مكنة تصنيع الطحينة من شركة المهندس منسي

العميل: السلام عليكم

المهندس منسي: وعليكم السلام

العميل: إزيك يا باش مهندس

المهندس منسي: أهلاً بيك

العميل: لو سمحت كنت بتصل أسأل على مكنة الطحينة بتاعت السمسم

المهندس منسي: المكنة اللي تصنع الطحينة يعني

العميل: آه

المهندس منسي: إحنا عملنا مكنة كده بسيطة ماكينة صغيرة يعني

العميل: تمام… ما هو أنا بدور على المكنة دي

المهندس منسي: المكنة دي بتعمل

العميل: التعامل بالمصري ولا بال؟

المهندس منسي: لا إحنا بنسمي بس بال إنما بناخد بالجنيه المصري

العميل: يعني تعملها كام مصري؟

المهندس منسي: اضرب 3 × 18

العميل: دي المكنة بتعمل أد إيه يا باشا؟

المهندس منسي: تعمل في الساعة في حدود 20 كيلو

العميل: طيب والتحميص

المهندس منسي: مكنة التحميص؟

العميل: آه

المهندس منسي: بنبيعها بـ

العميل: طب آخرهم كام دول يا باشا ولا لما نيجي…

المهندس منسي:  لا إحنا شركة إنترناشيونال، شركة عالمية، إحنا أسعارنا موحدة

العميل: يعني الحاجات دي مستوردة مش مصرية؟

المهندس منسي: آه كلها مستوردة

العميل: آه… ماشي طب ما تعرفش الحاجة دي فيها مصري

المهندس منسي: ما هو إحنا مصريين صنعناها بره

العميل: اشمعنى يعني هنا مش متاحة؟

المهندس منسي: التكنولوجيا بره.. ما هو في حاجات بنعملها هنا بس التكنولوجيا بره كل الدول بتتكامل مع بعضها عشان تتطلع منتج أفضل

العميل: آه

المهندس منسي: يعني كل الدول بتتكامل مع بعضها عشان نوصل لمنتج أفضل، مافيش دولة بتعيش لوحدها

العميل: أكيد يا باشا… بس المكنة دي اللي هي الحجر…

المهندس منسي: آه الحجر لأ مش تبعنا الحجر

العميل: أنا قلت يمكن في مصنع عملها بفكرة تانية مثلاً

المهندس منسي: ده دي مكنة كده صممتها وعملتها بفكر جديد كده على أساس نساعد بيها الناس اللي هوه ما عندوش استطاعة إنه يجيب حجر، لأنه الحجر النهاردة إنت بتجيب إيه؟؟؟ الحجر ده بياخد مساحة عالية، وبياخد مواتير عالية، وبيستهلك طاقة عالية، وبيسلق الأول بيسلق… يعني بيحتاج مصنع كبير… الناس النهاردة ما عندهاش المساحة

فقلت مثلاً واحد عايز يعمله مثلاً 20-30 كيلو يعني 200 كيلو في اليوم ويوزعهم،  أعمله المكنة ديت

اللي هي المشاريع الصغيرة

العميل:الحاجة دي معاها ضمان يا باشا؟

المهندس منسي: آه ضمان لمدة سنة ضد عيوب الصناعة، و10 سنين توفير قطع الغيار لحساب العميل

بعدين دي ماركة المهندس منسي ماركة محترمة مش ماركة أي كلام يعني

العميل: اتشرفنا بمعرفتكم بس حضرتك عارف برده الواحد لما ييجي يشتري حاجة لازم يفهم برده ويلم تفاصيل أكتر

المهندس منسي: أكيد… لا خد راحتك

العميل:تسلم يا باشا وشكراً لذوقك، وإن شاء الله نشرفكم يعني، إنت في باب الشعرية صح؟

المهندس منسي: إن شاء الله

العميل: تمام يا باشا، ماشي

المهندس منسي: مع السلامة