي…كل اللي في السوق أم ، عشان تريح دماغك، كل في السوق أم .
العميل: تمام…
المهندس منسي: إحنا مهندسين ولسنا تجار فهتلاقي عندنا الكلام ناشف شوية مش هتلاقي ناعم.
العميل: تمام… يا فندم على فكرة أنا مهندس وبرده لما بتعامل مع ناس أسعار وأرقام برده بتعامل بنفس الأسلوب اللي حضرتك بتتكلم بيه.
العميل: آه.. آه.
المهندس منسي: أصل بصراحة مش لازم نفاصل والكلام ده بيتعبنا نفسياً…نعرف إن إنتم….، سيبونا نعرف نشوف شغلنا..الحاجة بقرش تساوي قرش، بقرشين أنا عارف مكسبي إيه والدنيا أصلاً واقفة على الكل والقصة دي كلها فالموضوع مش مستاهل أصلاً…يا إحنا نتمنى إنها تنزل كلها ببلاش وسعرها…
العميل: يا ريت..بس هي المشكلة إن ال عمال يطلع يطلع يطلع والجنيه عمال ينزل ينزل ينزل.
المهندس منسي: بالضبط، ربنا يوفق إن شاء الله خير.
العميل: طب يا فندم معلش حضرتك قولتلي زمن التعريض بتاع، أنا مش فاهم إيه الخاصية دي.
المهندس منسي: زمن التعريض إزاي، في حاجة وإنت بتنزل وإنت بتحط العبوة بتاعتك في حاجة اسمها زمن تعريض، زمن التعريض دوت هتلاقي في كل المكن موجود بديلك 3 بس، الميزة بقى اللي في المكنة دي إن دي فيها 9.9 ده رقم 1، زمن التعريض هي دي مثلاً إن إنت بتحط الحاجة تحت أشعة الإندكشن، تحت موجات الإندكشن، لكن ممكن يجيلك أوقات طبة الطبة ديت أساساً تكون مش بتلحم إلا على زمن تعريض أعلى.
العميل: تمام..
المهندس منسي: الميزة بقى والأوبشن اللي في المكنة دي الأعلى بقى والأجمل إن فيها حاجة اسمها موجات انتشارية.
العميل: تمام.
المهندس منسي: موجات انتشارية يعني إيه، يعني ممكن ما تلامسش بق العبوة وتلاقيها تلحمت.
العميل: آه.. آه.. تمام.
المهندس منسي: فهمتني إزاي.
العميل: تقدر تلحم عن بعد.
المهندس منسي: آه.
العميل: تمام.. طب يا فندم هي مساحتها أد إيه، يعني أنا لو عايز أحطها في مكان تاخد مساحة أد إيه؟
المهندس منسي: لا ده على طول تحطها على الترابيزة.
العميل: يعني هي طولها أبعادها أد إيه، طولها عرضها.
المهندس منسي: أحاول أشوفهولك، كويس إن أنا دلوقتي على الكمبيوتر أشوفلك أبعادها حاضر..48سم × 40سم × ارتفاع 19سم.
العميل: 19ده اللي أنا بحط الإزازة تحتها؟
المهندس منسي: لا ما هوه فيها ليها يد، اليد دي هي اللي بتلحم مش المكنة، أنا بقولك كده على أبعاد المكنة نفسها.
العميل: آه تمام.. بس دي بتلحم أي نوع من أنواع الأزايز البلاستيك أو كده.
المهندس منسي: أوردي كمان إحنا عندنا الأزايز البلاستيك، وأوردي كمان إحنا عندنا الطبات..يعني لو احتجت….
العميل: من اللي هوه الألومنيوم؟
المهندس منسي: يعني كمان إن إحنا ملتزمين إن إحنا نقدملك كمان الطبات ونقدملك كل حاجة ما تقلقش.
العميل: طيب خير، طيب يا فندم معلش عفواً أزور المكان بس أبص على الحاجة ديت.
المهندس منسي: آه.. إحنا عندنا باب الشعرية، حدائق القبة، مدينة نصر.
العميل: أنا بكرة هكون موجود في مدينة نصر إن شاء الله يا فندم.
المهندس منسي: هبعتلك الداتا بتاعت مدينة نصر دلوقتي واتعامل معاهم.
العميل: وأتواصل معاهم، خلاص ماشي متشكر جداً يا فندم…أستأذنك باب الشعرية ممكن باب الشعرية كمان بعد إذنك لو ينفع يعني؟
المهندس منسي: حاضر.
العميل: متشكر جداً يا فندم، شكراً جزاك الله خيراً، سلام عليكم.
