مكنة تشكيل كوبايات الزبادي من شركة المهندس منسي

العميل : سلام عليكم

مهندس منسي : عليكم السلام ورحمة الله وبركاته

العميل : المهندس منسي

مهندس منسي : أيوه

العميل : إزي حضرتك يا باش مهندس، كل سنة وإنت طيب

مهندس منسي : كل سنة وإنت طيب يا غالي

العميل : محمد حماد مع حضرتك

مهندس منسي : أهلاً بيك

العميل : ربنا يخليك يا رب، كنت بتصل أسأل على المكن اللي بيعمل كوبايات الزبادي وعلب الكشري والحاجات دي

مهندس منسي : بص هوه أنا تخصصي مكن التعبئة والتغليف، أما بالنسبة للمكن اللي بيصنع الحاجات دي إحنا عندنا مكنة بسيطة بتعمل كوبايات لغاية 5 سم ارتفاع

العميل : تمام… اللي هي تعتبر كوباية الشاي البلاستيك

مهندس منسي : آه ممكن آه لغاية 5 سم ارتفاع، أكتر من كده مكنة اسمها تريموفونينج آند بلاي، المكنة دي مش تخش تحت بند التعبئة والتغليف، فدي حضرتك بص هوه أنا تخصصي مكن التعبئة والتغليف، أي مكن تاني حضرتك هتراسل الشركة فيها على الإيميل هيرد عليك فريق المراسلات في خلال من 48 ساعة ـ لأسبوع

مهندس منسي : أما حضرتك لو عايز تستفسر عن المكنة بتاعت الكوبايات البلاستيك لغاية 5 سم استفسر

العميل : طب العرض بتاع الكوباية بيختلف، يعني مثلاً كوباية الزبادي غير كوباية الشاي، واخد بال حضرتك؟

مهندس منسي : لا مش مشكلة، وبتعمل السلطانيات، وبتعمل علب الحلويات، وبتعمل أشكال بتاع مستحضرات التجميل، وبتعمل أشكال برده اللي بتغلف ، وبتعمل حاجات كتيرة قوي

العميل : تمام…

مهندس منسي : يعني غير إنها بتصنع الكوبايات وبتصنع سلطانيات، برده بتغلف

العميل : طيب المكنة دي بتعمل كام يا باش مهندس؟

مهندس منسي : يعني 15000 جنيه مصري

العميل : تمام… طيب دي موجودة عند حضرتك ولا…؟

مهندس منسي : آه موجودة بضاعة حاضرة

العميل : طيب إنتوا هتنزلوا الشغل إمتى إن شاء الله؟

مهندس منسي : يوم السبت

العميل : حضرتك في المكتب بتاع مدينة نصر؟

مهندس منسي : أنا بالنسبة أنا استشاري بس، هبعتلك تليفون المبيعات وإنت كلمهم، إنت بتتعامل حدائق القبة، ولا مدينة نصر، ولا باب الشعرية؟

العميل : لا مدينة نصر

مهندس منسي : طب خلاص معاك تليفونه يعني؟

العميل : إنت كنت مديهولي قبل كده بس أنا ما سجلتوش بصراحة، أستأذنك لو تقدر تبعتهولي

مهندس منسي : إنت كده بتزعلني، بنحس كده بعدم الاهتمام يعني

العميل : لا والله.. والله أبداً ده الأولاد بس كانوا لعبوا على الموبايل وكان في حاجات رسايل اتمسحت ورسايل لأ

مهندس منسي : لا ربنا يخليهم لك، أنا هبعتلك…

العميل : كتر خيرك يا فندم، ماشي يا ريس، شاكر أفضالك

مهندس منسي : العفو يا باشا

العميل : شكراً يا باش مهندس، الله يخليك يا رب، مع السلامة