مكنة تصنيع الجيل نص اتوماتيك من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: المهندس منسي
المهندس منسي: أيوه
العميل: كنت بستفسر عن مكنة تصنيع الجيل نص أتوماتيك، تصنيع وتعبئة دي
المهندس منسي: هوه تصنيع بيبقى ميكسر، والتعبئة مكنة تعبئة
العميل: تمام.. طيب دي لوحدها ودي لوحدها ولا الـ 2 بيبقوا مع بعض يعني
المهندس منسي: لأ دي لوحدها ودي لوحدها، لو عايز يندمجوا مع بعض مافيهاش مشكلة
العميل: تمام.. طب أنا كنت عايز أستفسر عن السعر بكام؟
المهندس منسي: هوه بيبقى حسب الطاقة الإنتاجية، يعني مثلاً في الميكسر في 100 كيلو، وفي 150، وفي 250…
العميل: تمام… طب الـ 100 والـ 150 سعرهم كام؟
المهندس منسي: دي صدقني مش معايا سعر دلوقتي، ممكن تراسلهم على الميل أو أبعتلك رسالة…
العميل: تمام.. ماشي أوكيه هنتظر من حضرتك رسالة فيها الأسعار
المهندس منسي: يفضل إن حضرتك تروح تعاين البضاعة بنفسك، أفضل يعني من إنت تتكلم في التليفون
العميل: ماشي..
المهندس منسي: دي بضاعة حاضرة
العميل: أيوه.. أيوه
المهندس منسي: فيستحسن تروح تشوفها وتعاين بنفسك وتشوف المكن وتشوف إمكانياته وكل حاجة هتلاقي الدنيا أحسن من كده بكتير
العميل: خلاص أصل كنت بعمل ميزانية كده عشان خاطر أبتدي، دراسة جدوى وكده عشان المشروع وكده فكنت عايز أعرف الأسعار، فهروح أنا عرفت العنوان اللي هوه في باب الشعرية ورا قسم باب الشعرية على طول
المهندس منسي: أيوه ورا رئاسة حي باب الشعرية
العميل: خلاص ماشي أوكيه، هو حضرتك بتبقوا فاتحين من الساعة كام لكام؟
المهندس منسي: من 11-9
العميل: تمام… خلاص ماشي أوكيه
المهندس منسي: مع السلامة
العميل: شكراً
